ပြည်ခရိုင်ရှိ နွေစပါးများမှာ ယခုစက်တင်ဘာလဆန်းတွင် ၁၅၁၀ဝ၀ဝကျပ်ဖြင့် ဈေးငြိမ်နေပြီး ဆန်ဈေးများမှာ ကျပ် ၆၃၀ဝ၀ ဖြင့် အရောင်းအဝယ်ရှိသည်။ နွေစပါးဈေးများမှာ ယခင်နှစ်ဖြစ်သော ၂၀၂၂ ခုနှစ် စက်တင်ဘာလတွင် ကျပ် ၁၁၀ဝ၀ဝ၀၊ ဆန်တစ်အိတ်လျှင် ကျပ် ၄၈၀ဝ၀ ဖြင့် အရောင်းအဝယ်ရှိခဲ့သည်။
နွေစပါးအမျိုးအစားများမှာ ရတနာတိုးစပါးများကိုသာ အဓိကထား စိုက်ပျိုးပြီးGW-11 ၊ ထိုင်းနှံကောက်မျိုးများကိုတော့ အနည်းငယ်သာစိုက်ပျိုးသည်။ နွေစပါးမှာ မိုးစပါးထက်အထွက်နှုန်း ကောင်းသောကြောင့် ဆည်ရေရသော နေရာများတွင် နွေစပါးကို တောင်သူများအားထား၍ ပိုမိုစိုက်ပျိုးကြသည်။ အထွက်ကောင်းသောကြောင့် အကျိုးအမြတ် ပိုမိုရရှိပြီး စပါး/ဆန် မှာ အရောင်းအဝယ်အေးနေသောကြောင့် ယခုကာလအတွင်း ဈေးငြိမ်နေခြင်းဖြစ်သည်။
လွင်လွင်ဆန်း (ပြည်)