ထိုင်းနိုင်ငံမှာ ကုန်ပစ္စည်းအတော်များများရဲ့ အခွန်ကောက်ခံမှု ဖွဲ့စည်း ပုံအား ပြုပြင်ပြီး ဆေးလိပ်၊ ဆေးရွက်ကြီး၊ အရက်၊ ဘီယာ အပါအဝင် စားသောက်ဆိုင်များအား အခွန်တိုးမြှင့်ကောက်ခံသွားမယ်လို့ ပြည်တွင်းအခွန် များ ဦးစီးဌာန ညွှန်ကြားရေးမှူးချုပ် နန်ဘင်ကျာလွီကျရင်း ပြောကြားတယ်လို့ သိရပါတယ်။ ယခင်က ပြည်တွင်းအခွန်ဌာနမှ လုပ်ငန်းရှင်များအား ကုန်ထုတ်လုပ်မှု အရင်းငွေ သက်သာစေဖို့ ကုန်ပစ္စည်းအတော်များများအား အခွန်ကောက်ခံမှု လျှော့ချပေးခဲ့ပါတယ်။ ၂၀၀၉ ခုနှစ်မှာ အဲယားကွန်းအခွန်ကို ၁၅ ရာခိုင်နှုန်းမှ သုည ရာခိုင်နှုန်းသို့ လျှော့ချပေးခဲ့ပြီး လုပ်ငန်းရှင်များက ဈေးသက်သာစွာနဲ့ ပြည်သူများကိုရောင်းချပေးမယ်လို့ ဌာနကမျှော်လင့်ထားသော်လည်း အဲယား ကွန်းဈေးနှုန်းအလွန်ကြီးမားလာဖြင့် ယခင်သတ်မှတ်ချက်နဲ့ ကိုက်ညီမှုမရှိတာ တွေ့လာရပါတယ်။ ဒါ့အပြင် အစိုးရမှ သဘာဝဓာတ်ငွေ့ (NGV) သုံး ကားတစ်စီးအပေါ်မှာ အခွန်ကောက်ခံမှုအား ဘတ် ၅ သောင်းအထိ လျှော့ချပေးခဲ့ ပေမယ့် (NGV) တပ်ဆင်ထားသည့် ကားရောင်းဈေးနှုန်းမှာလည်း ဌာနမှ မျှော်လင့်ထားသည့်အတိုင်းမဖြစ်လာခဲ့၍ ကုန်ပစ္စည်းအခွန်ကောက်ခံမှုနှုန်းထား များအား တိုးမြှင့်ကောက်ခံသွားဖို့ ဘဏ္ဍာရေးဝန်ကြီးဌာနနဲ့ စက်မှုဝန်ကြီးဌာန တို့မှ ညှိနှိုင်းဆောင်ရွက်ခဲ့တယ်လို့ သတင်းရရှိပါတယ်။ Source: ထိုင်းရတ်သတင်းစာ၊ကျော်ဆန်းထွန်း
Background