ကမ္ဘာလုံးဆိုင်ရာ ဉာဏ်ရည်တု နည်းပညာ(AI) ပူးပေါင်းဆောင်ရွက် ရေး အဖွဲ့အစည်းတစ်ခု တည်ထောင် ရန် တရုတ်နိုင်ငံအစိုးရက ဇူလိုင် ၂၈ ရက်တွင် အဆိုပြုခဲ့ကြောင်း ဆင်ဟွာ သတင်းတစ်ရပ်၏ ဖော်ပြချက်အရ သိရသည်။
အဆိုပါ ကမ္ဘာလုံးဆိုင်ရာ ဉာဏ် ရည်တုနည်းပညာ(AI) ပူးပေါင်း ဆောင်ရွက်ရေး ဌာနချုပ်ကို ရှန်ဟိုင်း မြို့တွင် ထားရှိရန် စီစဉ်ထားကြောင်း သတင်းတွင်ဆက်လက်ဖော်ပြထားသည်။
ယင်းဌာနချုပ်အနေဖြင့် နိုင်ငံစုံ ပူးပေါင်းဆောင်ရွက်ရေး မူဝါဒကို ကျင့် သုံးရန်နှင့် ကျယ်ပြန့်သော ဆွေးနွေး တိုင်ပင်မှုများ၊ ပူးပေါင်းပါဝင်မှု အကျိုး ကျေးဇူးများကို မျှဝေရန် စသည့် ကမ္ဘာ လုံးဆိုင်ရာ စီမံအုပ်ချုပ်မှုပုံစံကို မြှင့် တင်ရန်အတွက် တရုတ်နိုင်ငံ၏ အရေး ကြီးသည့် လုပ်ဆောင်ချက်တစ်ခုဖြစ် ကြောင်း သတင်းတွင် ရေးသားထား ခြင်းဖြစ်သည်။ ကမ္ဘာလုံးဆိုင်ရာ ဉာဏ်ရည်တု (AI) ပူးပေါင်းဆောင်ရွက်ရေး အဖွဲ့အစည်း တည်ထောင်ရန် တရုတ်နိုင်ငံအစိုးရ၏ အဆိုပြုမှုသည် ဒစ်ဂျစ်တယ်နှင့် ဉာဏ် ရည်ပိုင်းဆိုင်ရာ ကွာဟချက်ကို ပေါင်း ကူးရန်၊ AI ၏ ဘက်စုံဖွံ့ဖြိုးတိုးတက်မှု နှင့် AI ကို ကောင်းမွန်စွာ အသုံးပြုမှု မြှင့်တင်ရန် ကမ္ဘာ့တောင်ဘက်ခြမ်း နိုင်ငံများ၏ တောင်းဆိုမှုကို တရုတ် နိုင်ငံမှ တုံ့ပြန်ဆောင်ရွက်သည့် ခိုင်မာ သော လုပ်ဆောင်ချက်တစ်ခု ဖြစ် ကြောင်းလည်း မှတ်ချက်ပြုထားသည်။
ကမ္ဘာ့နိုင်ငံများအချင်းချင်း ဆန်း သစ်တီထွင်မှုဆိုင်ရာ ပူးပေါင်းဆောင် ရွက်မှုကိုနက်ရှိုင်းစေရန်၊ AI ၏ ကောင်း မွန်သော အနာဂတ် အလားအလာများ ကို ထုတ်ဖော်နိုင်ရန်အတွက် လက် တွေ့ကျသည့် ပူးပေါင်းဆောင်ရွက်မှု များကို မြှင့်တင်ရန်နှင့် ဘုံဖွံ့ဖြိုးတိုး တက်မှုနှင့် သာယာဝပြောမှုကို ရရှိရန် တို့ကို ယင်းအဖွဲ့အစည်းက ပလက် ဖောင်းတစ်ခုအဖြစ် ဆောင်ရွက်မည်ဟု တရုတ်နိုင်ငံက မျှော်လင့်ထားကြောင်း သိရသည်။
ကမ္ဘာလုံးဆိုင်ရာ ဉာဏ်ရည်တု (AI) ပူးပေါင်းဆောင်ရွက်ရေး အဖွဲ့ အစည်းအနေဖြင့် ဗှု ဆန်းသစ်တီထွင် မှု ဂေဟစနစ်ကို ပျိုးထောင်ရန်၊ ဖွံ့ဖြိုး ဆဲနိုင်ငံများက AI လှုပ်ရှားမှုများမှတစ် ဆင့် တန်းတူအကျိုးခံစားရရှိစေရန်၊ ကုလသမဂ္ဂ၏ ၂၀၃၀ စဉ်ဆက်မပြတ် ဖွံ့ဖြိုးတိုးတက်ရေးအစီအစဉ် အကောင် အထည်ဖော်မှုကို မြှင့်တင်ပေးနိုင်မည် ဟု တရုတ်နိုင်ငံအစိုးရက ယုံကြည်ထား သည်။
အဆိုပါ အဖွဲ့အစည်း၏ နောက် ထပ် ရည်မှန်းချက်များမှာ ကမ္ဘာ့နိုင်ငံ များအကြား ညှိနှိုင်းဆောင်ရွက်မှု၊ ဖွံ့ဖြိုးတိုးတက်ရေး မဟာဗျူဟာများ ချိန်ညှိမှု၊ အုပ်ချုပ်မှုဆိုင်ရာ စည်းမျဉ်း များနှင့် နည်းပညာစံနှုန်းများကို မြှင့် တင်ရန်၊ ကမ္ဘာလုံးဆိုင်ရာ မူဘောင်နှင့် နိုင်ငံတကာစံနှုန်းများကို တဖြည်းဖြည်း ချမှတ်သွားရန်ဖြစ်ကြောင်း သတင်းတွင် ဖော်ပြထားသည်။
Source; Xinhua
စိုင်းဗညား