ပြည်တွင်းစျေးကွက်များဖြစ်သည့် တောင်ကြီး၊ မန္တလေးနှင့် မကွေးတို့တွင် အရောင်းအေးပြီး မော်လမြိုင်၌ အရောင်းသွက်လာကြောင်းသိရသည်။
တောင်ကြီးဘိလပ်မြေဈေးကွက်၌ အရောင်းအဝယ်အေးပြီး ဈေးငြိမ်နေကြောင်း သိရသည်။ ဈေးကွက်ထဲ အရောင်းအဝယ်ဖြစ်နေသည့်ဈေးမှာ စိန်(ထိုင်း) ကျပ် ၈၀ဝ၀၊ အေသုံးလုံးကျပ် ၅၂၀ဝ၊ အပါချီ ကျပ် ၄၃၀ဝ၊ ကမ္ဘောဇကျပ် ၄၂၀ဝ၊ ကျားခေါင်းကျပ် ၆၂၀ဝ၊ နဂါးကျပ် ၄၃၀ဝဖြင့် အရောင်းအဝယ်ဖြစ်ကြောင်း အိမ်ဆောက်ပစ္စည်း ရောင်းဝယ်ရေးဆိုင်မှ စုံစမ်းသိရှိရသည်။
မန္တလေးဘိလပ်မြေဈေးကွက်၌ တစ်မြို့နယ်မှ တစ်မြို့နယ်သွားလာရေး ခက်ခဲခြင်းကြောင့် အရောင်းအေးပြီးစျေးငြိမ်ကြောင်း သိရသည်။ ဈေးကွက်ထဲအရောင်းအဝယ်ဖြစ်နေသည့်ဈေးမှာ အေသုံးလုံး ကျပ် ၄၀ဝ၀၊ အယ်လ်ဖာကျပ် ၃၉၀ဝ၊ ခရောင်း(၅၂၅) ကျပ် ၄၄၀ဝ၊ ခရောင်း(၄၂၅)ကျပ် ၄၀ဝ၀ ဖြင့် အရောင်းအဝယ် ဖြစ်လျက်ရှိကြောင်း သိရသည်။
မော်လမြိုင်ဘိလပ်မြေဈေးကွက်၌ ဆောက်လုပ်ရေးလုပ်ငန်းများ အနည်းငယ်ပြန်လည် လုပ်ကိုင်လာခြင်းကြောင့် အရောင်းအဝယ်လိုက်လာကြောင်း သိရသည်။ ယခုတစ်ပတ် အရောင်းအဝယ်လိုက်လာသော်လည်း ဈေးငြိမ်နေကြောင်း သိရသည်။ ဈေးကွက်ထဲအရောင်းအဝယ်ဖြစ်နေသည့်ဈေးမှာ ဆင်မြန်မာကျပ် ၅၆၀ဝ၊ ကြံ့တစ်ကောင် (ပြာ) ၅၀၂၅ကျပ်၊ ကြံ့နှစ်ကောင်(နီ) ၅၁၁၅ ကျပ်ဖြင့် အရောင်းအဝယ်ဖြစ်ကြောင်း စုံစမ်းသိရှိရသည်။
မကွေးဘိလပ်မြေဈေးကွက်၌ ယခုတစ်ပတ်မှာလည်း အရောင်းအဝယ်အေးပြီး ဈေးငြိမ်နေကြောင်းသိရသည်။ ဈေးကွက်ထဲ အရောင်းအဝယ်ဖြစ်နေသည့်ဈေးမှာ အပါချီ ကျပ်၄၅၀ဝ၊ ကြံ့ကျပ်၄၇၀ဝ၊ ကမ္ဘောဇကျပ် ၅၅၀ဝ၊ ဘလူးဒိုင်းမွန်း ကျပ် ၅၂၀ဝ၊ အယ်လ်ဖာကျပ် ၄၃၀ဝနှင့် အရောင်းအဝယ်ဖြစ်ကြောင်း သိရှိရသည်။
သီတာဝင်း(DOT)