မတ်ပဲ စဉ် ကုန်စည်ဒိုင် ရေတွက်ပုံ ယခင် ယခု ပြောင်းလဲမှု ၁ ဘုရင့်နောင် ၁ တန် ၃၉၄၀၀၀ ၄၂၅၀၀၀ ၂ မုံရွာ ၁ ပိဿာ ၆၂၅ ၆၄၀ ၃ ပြည် ၁ ပိဿာ ၆၃၅ ၆၁၀ ၄ ဟင်္သာတ ၁ ပိဿာ ၅၇၅ ၆၅၀ ၅ မန္တလေး ၁ ပိဿာ ၆၃၃ ၆၂၅ မတ်ပဲဈေးလှုပ်ပြီး အရောင်းအဝယ်ဖြစ် ဘုရင့်နောင်ဈေးကွက်မှာ မတ်ပဲ (RC) (အသစ်)နဲ့(အဟောင်း) ကို အိတ်စပို့ဝယ်လက်တွေက ဈေးကွက်စဖွင့်ချိန်မှာ မတ်ပဲ(RC) (သစ်)တစ်တန်ကို ၃၉၈၀၀၀ ကျပ်(ဟောင်း) တစ်တန်ကို ၃၆၇၀၀၀ ကျပ်နဲ့ စတင်အဝယ်ရှိရာက နောက်ပိုင်းမှာ ပို့ကုန်ဝင်ငွေဒေါ်လာ တစ်ယူနစ်တန်ဖိုးဈေးမြင့်လာတဲ့အပေါ် မူတည်ပြီး ဈေးပေးအဝယ် ရှိတာကြောင့် မတ် ၁၅ရက်မှာ မတ်ပဲ (RC) သစ်တစ်တန်ကို ၄၂၅၀၀၀ ကျပ်(အဟောင်း) တစ်တန်ကို ၃၉၅၀၀၀ ကျပ်အထိ ဈေးမြင့်ခဲ့ပြီး တစ်ပတ်အတွင်း အရောင်းအဝယ်ဖြစ်မှုပမာဏက တန် ချိန် ၇၀၁၅ ခန့်ဖြစ်ခဲ့ကြောင်း သိရပါတယ်။ မန္တလေးဈေးကွက်မှာ မတ်ပဲ(ကုန်ကြမ်း) ကို ရန်ကုန်အဆွဲနည်းပြီး မြို့ခံပဲခွဲစက်တွေကတော့ ဝယ်အားပုံမှန်ရှိခဲ့တယ်လို့ ဆိုပါတယ်။ အရောင်းအဝယ်ဖြစ်မှုက တစ် ပိဿာကို ၆၂၅ ကျပ်(တစ်တန်ကို ၃၈၂၇၄၃ ကျပ်)နဲ့ နေ့စဉ်အိတ် ၅၀၀ ခန့်အရောင်းအဝယ်ဖြစ်ခဲ့တယ်လို့ မြို့ခံပဲကုန်သည်တစ်ဦးက ဆိုပါတယ်။ ပြည်ဈေးကွက်မှာ မတ်ပဲ(ကုန်ကြမ်း) ကို ရန်ကုန်ဝယ် လက်က ဝယ်အားပုံမှန်ရှိပေမယ့် ဈေးကွက်သို့ ပစ္စည်းအဝင်များ တာကြောင့် ယခင်အပတ်နဲ့စာရင် ဈေးအနည်းငယ်ကျသွားတယ်လို့ မြို့ခံပဲကုန်သည်တစ်ဦးက ဆိုပါတယ်။ လှောင်လက်ကုန်သည်တွေ ထံမှာ လက်ကျန်ပဲဟောင်းများရှိနေပေမယ့် ရန်ကုန်ဝယ်လက်က အ ရည်အသွေးအရ ပဲသစ်ကိုသာ အဓိကထားပြီး ဝယ်ယူနေတယ်လို့ ဈေးကွက်အတွင်းမှ သိရပါတယ်။ အရောင်းအဝယ်ဖြစ်မှုက တစ် ပိဿာကို ၆၁၀ ကျပ်(တစ်တန်ကို ၃၇၃၅၅၇ ကျပ်)နဲ့ တစ်ပတ်အတွင်း အိတ် ၃၅၀၀ ခန့်ဖြစ်ခဲ့တယ်လို့ သိရပါတယ်။ ဟင်္သာတဈေးကွက်မှာ မတ်ပဲက ဈေးကွက်သို့ အဝင်လှိုင်လာသလို ရန်ကုန်ဝယ်လက်က လည်း အရည်အသွေးပေါ်မူတည်ပြီး ဈေးပေးအဝယ်ရှိတာကြောင့် ယခင်အပတ်နဲ့စာရင် ဈေးမြင့်လာပြီး တစ်ပိဿာ ၆၅၀ ကျပ် (တစ်တန်ကို ၃၉၈၀၅၃ ကျပ်)နဲ့ နေ့စဉ်အိတ် ၅၀၀ မှ ၁၀၀၀ ကြား အရောင်းအဝယ်ဖြစ်ခဲ့ကြောင်း သိရပါတယ်။
Background