ပြည်ပဲဈေးကွက်ရဲ့ မိုးရာသီကာလအတွင်း လက်လီအရောင်းအဝယ်ဖြစ်မှု များတဲ့ ပဲသီးနံှထဲမှာ ပဲနီပြားသီးနှံလည်း ပါဝင်နေခဲ့ပြီး နေ့စဉ်အိတ် အနည်းငယ် ရောင်းချခဲ့ရကြောင်း သိရပါတယ်။ ယခင်နှစ်က အခြား လက်လီပဲ များဖြစ်သော ပဲလွန်းဖြူ၊ ထောပတ်ပဲစသည့် သီးနှံများ ဈေးအေးခဲ့ပေမယ့် ပဲနီပြားသီးနှံကတော့ တစ်တင်းကျပ် ၂၅၅၀၀ ဖြင့် ဈေးကောင်းရခဲ့သလို ယခုနှစ်မှာလည်း ဈေးမကျဘဲ တစ်တင်းကျပ် ၂၆၀၀၀ ဖြင့် ယခင်နှစ်ဈေးနှင့် ကွာခြား မှု မဖြစ်ဘဲ အရောင်းအဝယ် ဖြစ်နေခဲ့ပါတယ်။ ယခုနှစ်အတွင်း ထောပတ်ပဲသီးနှံဟာ ယခင်နှစ်ရဲ့ဈေးထက် ထက်ဝက်ကျော်မြင့်လာခဲ့တဲ့အတွက် ပဲနီပြားသီးနှံဟာ ယခုနှစ်မှာတော့ ထောပတ်ပဲ သီးနှံထက် ဈေးလျော့နည်းကာ ရောင်းဝယ်ခဲ့ကြရတယ်လို့ သိရပါတယ်။
ခင်ဆွေဝင်း