ပဲခူးတိုင်းဒေသကြီး ပြည်ပဲမျိုးစုံ ဈေးကွက်မှာ အောက်တိုဘာလ ဒုတိယပတ်မှစ၍ ပဲအချို့ဈေးပြန် လျော့နည်း သွားခဲ့ပြီး ကုလားပဲသီးနှံတစ်မျိုးသာ ယခင်တစ်ပတ်ထက် ဈေးအနည်းငယ် ပိုလာပါတယ်။ လဆန်းရက်က ဈေး အတိုင်း ကျန်ပဲများ ဈေးငြိမ်အရောင်းအဝယ် ဖြစ်လျက်ရှိတာကို တွေ့ရပါတယ်။ မတ်ပဲသီးနှံနဲ့ ပဲစင်းငုံသီးနှံမှာ လဆန်းရက်ကထက် ဈေးလျော့နည်းလာလို့ မတ်ပဲတစ်တင်း ကျပ် ၄၅၅၀ဝ၊ ပဲစင်းငုံတစ်တင်း ကျပ် ၃၃၅၀ဝ တို့ နဲ့ ေ ရာင်းချခဲ့ရာ မတ်ပဲသီးနှံအား ရန်ကုန်ဝယ်လက်အဝယ်ရှိလို့ နေ့စဉ်အိတ် ၂၀ဝ ကျော် အရောင်းအဝယ်ဖြစ်ခဲ့ပေမယ့် ပဲစင်းငုံသီးနှံကတော့ ရက်ခြားသာ အိတ်၁၀ဝနှင့်၂၀ဝကြား အရောင်းအဝယ်ဖြစ်ခဲ့ပါတယ်။ မတ်ပဲသီးနှံမှာ ပန်းေ တာင်း၊ ပေါင်းတလည်၊ ပေါက်ခေါင်းမြို့နယ်များမှလည်း အိတ်အနည်းငယ် ဝင်ရောက်ခဲ့သလို လက်ကျန်ပဲများလည်းရှိကာ ဝယ်လိုအားရှိသလောက်ရောင်းချနိုင်ခဲ့ပါတယ်။အောက်တိုဘာလဆန်း ပဲဈေးနှုန်းအနေဖြင့် ပြည်ပ ဝယ် လက်ပဲများဖြစ်တဲ့ မတ်ပဲ၊ ပဲတီစိမ်းသီးနှံများ ဈေးပြန် မြင့်တက်လာခဲ့ပေမယ့် ယခုလလယ်မှာ တော့ မတ်ပဲသီးနှံဈေးပြန် လျော့နည်းသွားပြီး ပဲစင်းငုံသီးနှံလည်း ဈေးလျော့ နေခဲ့ပါတယ်။ ပဲတီစိမ်းသီးနှံကတော့ ယခင်တစ်ပတ် ကဈေးအတိုင်း ဈေးငြိမ်လျက်ရှိတာကြောင့် တစ်တင်းကျပ် ၂၄၅၀ဝ ဖြင့် မန္တလေးလိုင်းသမားများ ဝယ်ယူခဲ့ကြပါတယ်။ ပဲဝင်ရောက်မှု သိပ်မများသော်လည်း ပန်းတောင်း၊ ပေါင်းတလည်၊ပေါက်ခေါင်းမြို့နယ်များမှ နေ့စဉ် ဝင်ေ ရာက်နေခဲ့တာကြောင့် ဝယ်လိုအားရှိသလောက် အရောင်းအဝယ်ဖြစ်ခဲ့တာကိုလည်း တွေ့ရပါတယ်။ကုလားပဲသီးနှံမှာ ဒေသတွင်း အရောင်းအဝယ် ဖြစ်မှုများခဲ့ပြီး ပဲခွဲ စက်သမားများက နေ့စဉ်ဝယ်ယူခဲ့ကြပါ တယ်။ ပဲဝင်ရောက်မှု သိပ်မရှိတော့ပေမယ့်လက်ကျန်ပဲများ ရှိတာကြောင့် ဝယ်လိုအားရှိသလောက် ရောင်းချနိုင်ခဲ့ ကြကာ ယင်းပဲမှာ တစ်နှစ်ပတ်လုံး အရောင်းအဝယ်ဖြစ်တဲ့ပဲဖြစ်ခဲ့ပါတယ်။ အခြားပဲဈေးနှုန်းမှာ ယခုတစ်ပတ်တွင် ဈေးလျော့ပေမယ့် ကု လားပဲသီးနှံဈေး ကတော့ လဆန်းရက်က ဖြစ်ပေါ်ခဲ့တဲ့ ဈေးထက် ဈေးပိုရလာတာကိုတွေ့ ရပါတယ်။ ပဲတစ်တင်းလျှင် ကျပ် ၄၃၅၀ဝ မှ ကျပ် ၄၄၀ဝ၀ အထိရရှိခဲ့လို့စက်တင်ဘာလ အတွင်းက ဈေးထက် လည်းဈေးပိုနေသလို ယခင်နှစ်က အောက်တိုဘာ ဈေးထက်လည်း ဈေးပိုရလျက် ရှိခဲ့တဲ့အတွက် ကုလားပဲသီးနှံဟာ ပြည်တွင်းဝယ်လက်ပဲထဲမှာ ဈေးကောင်းရနေတဲ့ ပဲသီးနှံဖြစ်ခဲ့ပါတယ်။ ပဲကြီးသီးနှံမှာ နေ့စဉ်ပဲဝင်ရောက် မှုမရှိတော့ပေမယ့် လက် ကျန်ပဲများရှိ ခဲ့လို့ ပဲကြော်ဖိုလုပ်ငန်းသမားများ နေ့စဉ် ဝယ်ယူမှုအပေါ်အိတ်၂၅၀ ကျော် ၃၀ဝ ရောင်းချမှုရှိခဲ့ပါ တယ်။ ပဲဈေးနှုန်းမှာ လဆန်းရက်က ဈေးအတိုင်းဈေးဆက် ငြိမ်နေခဲ့တာကြောင့် (ရွှေကျွန်း) တစ်တင်းကျပ် ၂၇၀ဝဝ၊ (ကမ်းနား) တစ်တင်း ကျပ် ၂၄၀ဝ၀ သာရရှိခဲ့သလို ယခင်နှစ်ကာလတူက ဖြစ်ပေါ်ခဲ့တဲ့ ဈေးနှုန်းထက်လည်း လျော့နည်းခဲ့ပါတယ်။ ယခင်နှစ်က အောက်တိုဘာလအတွင်း ပဲကြီးသီးနှံ ရဲ့ ဈေးနှုန်းမှာ (ရွှေကျွန်း) တစ်တင်း ကျပ် ၃၅၀ဝဝ၊ (ကမ်းနား) တစ်တင်း ကျပ် ၃၂၅၀ဝ ရရှိခဲ့ကြတာကို တွေ့ရပါ တယ်။ထောပတ်ပဲသီးနှံနဲ့ ပဲပုပ်သီးနှံ ဈေးများမှာလည်း လဆန်းရက်က ဈေး အတိုင်းဈေးငြိမ်နေခဲ့ရာ ထောပတ်ပဲ တစ်တင်းကျပ် ၁၃၅၀ဝ ၊ ပဲပုပ် တစ် တင်း ကျပ်၂၂၀ဝဝဖြင့်လက်လီသာ အရောင်း အဝယ်ဖြစ်ခဲ့ကြတဲ့အတွက် အိတ် အနည်းငယ်သာ ရောင်းဝယ်မှုရှိခဲ့တယ် လို့သိရပါတယ်။
ခင်ဆွေဝင်း