ရန်ကုန်တိုင်းဒေသကြီး၊ မင်္ဂလာတောင်ညွန့်မြို့နယ် သိမ်ဖြူဈေးကြီး အတွင်း ကြက်သွန်ဖြူ၊ ကြက်သွန်နီများအား ကား၊ ရထားတို့ဖြင့် ဘုရင့်နောင် ကုန်စည်ဒိုင်နှင့် ရှမ်းပြည်နယ်တို့မှ နေ့စဉ် ဝင်ရောက်လျက်ရှိပြီး လက်လီ လက်ကား ပြန်လည်ရောင်းချလျက်ရှိသည်။ ၂၀၂၃ခုနှစ် သြဂုတ်လအတွင်း ကြက်သွန်နီ(ဆိပ်ဖြူ) ပိဿာ ၁၀ဝ၂၀ဝ ဝင်ရောက်ခဲ့ပြီး ကြက်သွန်ဖြူ (ကြူ ကုတ်)မှာ ပိဿာ ၃၈၀ဝ၀ ဝင်ရောက်ခဲ့သည်။ လက်ကားဈေးနှုန်းများအနေ ဖြင့် ကြက်သွန်နီ(ဆိပ်ဖြူ) အနိမ့်ဈေးမှာ ကျပ် ၁၈၀၅ မှ ၃၀ဝ၀ထိ ဖြစ်ခဲ့ပြီး အမြင့်ဈေးမှာ ကျပ် ၂၄၅၀ မှ ၄၂၀ဝ ထိ ဖြစ်ပေါ်ခဲ့သည်။ ကြက်သွန်ဖြူ (ကြူ ကုတ်) လက်ကားဈေးမှာကျပ် ၇၀ဝ၀ မှ ၈၄၀ဝ ထိ ဖြစ်ပေါ်ခဲ့သည်။
၂၀၂၃ ခုနှစ် စက်တင်ဘာ တတိယအပတ်အထိ ကြက်သွန်နီ (သိမ်ဖြူ) ပိဿာ ၁၀၅၀ဝ ရောက်ခဲ့ပြီး ကြက်သွန်ဖြူ (ကြူကုတ်)မှာ ပိဿာ ၂၉၀ဝ၀ ဝင်ရောက်ခဲ့ပြီး လက်ကားဈေးနှုန်းများအနေဖြင့် ကြက်သွန်နီ (ဆိပ်ဖြူ) ၁ပိဿာလျှင် ကျပ် ၂၅၀ဝ မှ ၃၁၀ဝ ထိ ဖြစ်ပေါ်လျက်ရှိပြီး ကြက်သွန်ဖြူ (ကြူကုတ်)တစ်ပိဿာလျှင် ကျပ် ၇၃၀ဝ မှ ၇၆၀ဝ ထိ ဖြစ်ပေါ်ခဲ့သည်။ ယခင် လဈေးနှုန်းများထက် ယခုလဈေးနှုန်းမှာ အနည်းငယ်ကျဆင်းလျက်ရှိကြောင်း သိရှိရသည်။
နှင်းနွယ်(DOCA YGN)