Apple Store ကို မလေးရှားနိုင်ငံ ကွာလာလမ်ပူမြို့တွင် ဖွင့်လှစ်မည်

မလေးရှားနိုင်ငံ ကွာလာလမ်ပူမြို့တွင် ပထမဆုံးသော Apple Store  ကို ဖွင့်လှစ်တော့မည်ဖြစ်ကြောင်း Channel News Asia  ၏ မေ ၃၁ ရက်တွင် ရေးသားဖော်ပြချက်အရ သိရသည်။
ကွာလာလမ်ပူမြို့တွင် ပထမဆုံးဖွင့်လှစ်မည့် အဆိုပါ Apple Store ကို ယခုနှစ် ဇွန် ၂၂ ရက်တွင် ဖွင့်လှစ်သွားမည်ဖြစ်ကြောင်း၊ ယင်းမှာ မလေးရှားနိုင်ငံ၏  ပထမဦးဆုံးသော Apple Store ဖြစ် ကြောင်းနှင့် ၎င်းကို ကွာလာလမ်ပူမြို့ရှိ Exchane TRX ကုန်တိုက်၌ ဖွင့်လှစ်မည်ဖြစ်ကြောင်း သိရသည်။
အဆိုပါ သတင်းကို ဗစစူန ကုမ္ပဏီက ၎င်းတို့၏ ဝက်ဘ်ဆိုက် ၌ မေ ၂၉ ရက်တွင် တရားဝင် ကြေညာထားသည်ဟု  Channel News Asia  က ဆက်လက်ရေးသားဖော်ပြထားသည်။
မလေးရှားနိုင်ငံတွင် မိမိတို့၏ ပထမဦးဆုံးသော Apple Store  ကို ဖွင့်လှစ်ရန် အဆင်သင့်ဖြစ်နေပြီဖြစ်ကြောင်း၊ ဆိုင်လိပ်စာနှင့် ဖွင့်လှစ်မည့်ရက်ကို Opening 22 Juneဟု  အတိအကျ ရေးသားထား ကြောင်း၊ အဆိုပါ Apple Store  ကို ၂၀၂၄ ခုနှစ် ဖေဖော်ဝါရီလ ကတည်းကပင်  ဖွင့်လှစ်ရန်  ကြိုးပမ်းခဲ့ကြောင်း၊ သို့သော်လည်း အကြောင်းအမျိုးမျိုးကြောင့် ကြန့်ကြာနေခဲ့ခြင်းဖြစ်ကြောင်း Apple Store  က ၎င်းတို့၏ ဝက်ဘ်ဆိုဒ်ပေါ်တွင် ရေးသားထားခြင်းဖြစ်သည်။
Exchange TRX  ကုန်တိုက်၏ အထွေထွေမန်နေဂျာဖြစ်သူTrevor Hill က ၎င်း၏LinkedIn စာမျက်နှာပေါ်တွင် Apple Store  ၏ ပုံတွေကို ဖော်ပြထားသည်ကို တွေ့ရှိရကြောင်း   Channel News Asia က ဆက်လက် ဖော်ပြထားသည်။
Source; Channel News Asia

စိုင်းဗညား