ယခုနှစ် ထောပတ်သီးရာသီတွင် ပြည်ပနိုင်ငံများဖြစ် သည့် ထိုင်း၊ တရုတ်နှင့် အိန္ဒိယဈေးကွက်များထံသို့ ထောပတ် သီးတန်ချိန် ၅၀ဝ၀ ခန့် တင်ပို့နိုင်ရေး လျာထားလျက်ရှိကြောင်း မြန်မာနိုင်ငံ ထောပတ်သီး စိုက်ပျိုးထုတ်လုပ်တင်ပို့ရောင်းချ သူများအသင်း (MAVO)မှ သိရသည်။
ပြည်တွင်းမှထွက်ရှိသည့် ထောပတ်သီးများကို တရုတ် ပြည်သူ့သမ္မတနိုင်ငံ အကောက်ခွန် အထွေထွေအုပ်ချုပ်မှု အာဏာပိုင်အဖွဲ့ (GACC)၏ သတ်မှတ်ချက်များနှင့်အညီ ပင်လယ်ရေကြောင်းမှ တရားဝင်တင်ပို့နိုင်ရေး ပြင်ဆင်လျက် ရှိပြီး လာမည့်၂၀၂၆ ခုနှစ် ဇန်နဝါရီလတွင် တရုတ်နိုင်ငံဘက် က လိုအပ်သည်များ လာရောက်စစ်ဆေးရန်ရှိနေကြောင်း သိရသည်။
ပြီးခဲ့သည့် ထောပတ်သီးရာသီတွင် ပြည်ပနိုင်ငံများသို့ ထောပတ်သီး တန်ချိန် ၃၀ဝ၀ တင်ပို့နိုင်ခဲ့ကြောင်း သိရသည်။ မြန်မာနိုင်ငံ၏ ထောပတ်သီးရာသီသည် နှစ်စဉ် အောက်တို ဘာလမှ ဇန်နဝါရီလအထိဖြစ်ပြီး ရှမ်းပြည်နယ်(တောင်ပိုင်း)နှင့် မန္တလေးတိုင်းဒေသကြီးတို့တွင် အများဆုံး စိုက်ပျိုးလျက်ရှိ သည်။ ယခုနှစ် တစ်နိုင်ငံလုံးအတိုင်းအတာဖြင့် ထောပတ်သီး စိုက်ဧက ၂၀ဝ၀ဝ ခန့်ရှိပြီး ပျမ်းမျှတန်ချိန် ခုနစ်ထောင်ခန့် ထွက်ရှိနိုင်ကြောင်း မြန်မာနိုင်ငံ ထောပတ်သီးစိုက်ပျိုးထုတ်လုပ်တင်ပို့ ရောင်းချသူများအသင်းက မျှော်မှန်းထားကြောင်း သိရသည်။
ကိုတိုး