Main menu

Background

ကုန်သွယ်ရေးအငြင်းပွားမှုကိစ္စ တောင်ကိုရီးယားနှင့် ဂျပန်တို့ အလုပ်သဘောအဆင့် ဆွေးနွေး

Wed, 12/04/2019 - 13:29 -- journal_editor

     တောင်ကိုရီးယားနှင့် ဂျပန်တို့သည်  နိုဝင်ဘာ ၂၈ ရက် က လုပ်ငန်းအဆင့်ဆွေးနွေးပွဲကိုကျင်းပခဲ့ကြောင်း ဆိုးလ်မြို့ မှ တာဝန်ရှိသူတစ်ဦး၏ပြောကြားချက်ကို ကိုးကားပြီး ယွန်းဟပ်သတင်းတွင် ဖော်ပြသည်။ ယခုဆွေးနွေးပွဲသည် နှစ်နိုင်ငံ အပြန် အလှန် သံတမန်ဆက်ဆံမှုနှင့် လုံခြုံရေးကိစ္စများကို အဟန့်အတား ဖြစ်စေခဲ့သော ကုန်သွယ်ရေးအငြင်းပွားမှုများကိုဖြေရှင်းရန် ရှေ့သို့ တစ်ဆင့်တက်လှမ်းလာသော ခြေလှမ်း တစ်လှမ်းဖြစ်သည်။ စစ်ရေးဆိုင်ရာ   သတင်းအချက်အလက် မျှဝေရေး သဘောတူ စာချုပ် ကုန်ဆုံးချိန်ကို တောင်ကိုရီးယားက ြွခင်းချက်ဖြင့်ရပ်ဆိုင်းပြီးနောက်  တောင်ကိုရီးယားသို့ ဂျပန်နိုင်ငံမှ ပို့ကုန်တင်ပို့မှုကန့်သတ်ထားသည့် ကိစ္စကိုဆွေးနွေးရန် နှစ် နိုင်ငံစလုံးက ယခင်သီတင်းပတ်တွင် သဘောတူခဲ့သည်။
     "ကုန်သွယ်ရေးကန့်သတ်တာတွေနဲ့ ပတ်သက်ပြီး စိတ် အားထက်သန်စွာ   ဆွေးနွေးဖို့အတွက် ပြင်ဆင်တဲ့အနေနဲ့ နှစ်နိုင်ငံ လုပ်ငန်းအဆင့်တာဝန်ရှိသူတွေက တောင်ကိုရီးမှာ ဒီကနေ့ တွေ့ဆုံကြပါတယ်" ဟု အဆိုပါအရာရှိကပြောသည်။ ဆွေးနွေးပွဲကာလအတွင်း နှစ်နိုင်ငံလုပ်ငန်းအဆင့် တာဝန်ရှိသူများ၊  ညွှန်ကြားရေးမှူးအဆင့် တာဝန်ရှိသူများ ဆွေးနွေးပွဲကျင်းပမည့်ရက်နှင့် နေရာတို့ကို ညှိနှိုင်းကြမည်ဟု ယူဆရသည်။ စစ်ရေးအတွက်ပြောင်းလဲအသုံးပြုနိုင်သည့် မဟာဗျူ ဟာမြောက် ပစ္စည်းများကို ထိန်းချုပ်နိုင်သောစနစ် တောင်ကို ရီးယားတွင်မရှိဟူသော အကြောင်းပြချက်ဖြင့် တစ်ပိုင်းလျှပ် ကူးပစ္စည်းနှင့်  ပျော့ပျောင်းသော ဖန်သားပြင်ထုတ်လုပ်ရာတွင် အရေးပါသော  ကုန်ကြမ်းသုံးမျိုးအား တောင်ကိုရီးယားသို့တင်ပို့ခြင်းနှင့်ဆိုင်သော စည်းဥပဒေများကို ဂျပန်နိုင်ငံက ဇူလိုင်အတွင်းက တင်းကျပ်ခဲ့သည်။
     တောင်ကိုရီးယားနိုင်ငံအား ယုံကြည်စိတ်ချရသော နိုင်ငံ စာရင်းမှလည်း ဂျပန်နိုင်ငံက ဖယ်ရှားခဲ့သည်။ တောင်ကိုရီးယားကျွန်းဆွယ်တွင် ၁၉၁၀ ပြည့်နှစ်မှ ၁၉၄၅ ခုနှစ် ကာလအတွင်း ဂျပန်နိုင်ငံက ကိုလိုနီအဖြစ်အုပ် ချုပ်စဉ်က အဓမ္မခိုင်းစေမှုများရှိခဲ့သည်။ ထိုသို့ခိုင်းစေမှုများ တွင် သားကောင်ဖြစ်ခဲ့ရသူများအတွက် ဂျပန်နိုင်ငံကလျော် ကြေးပေးရန် တောင်ကိုရီးယား ဗဟိုတရားရုံးက စီရင်ချက် ချမှတ်ခဲ့သည်။ ဂျပန်နိုင်ငံ ၏ ဆောင်ရွက်မှုသည် ထိုစီရင်ချက် ကိုအခြေပြု၍ လက်တုံ့ပြန်မှုအဖြစ် တောင်ကိုရီးယားနိုင်ငံ က ယူဆထားသည်။

 

စံမီအောင်