ဆန်တန်ချိန် ၁ ဒသမ ၆ သန်း အင်ဒိုနီးရှား ထပ်မံ တိုးမြှင့်တင်သွင်းမည်

အင်ဒိုနီးရှားနိုင်ငံတွင်  နိုင်ငံတော်ထောက်ပံ့ ပို့ဆောင်ရေးအေဂျင်စီ (Bulog)၏  စီမံခန့်ခွဲမှုဖြင့် အရန်ဆန်များ    ဖြည့်တင်းနိုင်ရေးအတွက်  ဆန် တန်ချိန် ၁ဒသမ၆သန်း ထပ်မံတင်သွင်းရန် အစိုးရ အနေဖြင့်   ပြင်ဆင်လျက်ရှိသည်ဟု  အင်ဒိုနီးရှား အမျိုးသားစားနပ်ရိက္ခာအေဂျင်စီ   Bapanas)က ကြေညာချက်ထုတ်ပြန်ခဲ့ကြောင်း သိရှိရသည်။
အရန်ဆန်ထားရှိရန်  အမှန်တကယ် လိုအပ် ချက်မှာ တန်ချိန် ၃သန်းဖြစ်ပြီး Bulogတွင် အနည်း ဆုံး ဆန်တန်ချိန် ၁ ဒသမ ၂ သန်း  ထားရှိနိုင်အောင် ဆောင်ရွက်ရန်   နိုင်ငံတော်သမ္မတက  လမ်းညွှန် ထားကြောင်းBapanas၏    အကြီးအကဲဖြစ်သူArief Prasetyo Adi က ဂျကာတာရှိ  သမ္မတအိမ် တော်၌ ဖေဖော်ဝါရီ ၂၆ ရက်တွင်   ပြောကြားခဲ့ သည်။ အစိုးရသည်  နိုင်ငံတော်  အရန်ရိက္ခာဆန် အတွက် ဆန်တန်ချိန် ၂ သန်း တင်သွင်းရန် ခွဲတမ်း ချထားပြီး ၎င်းခွဲတမ်းအရ တင်သွင်းသည့်ဆန်သည် တန်ချိန် ၅သိန်းသာရှိသေးကြောင်း၊ နိုင်ငံ၏နေရာ ဒေသများစွာ၌ ရိတ်သိမ်းအခြောက်လှန်းပြီးသော စပါး ၁ ကီလိုဂရမ်လျှင် အင်ဒိုနီးရှားရူပီးငွေ ၈၀ဝ၀ မှ ၈၆၀ဝ အတွင်းရှိသော ဈေးနှုန်းဖြင့် လယ်သမား များက ရောင်းချလျက်ရှိရာ   လက်ရှိကာလတွင် ဆန်ဈေးနှုန်းသည်  ၁ ကီလိုဂရမ်လျှင် အင်ဒိုနီးရှား ရူပီးငွေ ၁၆၀ဝ၀ (၁.ဝ၂   အမေရိကန်ဒေါ်လာ) အထက်ရှိကြောင်းမြ. ဗိင ၏အဆိုအရ သိရသည်။
အင်ဒိုနီးရှားအစိုးရသည်     စားနပ်ရိက္ခာ ထောက်ပံ့ရေးနှင့်ဈေးနှုန်းတည်ငြိမ်ရေးအစီအစဉ် မှတစ်ဆင့်     ပြည်သူလူထုထံသို့    ဆန်တန်ချိန် ၂၅၀ဝ၀ဝ ကို  အမြင့်ဆုံးလက်လီဈေးနှုန်းသတ်မှတ် ချက်ဖြင့် ရောင်းချပေးရန် ကြူသါ အား  တာဝန် ပေးအပ်ထားသည်။ ထို့အပြင်   ၅ ကီလိုဂရမ်ဝင် ဆန်အိတ်များကို ထုပ်ပိုး၍ လက်လီအရောင်းဆိုင် များနှင့် သမားရိုးကျဈေးများသို့  အမြောက်အမြား ဖြန့်ဖြူးပေးရန် ဆန်စက်လုပ်ငန်းရှင်များအား အစိုးရ က တိုက်တွန်းထားသည်။        

DHTSN, DOCA
Source ; Vietnam Plus 27 Feb 2024,