ဇွန်လနောက်ဆုံးပတ်ရဲ့ ပြည် ကြက်သွန်နီပွဲရုံများမှာ အရောင်း အဝယ်အေးနေသော်လည်း ကြက်သွန် နီဈေးတွေ ထပ်တက်လာတာ တွေ့ရ ပါတယ်။ ကြက်သွန်နီထွက်ရှိရာဒေသများဖြစ်တဲ့ တောင်တွင်းကြီး၊ မကွေး၊ အောင်လံ၊ မင်းတုန်း၊ ရေနံချောင်း၊ ချောက်၊ ဆိပ်ဖြူမြို့များဟာ ဆက်သွယ် ရေးကောင်းမွန်ခြင်းကြောင့် တိုက်ရိုက် တင်ပို့နေပါတယ်။ယခင်လို ပြည်မှတစ်ဆင့်ခံ တင်ပို့ ခြင်းမျိုးမဟုတ်တော့တာကြောင့် တိုင်း အတွင်း၊ ဒေသတွင်း အရောင်းအဝယ်ရှိမှုလောက်သာရှိခဲ့လို့ အရောင်းအဝယ် အေးနေခဲ့တာ ဖြစ်ပါတယ်။ ယခုတစ် ပတ် ကြက်သွန်နီ ဝင်ရောက်မှုလည်း ပုံမှန်ထက်နည်းနေပြီး ရန်ကုန်သို့တိုက် ရိုက်တင်ပို့နေပါတယ်။
ပြည်ပွဲရုံ ကြက်သွန်နီဈေး တစ် ပိဿာ (ကြီး) ၆၀၀ ကျပ်၊ (လတ်) ၅၅၀ ကျပ်၊ (သေး) ၅၀၀ ကျပ်တို့ဖြစ်ပြီးလက် လီဈေး (ကြီး) ၇၀၀ ကျပ်၊ (လတ်) ၆၅၀ ကျပ်၊ (သေး) ၅၅၀ ကျပ်အထိ ဒေသ တွင်း ဈေးမြင့်တက်လာကြောင်း လည်းသိရပါတယ်။ ပွဲရုံများတွင်လည်း တစ် ရက်လျှင် အိတ် ၂၅၀ လောက်သာ အရောင်းအဝယ်ဖြစ်နေပါတယ်။
နီနီဝင်း-ပြည်