သက်သာသောဈေးနှုန်းများဖြင့် ဆန်ရောင်းချပေးမှု တိုးမြှင့်ဆောင်ရွက်မည်

၂၀၂၆ ခုနှစ် မတ်လဆန်းမှစတင်၍ ဖြစ်ပေါ်နေသော အရှေ့အလယ်ပိုင်းစစ်ပွဲနှင့် နိုင်ငံတကာစီးပွားရေး မတည်ငြိမ်မှုများ၊ စက်သုံးဆီဈေးနှုန်းမြင့်တက်မှုနှင့် သယ်ယူပို့ဆောင်ရေး အခက်အခဲများကြောင့် အခြေခံပြည်သူများ ဝယ်ယူစားသုံးသော ဆန်ဈေးနှုန်းများအား  သင့်တင့်မျှတမှုဖြစ်စေရန်အတွက် သက်သာသော ဈေးနှုန်းများဖြင့် ရောင်းချပေးမှုအစီအစဉ်များကို အောက်ပါအတိုင်း တိုးမြှင့်ဆောင်ရွက်သွားမည်ဖြစ်ကြောင်း မြန်မာနိုင်ငံ  ဆန်စပါးအသင်းချုပ်မှသိရသည်။
ဆန်စက်များတွင် ဧည့်မထဆန်တစ်ပြည်လျှင် ကျပ် ၂၅၀ဝ ကျပ်ဖြင့် ရောင်းချပေးခြင်း၊ ရက်-၉၀နှင့် အခြားသော ပြည်တွင်းစားဆန်များကို ဆန်အမျိုးအစား/အရည်အသွေးပေါ်မူတည်၍ တစ်ပြည်လျှင် ကျပ် ၃၀ဝ၀ မှ ၃၅၀ဝ အတွင်း ရောင်းချပေးခြင်း၊ ဧရာဝတီပေါ်ဆန်းဆန်များကို ဆန်အမျိုးအစား/ အရည်အသွေးပေါ်မူတည်၍ တစ်ပြည်လျှင် ကျပ် ၅၀ဝ၀ မှ ကျပ် ၆၀ဝ၀ အတွင်း ရောင်းချပေးခြင်း၊ ရန်ကုန်တိုင်းဒေသကြီး ဝါးတန်းနှင့် ဘုရင့်နောင် ကုန်စည်ဒိုင်များတွင် ၂၄ ပြည် ဧည့်မထဆန် တစ်အိတ်လျှင် ကျပ် ၆၀ဝ၀ဝ ဖြင့် ရောင်းချပေးခြင်း၊ ရက်-၉၀ နှင့် အခြားသော ပြည်တွင်း စားဆန်များကို ဆန်အမျိုးအစား/အရည်အသွေးပေါ် မူတည်၍ (၂၄) ပြည်ဆန် တစ်အိတ်လျှင် ကျပ် ၇၀ဝ၀ဝ မှ ကျပ် ၈၅၀ဝ၀ အတွင်း ရောင်းချပေးခြင်း၊ ဧရာဝတီပေါ်ဆန်းဆန်များကို ဆန်အမျိုး အစား/အရည်အသွေးပေါ် မူတည်၍ (၂၄) ပြည်ဆန်တစ်အိတ်လျှင် ကျပ် ၁၂၀ဝ၀ဝမှ ကျပ် ၁၄၀ဝ၀ဝ အတွင်းရောင်းချပေးခြင်း၊  ရန်ကုန်တိုင်းဒေသကြီးအတွင်းရှိ စက်မှုဇုန်များ၊ စက်ရုံများမှ ဝန်ထမ်းများ၊ လူမှုရေးအသင်းအဖွဲ့များ၊ ဌာနများအတွက် ၁၅ % ဧည့်မထ (၁၀) ကီလို ငါးပြည်အိတ် တစ်အိတ်လျှင် ကျပ် ၁၂၅၀ဝ၊ ဧရာဝတီပေါ်ဆန်း (၁၀) ကီလို ငါးပြည်အိတ် တစ်အိတ်လျှင် ကျပ် ၂၈၀ဝ၀ ဖြင့် ရောင်းချပေးမည်ဖြစ်ကြောင်း ဖော်ပြထားသည်။
ထို့ပြင် စက်မှုဇုန်များ၊ စက်ရုံများနှင့် လူမှုရေး၊ ဘာသာရေး၊ ပညာရေး အသင်းအဖွဲ့၊ အဖွဲ့အစည်းများ၊ ဌာနဆိုင်ရာများအနေဖြင့် ဆန်လိုအပ်ချက်ရှိပါက မြန်မာနိုင်ငံဆန်စပါးအသင်းချုပ် ဖုန်း-ဝ၉-၄၀ဝ၀၆၇၂၄၀၊ ဝ၉-၄၀ဝ၀၆၇၂၅၀၊ မြန်မာနိုင်ငံဆန်စက်လုပ်ငန်းရှင်များအသင်း ဖုန်း-ဝ၉-၄၅၇၈၀ဝ၃၁၁၊ ဝါးတန်းကုန်စည်ဒိုင် ဖုန်း-ဝ၉-၅၁၂၃၄၁၄၊ ဝ၉-၅၁၅၂၆၀၁၊ ဘုရင့်နောင်ကုန်စည်ဒိုင် ဖုန်း-ဝ၉-၇၆၉၀၂၉၄၂၈ စသည့် အသင်းများ၏ ဖုန်းနံပါတ်များသို့ ဆက်သွယ်ညှိနှိုင်း ဝယ်ယူရရှိနိုင်ကြောင်း သိရသည်။ 

ကိုတိုး