ရန်ကုန်တိုင်းဒေသကြီး ဘုရင့်နောင်ကုန်စည်ဒိုင် FOB ဈေးကွက်မှာ သြင်္ကန် အပြီး ဧပြီလ ၂၃ ရက်မှ ၂၇ ရက်အထိ ယခုတစ်ပတ်အတွင်း မတ်ပဲအရောင်းအဝယ် ဖြစ်မှုက တန်ချိန် ၃၉၀၀၀ ခန့်ထိရှိတာတွေ့ရပါတယ်။ အိန္ဒိယဈေးကွက်မှာ မတ်ပဲ ဈေးငြိမ်နေပြီး ရူပီးတန်ဖိုးအားပျော့နေပေမဲ့ ဝယ်ယူမှုကတော့ များနေတာ တွေ့ရပါတယ်။ သြင်္ကန်ပိတ်ရက်များမှအပ ကျန်ဖွင့်ရက်များအတွင်း ရောင်းဝယ်မှု အရ ဧပြီလ ၂ ရက်မှ ၂၇ ရက်အထိ မတ်ပဲ SQ၊ FAQ စုစုပေါင်း တန်ချိန် ၆ သောင်း ကျော်ရောင်းဝယ်မှုစာချုပ်ခဲ့ကြောင်း သိရပါတယ်။ လက်ရှိမတ်ပဲ FOB ဈေးအနေနဲ့ ဝယ်လက်အကြိုက်ဈေးဖြစ်နေလို့ ဝယ်ယူမှု အားကောင်းနေပေမဲ့ ရန်ကုန် FOB ဈေးမှာ အနည်းငယ်လျော့ကျခဲ့ပါတယ်။ ဧပြီလ ၂၃ ရက်နေ့ ရန်ကုန် FOB မတ်ပဲအသစ် FAQ တစ်တန် ကန်ဒေါ်လာ ၅၁၀-၅၃၀၊ SQ တစ်တန် ကန်ဒေါ်လာ ၅၉၀-၆၁၀ ရှိပြီး မတ်ပဲအဟောင်း FAQ တစ်တန် ကန်ဒေါ်လာ ၄၈၀-၅၀၀၊ SQ တစ်တန် ကန်ဒေါ်လာ ၅၂၀-၅၄၀ ရှိကြောင်းသိရပါတယ်။ ဧပြီလ ၂၇ ရက်မှာ မတ်ပဲအသစ် FAQ နဲ့ အဟောင်းဈေး ပြောင်းလဲမှုမရှိပေမဲ့ အသစ် SQ ဈေးမှာ ကန်ဒေါ်လာ ၅၈၀-၆၀၀ ကို လျော့ကျ ခဲ့ကြောင်း သိရပါတယ်။ MIRT - MAPT
Background