တတိယမြောက် သဘာဝဓာတ်ငွေ့ရည် သိုလှောင်ဆိပ်ကမ်းတစ်ခု ထိုင်းတည်ဆောက်

ထိုင်းနိုင်ငံတွင် တတိယမြောက် သဘာဝဓာတ်ငွေ့ ရည် သိုလှောင်ဆိပ်ကမ်းတစ်ခု  ဖြစ်လာမည့် ဆိပ်ကမ်း တစ်ခုကို  စတင် တည်ဆောက်နေပြီဖြစ်ကြောင်း ထိုင်း သတင်းများ၏ ရေးသားဖော်ပြချက်အရ သိရသည်။
ထိုင်းနိုင်ငံတွင် ပြည်တွင်းထုတ်လုပ်မှု သဘာဝ ဓာတ်ငွေ့ လျော့နည်းလာခြင်းကို ဖြေရှင်းနိုင်ရန်အတွက် ဗန်ကောက်မြို့၏ အရှေ့တောင်ဘက်ရှိ မပ်တာဖုဆိပ်ကမ်း တွင် ၎င်းတို့၏  တတိယမြောက် သဘာဝဓာတ်ငွေ့ရည် (LNG)  သိုလှောင်ဆိပ်ကမ်းတစ်ခုကို တည်ဆောက်နေ ခြင်းဖြစ်ပြီး  ၂၀၂၉ ခုနှစ်တွင် စတင်အသုံးပြုနိုင်မည်ဟု ခန့်မှန်းထားကြောင်း သတင်းတွင် ဆက်လက်ဖော်ပြထား သည်။
အဆိုပါ ထိုင်းနိုင်ငံ၏ တတိယမြောက် သဘာဝ ဓာတ်ငွေ့ရည်(LNG)  သိုလှောင်ဆိပ်ကမ်းတစ်ကို အများ ပိုင်ကုမ္ပဏီဖြစ်သည့် Gulf Development က  တည် ဆောက်နေခြင်းဖြစ်ကြောင်း၊ ယင်းစီမံကိန်းသည် ဘတ် ငွေ ဘီလီယံ ၆၀  (အမေရိကန်ဒေါ်လာ ၁ ဒသမ ၈၅ ဘီလီယံ) ကုန်ကျမည်ဖြစ်ကြောင်း၊ သိုလှောင်ဆိပ်ကမ်း တည်ဆောက်ပြီးပါက နိုင်ငံ၏ နှစ်စဉ်LNGလက်ခံသို လှောင်နိုင်စွမ်းမှာ စုစုပေါင်း တန် ၂၇ သန်းအထိ ရှိလာ မည်ဖြစ်ကြောင်းနှင့် ယင်းပမာဏသည် ကမ္ဘာပေါ်ရှိ နှစ်စဉ် LNG လက်ခံနိုင်စွမ်း စုစုပေါင်း၏ ၇ ရာခိုင်နှုန်းနှင့် ညီမျှကြောင်း သိရသည်။
ယင်းသိုလှောင်ဆိပ်ကမ်းမှ   ထွက်ရှိလာသည့် သဘာဝဓာတ်ငွေ့ရည်များကို  ကိုယ်ပိုင်ဓာတ်ငွေ့သုံး ဓာတ်အားပေးစက်ရုံများသို့လည်း ဆက်လက် တင်ပို့သွား မည်ဖြစ်ကြောင်းနှင့်  Gulf Development  တွင် လျှပ်စစ် ဓာတ်အား မီဂါဝပ် ၇၉၀ဝ ခန့် ထုတ်လုပ်နိုင်သည့် စက်ရုံ များရှိကြောင်း၊ ယင်းမှာ ထိုင်းနိုင်ငံတွင်း ဓာတ်အားထုတ် လုပ်နိုင်စွမ်း  စုစုပေါင်း၏ ၂၀ ရာခိုင်နှုန်းရှိကြောင်းနှင့် လုပ်ငန်း စတင်လည်ပတ်သည်နှင့် တစ်နှစ်လျှင် ဘတ် ၈ ဘီလီယံမှ ၉ ဘီလီယံအထိ အမြတ်အစွန်း ရရှိမည်ဟုGulf Development  ကုမ္ပဏီက ခန့်မှန်းထားကြောင်း သိရသည်။                                                          

 Source; Nikkei Asia

စိုင်းဗညား