မအူပင်မြို့နယ် မအူပင်-ဖျာပုံကားလမ်းဘေး၊ ကျုံစုတ် ကျေးရွာ ကုန်းလမ်းနှင့် ရေလမ်းဆုံရာတွင် မိုးစပါးထွက် လှေ ထိုးစပါးများ ဈေးကွက်ရနေပြီး ရောင်းဝယ်မှု ကောင်းနေ ကြောင်း သိရသည်။
လှေထိုးစပါးဆိုသည်မှာ လယ်မြေ ရေနက်ကွင်း ရေဖွေး ဖွေးတွင် စိုက်ပျိုးရသောစပါးဖြစ်သည်။ ယခင်က ရေနက်ကွင်း တွင်း စပါးများ စိုက်ပျိုးမရရှိသဖြင့် ရေနက်ကွင်းစပါးစိုက်ပျိုးသူ ရှားပါးလှသည်။ ယခုအခါ စိုက်ပျိုးမှု နည်းစနစ်များကို သက် ဆိုင်ရာဌာနများမှ နည်းပညာပေး စိုက်ပျိုးလာခြင်းကြောင့် ရေနက်ကွင်းစပါးစိုက်ပျိုးမှု အောင်မြင်လာသည်။ ရေနက် ကွင်းတွင် စိုက်ပျိုးသော စပါးကို လှေဖြင့် ရိတ်သိမ်းရပြီး ြွေခ လှေ့ရခြင်းဖြစ်သည်။
မအူပင်၊ ကျိုက်လတ်တို့ရှိ ကျေးရွာ အစပ်များတွင် မေလဆန်း၌ စပါးများ စတင်စိုက်ပျိုးပြီး မိုးရွာလာသောအခါ စပါးပင်များ သန်မာကြီးထွားလာ၍ ရေပြင်ဖွေးဖွေးပေါ်တွင် စိမ်းစိုနေသော စပါးခင်းကြီးများ ဖြစ်လာသည်။
၎င်းလှေထိုးစပါးများသည် နှစ်တစ်နှစ်၏ သြဂုတ်လ လယ်မှစ၍ စပါးစတင်ထွက်ရှိပြီး လှေဖြင့်စပါးများ ရိတ်သိမ်း ရခြင်းဖြစ်သည်။ စပါးပေါ်စအချိန်တွင် ကျုံစုတ် ကျေးရွာထိပ် တွင် နေ့စဉ် လှေထိုးစပါး တင်း ၃၀ဝ၀ ခန့် အရောင်းအဝယ် ဖြစ်နေပြီး သြဂုတ်လကုန်ခန့်တွင် စပါးလှိုင်လှိုင်ပေါ်ပြီး တစ် ရက်လျှင် တင်း ၅၀ဝ၀ ခန့် အရောင်းအဝယ် ဖြစ်လျက်ရှိသည်။
လှေထိုးစပါးအဖြစ် စိုက်ပျိုးသော စပါးများမှာ ဧည့်မထ စပါးအုပ်စု ဆာဖိုးသာ၊ ၂၁၉ ယ ွန-၁၁ယ စပါးများဖြစ်ကြောင်းနှင့် စပါးစိုက်ပျိုးသော ကျေးရွာအုပ်စုများမှာ ကျိုက်လတ်မြို့နယ်မှ ကျီးချောင်း၊ သပြေကုန်း၊ ကွမ်းခြံကုန်း၊ တမာချိုင့်၊ လက်ပံ ချောင်း၊ သာယာဝဲ၊ ဖောင်ရိုးဆိပ်၊ လှည်းဆိပ်ဒေသများဖြစ်ပြီး မအူပင်မြို့နယ်မှ မင်းဘော၊ ကျုံစုတ်၊ တာဝှေ့အရှေ့၊ တာဝှေ့ အနောက်၊ ကျီးချောင်း၊ အချော၊ ပိန်းချောင်း၊ ကနူး၊ ကညင်ဝ ဒေသများဖြစ်ကြသည်။
စပါးရောင်းဝယ်မှုနှင့်ပတ်သက်၍ အခြားစပါးများ မပေါ်ခင် အစောဆုံးထွက်ရှိသော လှေထိုးစပါး တင်း ၁၀ဝ လျှင် ကျပ် ၁၀ သိန်းခန့်အကြားတွင် အရောင်းအဝယ်ဖြစ်နေ ပြီး ကျိုက်လတ်မြို့ဆန်စက်သို့ ပေးပို့အရောင်းအဝယ် ပြုလုပ် ကြောင်း သိရသည်။
ထို့ပြင် မအူပင်မြို့ရှိ ဆန်စက်များသို့လည်း ပေးပို့လျက် ရှိပြီး လှေထိုးစပါးများကို အခြောက်ခံစက်များသို့ ပေးပို့၍ အခြောက်ခံလျှင် စပါး တင်း၁၀ဝ လျှင် ကျပ် တစ်သိန်းပေးရပြီး စပါးအလျော့အနေဖြင့် တင်း ၂၀ ခန့်ရှိကြောင်းလည်း သိရ သည်။
သဇင်(မအူပင်)