ဧရာဝတီတိုင်းဒေသကြီးတွင် ၂၀၂၄-၂၀၂၅ ဘဏ္ဍာနှစ်တွင် ပဲမျိုးစုံ (မိုးနှင့်ဆောင်း) စုစုပေါင်းစိုက်ဧက ၁၆၂၆၆၁၆ ဧက စိုက် ပျိုးထုတ်လုပ်ပြီး ပဲပုပ်သီးနှံကို ဆောင်းသီးနှံအဖြစ် ၂၇၅၂၈ ဧက စိုက် ပျိုးထုတ်လုပ်ခဲ့သည်။ ၂၀၂၅-၂၀၂၆ ဘဏ္ဍာနှစ်တွင် ဧရာဝတီတိုင်း ဒေသကြီး၌ပဲပုပ်သီးနှံ ကို ဧက ၁၀ဝ၀ဝ၀ ထိ တိုးချဲ့စိုက်ပျိုးရန် ရည် မှန်းလျာထားပြီး ဆောင်ရွက်လျက်ရှိသည်။ ပဲပုပ်သီးနှံသည် စပါးရိတ်ပြီး လယ်မြေ၌ ကျန်ရှိသော အစို ဓာတ်တွင် အလွယ်တကူ စိုက်ပျိုးနိုင်ပြီး ပရိုတင်းဓာတ် ကြွယ်ဝသော သီးနှံဖြစ်သလို ဆီပါဝင်မှုနှုန်းမှာလည်း ၁၂ ရာခိုင်နှုန်းမှ ၂၄ ရာခိုင် နှုန်းထိ ပါဝင်သည့်အတွက် ဆီထွက်သီးနှံလည်းဖြစ်သည်။ ပဲပုပ်ကို ပဲပုပ်ဆီ၊ ပဲနို့နှင့် ပဲပုပ်ခြောက်အဖြစ် ပြုလုပ်စားသုံးကြသည်။ ပဲပုပ် သီးနှံသည်မိုးရေချိန် ၂၄ လက်မမှ လက်မ ၆၀ အတွင်း စိုက်ပျိုးဖြစ် ထွန်းသဖြင့် ဧရာဝတီတိုင်းဒေသကြီးတွင် မုတ်သုံနှောင်းပိုင်းကာလ တွင် စတင်စိုက်ပျိုးကြသည်။ အပင်သက်တမ်းမှာ စိုက်ပျိုးသည့် မျိုး အပေါ် မူတည်၍ စိုက်ပျိုးပြီး ၄၅ ရက်မှ ၁၅၀ ရက်အတွင်း ရင့်မှည့်သည်။
ဧရာဝတီတိုင်းဒေသကြီးတွင် ဆီထွက်သီးနှံများဖြစ်သော မြေပဲ ကို ဧက ၉၂၈၆၀၊ နှမ်း ၂၃၁၃၇ ဧကနှင့် နေကြာ ၂၂၆၉၆၃ ဧကတို့ကို စိုက်ပျိုးပြီး ထွက်ရှိသီးနှံများကို စားသုံးဆီထုတ် လုပ်ခြင်းဖြင့်ဒေသ ၏ စားသုံးဆီလိုအပ်ချက်ကို ၃၅ ဒသမ ၄၃ ရာခိုင်နှုန်းခန့် ဖြည့်ဆည်း နိုင်လျက်ရှိသည်။ ယခုကဲ့သို့ ဆီပါရာခိုင်နှုန်း မြင့်မားသော ပဲပုပ်သီးနှံ ကို စားသုံးဆီအဖြစ် ကြိတ်ခွဲထုတ်လုပ်နိုင်ပါက ဒေသ၏ စားသုံးဆီ ဖူလုံမှုကို တိုးတက်စေမည်ဖြစ်သည်။ ဒေသတွင်း ပဲပုပ်သီးနှံ စိုက်ပျိုး ထုတ်လုပ်မှု တိုးတက်စေရေး၊ စားသုံးဆီ ကြိတ်ခွဲထုတ်လုပ်နိုင်ရေး တို့အတွက် တိုင်းဒေသကြီးအတွင်း ပဲပုပ်စိုက်ပျိုးမှု အများဆုံးဖြစ်သော ဟင်္သာတမြို့၌ ၂၀၂၅ ခုနှစ် သြဂုတ်လ ၃၁ ရက်တွင် တိုင်းအတွင်း ၂၆ မြို့နယ်မှ ပဲပုပ်စိုက်တောင်သူများနှင့် တွေ့ဆုံ၍ စိုက်ပျိုးရေး သုတေသနဦးစီးဌာနမှ ဦးဆောင်ပြီး တောင်သူဆွေးနွေးပွဲ ပြုလုပ်ခဲ့ သည်။
ပဲပုပ်ဈေးသည် ၂၀၂၃ ခုနှစ် ရာသီချိန်တွင် ပိဿာ ၂၀ တစ် တင်းလျှင် ကျပ် ၆၀ဝ၀ဝ ၊ ၂၀၂၄ ခုနှစ်တွင် ကျပ် ၈၀ဝ၀ဝ နှင့် ၂၀၂၅ ခုနှစ်တွင် ကျပ် ၁၂၀ဝ၀ဝ ထိ ဈေးမြင့်တက်လာခဲ့သည်။ တစ်ဧက ကုန်ကျစရိတ်မှာလည်း ကျပ်ခြောက်သိန်းခန့်ရှိပြီး အထွက်နှုန်းမှာ လည်း တစ်ဧကလျှင် ပျမ်းမျှ ၁၈ တင်းထိ ထွက်ရှိသဖြင့် တစ်ဧကလျှင် ကျပ် ၁၅ သိန်းခန့်ထိ တောင်သူများ အကျိုးအမြတ်ရလျက် ရှိသည်။
ပဲပုပ်သီးနှံကို ပုံမှန်အားဖြင့် မိုးစပါးရိတ်သိမ်းပြီးချိန် အောက် တိုဘာလကုန်ခန့်တွင်မှ စတင်စိုက်ပျိုးကြသော်လည်း တောင်သူ များ၏ စိတ်အားထက်သန်မှုကြောင့် ဟင်္သာတခရိုင်တွင်းရှိ မြေနု ကျွန်းများတွင် ရေကျလျှင် ကျချင်း ပဲပုပ်သီးနှံကို စတင်စိုက်ပျိုးခဲ့ကြရာ ၂၀၂၅ ခုနှစ် သြဂုတ်လ တတိယသီတင်းပတ်တွင် ရေဆင်း ၁၅ မျိုး ၃၅၁၁ ဧက စိုက်ပျိုးပြီးစီးခဲ့သည်။ ၂၀၂၅ ခုနှစ် စက်တင်ဘာလတွင် ပဲပုပ်တစ်တင်းဈေးမှာ ကျပ် ၁၂၀ဝ၀ဝ ဈေးရလျက်ရှိသည့်အတွက် တောင်သူတို့ တွက်ချေကိုက် အကျိုးရှိမည့် သီးနှံလည်းဖြစ်သည်။ ပဲပုပ်သီးနှံကို ဧရာဝတီတိုင်းဒေသကြီး၌ ယခုနှစ်တွင် ဧက ၁၀ဝ၀ဝ၀ ထိ စိုက်ပျိုးရန်လျာထားပြီး ယခင်နှစ်ကထက် ဧက ၇၀ဝ၀ဝ ကျော် တိုးချဲ့စိုက်ပျိုးမည်ဖြစ်ကြောင်း သိရသည်။
မောင်မောင်မြတ်ခိုင်