အာဆီယံဘဏ္ဍာရေးဝန်ကြီးများ ကအကောက်ခွန်ဆိုင်ရာ သဘောတူစာချုပ်သစ်ကို မတ်လ ၃၀ ရက်က လက်မှတ်ရေးထိုးပါတယ်။ ဒီသဘောတူစာချုပ်အရ အဖွဲ့ဝင်နိုင်ငံတွေထဲမှာ နယ်စပ်ဖြတ်ကျော်ကြ တဲ့ ကုန်ပစ္စည်းနဲ့ ကုန်စည်တွေကို လွတ်လပ်စွာအဆင်ပြေပြေ စီးဆင်းနိုင်အောင် အကောက်ခွန် အာဏာ ပိုင်တို့ စဉ်ဆက်မပြတ်ရှင်းလင်း ဆောင်ရွက်မှုကို တိုးတက်ကောင်းမွန်အောင် ဆောင်ရွက်နိုင်မှာဖြစ်ပါ တယ်။ ယခုသဘောတူစာချုပ်က ၁၉၉၇ ခုနှစ်မှာ လက်မှတ်ရေးထိုးခဲ့တဲ့ လက်ရှိ အကောက်ခွန်သဘော တူညီ ချက်ကို ကျော်လွန်ပယ်ဖျက်မှာ ဖြစ်ပါတယ်။ ထို့ ပြင်ကမ္ဘာမှာကျင့်သုံးနေတဲ့ လုပ်ထုံးလုပ်နည်းတွေနဲ့ ကိုက်ညီတဲ့ အကောက်ခွန်လုပ်ငန်းနဲ့ လုပ်ထုံးလုပ်နည်းတွေရဲ့ ပြောင်းလဲမှုနဲ့ ပြင်ဆင်ချက်တွေရဲ့ ပြင်ဆင် ချက်အဖြစ် ဆောင်ရွက် သွားမှာဖြစ်ကြောင်း မလေးရှားဘဏ္ဍာရေးဝန်ကြီး ဒါတွတ်ဆရီအာမက်ဟူစနီ ဟာနာဇလာက ပြောပါတယ်။ ကွာလာလမ်ပူမှာ ထုတ်ပြန်တဲ့ ကြေညာချက်အရ အာဆီယံကို အပြည်ပြည်ဆိုင်ရာ ဖြန့်ဖြူးမှုကွင်း ဆက်ထဲ ကို ပေါင်းစည်းရေးအတွက်လည်းကောင်း အဖွဲ့ဝင်နိုင်ငံများရဲ့ လုံခြုံရေး လိုအပ်ချက်များမှာ ဖြစ်ပေါ်နေတဲ့စိန်ခေါ်မှုတွေကို ထိန်းချုပ်နိုင်ဖို့အတွက်လည်းကောင်း သဘောတူစာချုပ်မှာ ထည့်သွင်းထား တယ်လို့ ဝန်ကြီးက ပြောပါတယ်။ "ဒီသဘောတူစာချုပ်သစ်က ၂၀၁၅ ခုနှစ် အာဆီယံစီးပွားရေးအ သိုက်အဝန်းတည်ထောင်ရေးကို တိုက် ရိုက်အထောက်အကူပေးမှာဖြစ်ပါတယ်။ ဒီစာချုပ်က ဒေသတွင်းနဲ့ ကမ္ဘာ့ဖြန့်ဖြူး ရေးကွင်းဆက်မှာ မလေးရှားနိုင်ငံရဲ့ အ ရေးပါမှုကို ပိုမိုကောင်းမွန်လာစေမှာဖြစ်ပါတယ်" လို့ သူကပြောပါတယ်။ ထို့ပြင် ဒီသဘောတူစာချုပ်က သတင်းအချက်အလက်ကို အီလက်ထရွန်းနစ်စနစ်နဲ့ စီစဉ်ဆောင်ရွက် ဖို့နဲ့ ကုန်စည်တွေကို အချိန်မီရှင်းလင်းဖို့ ဆောင်ရွက်ရာမှာ အထောက်အကူဖြစ်စေမှာ ဖြစ်ကြောင်း သူက ပြောပါတယ်။ Source:bernama.com
Background