ဆင်၊ မောင်းတိန်းနဲ့ စိန်တံဆိပ်ဘိလပ်မြေများ တင်သွင်းခဲ့ဧပြီပထမပတ်အတွင်း ဘိလပ်မြေ တန်ချိန် ကိုးသောင်းကျော်တင်သွင်းခဲ့ပြီး ဒုတိယ ပတ်မှာ အဝင်နားခဲ့ပါတယ်။ ဧပြီစတုတ္ထပတ်မှာတော့ ဘိလပ်မြေတန်ချိန် ၁၁၉၁၀ တန်၊ တန်ဖိုးအားဖြင့် ကန်ဒေါ်လာ ဆယ်သိန်းကျော်ဖိုးကို ပင်လယ်ရေ ကြောင်းကုန်သွယ်မှုလမ်းမှ တင်သွင်းခဲ့ပါတယ်။ စတုတ္ထပတ်အတွင်း တင်သွင်းခဲ့တဲ့ ဘိလပ်မြေများမှာ ဆင်တံဆိပ် ဘိလပ်မြေ တန် ၂၁၀၊ မောင်းတိန်း ဘိလပ်မြေ တန် ၅၇၀၀၊ စိန်တံဆိပ်ဘိလပ်မြေတန်ချိန် ၆၀၀၀ မှာယူတင်သွင်းခဲ့ပါတယ်။ ဧပြီ ပထမပတ်အတွင်း တန်ချိန်ကိုးသောင်းကျော်တင်သွင်း ခဲ့တာကြောင့် စတုတ္ထပတ် တင်သွင်းမှုနဲ့ယှဉ်ရင် စတုတ္ထပတ်မှာ ဘိလပ်မြေအဝင်လျော့နည်းခဲ့ပါတယ်။ MIRT (DOT)နယ်စပ်မှ ဘိလပ်မြေ တန် ၁၄၀၀ ကျော်အသွင်းရှိဧပြီ ၂၅ ရက်မှ မေ ၁ ရက်ထိကာလအတွင်းမှာ ကန်ဒေါ်လာ သုည ဒသမ ၁၁၄ သန်းတန်ဖိုးရှိ ဘိလပ်မြေ တန် ၁၄၀၀ ကျော်ကို နယ်စပ်စခန်းများမှ အသွင်းရှိ ခဲ့ပါတယ်။ နယ်စပ်စခန်းအလိုက် တင်သွင်းမှုတွေကတော့ တာချီလိတ်မှ တန် ၈၉၀၊ မောင်တောမှ ၂၂၂ တန်၊ ကန်ပိုက်တီးမှ ၁၀၂ တန်နဲ့ ချင်းရွှေဟော်မှ တန် ၂၀၀ အသီးသီးဖြစ်ပါတယ်။ ယခင်အပတ်ကထက် တန် ၁၀၀၀ ကျော် အသွင်းလျော့ ခဲ့ပါတယ်။ ဧပြီလအတွင်းမှာ နယ်စပ်မှ ဘိလပ်မြေ တန် ၈၃၇၀ တင်သွင်းထားပြီး ဖြစ်ပါတယ်။ MIRT (DOBT)ပြောင်းလဲမှုမရှိတဲ့ ဘိလပ်မြေဈေးကွက် မော်လမြိုင်ဈေးကွက် ဘိလပ်မြေက ဒီတစ်ပတ်မှာ အရောင်းအေးတယ်လို့ အရောင်းဆိုင်မှ ဝန်ထမ်းတစ်ဦးက ဆိုပါတယ်။ ဆင်(ထိုင်း)က ၅၀ ကျပ်နဲ့ ကြံ့ (မြိုင်ကလေး)က ၁၀၀ ကျပ်ဈေးကျပြီး မြင်းခေါင်းက ယခင်တစ်ပတ်ဈေးထက် ၅၀ ကျပ် ဈေးတက်လာပါတယ်။ ဒီတစ်ပတ် ဘိလပ်မြေဈေးများမှာ မြင်းခေါင်း တစ်အိတ်ကို ၃၀၀၀ ကျပ်၊ ဆင်(ထိုင်း) တစ်အိတ်ကို ၄၉၀၀ ကျပ်နဲ့ ကြံ့ (မြိုင် ကလေး) တစ်အိတ်ကို ၃၇၀၀ ကျပ်ဖြစ်တယ်လို့ သိရပါတယ်။တောင်ကြီးဈေးကွက်မှာ ဘိလပ်မြေက ပုံမှန်အရောင်းအဝယ် ဖြစ် တယ်လို့ သိရပါတယ်။ ယခင်တစ်ပတ်ဈေးအတိုင်း ပြောင်းလဲမှုမရှိဘဲ ဈေးကွက်အတွင်း ရှိနေတယ်လို့ သိရပါတယ်။ ဒီတစ်ပတ် ဘိလပ်မြေဈေးက စိန်(ယိုးဒယား)က ၇၈၀၀ ကျပ်၊ ခြင်္သေ့က ၅၀၀၀ ကျပ်၊ မြို့တော်က ၄၈၀၀ ကျပ်နဲ့ နဂါးက ၅၈၀၀ ကျပ်ဈေး ရှိတယ်လို့ သိရပါတယ်။မန္တလေးဈေးကွက်မှာ ဘိလပ်မြေက အရောင်းပုံမှန်ရှိတယ်လို့ အရောင်း ဆိုင်မှဝန်ထမ်းတစ်ဦးက ဆိုပါတယ်။ ယခင်တစ်ပတ်ဈေးနဲ့ယှဉ်ရင် ဆင်(ထိုင်း)နဲ့ စိန်(ထိုင်း) ၁၀၀ ကျပ်ဈေးကျပြီး မြင်းခေါင်းက ၁၀၀ ကျပ် ဈေးမြင့်လာပါတယ်။ ဒီတစ်ပတ် အရောင်းအဝယ်ဖြစ်နေတဲ့ဈေးတွေက အေသုံး လုံး ၅၃၀၀ ကျပ်၊ မြန်မာ ဆင် ၅၀၀၀ ကျပ်၊ ဆင်(ထိုင်း) ၆၃၀၀ ကျပ်၊ စိန် (ထိုင်း) ၆၂၀၀ ကျပ်၊ ဆင်မင်း ၅၀၀၀ ကျပ်၊ ကျားခေါင်း ၅၁၀၀ ကျပ်နဲ့ မြင်းခေါင်းက ၄၆၀၀ ကျပ် ဈေးတို့နဲ့ အရောင်းအဝယ်ဖြစ်ကြောင်း သိရပါတယ်။ရန်ကုန်ဘုရင့်နောင်ဈေးကွက်မှာ ဘိလပ်မြေက ရောင်းအားကောင်းတယ် လို့ အရောင်းဆိုင်မှ ဝန်ထမ်းတစ်ဦးကဆိုပါတယ်။ ရောင်းအားရှိပေမဲ့လည်း ဘိလပ် မြေဈေးက ယခင်တစ်ပတ်ဈေးအတိုင်း ပြောင်းလဲမှုမရှိဘဲ ငြိမ်နေတယ်လို့ ပြောပါ တယ်။ ဒီတစ်ပတ် ဘိလပ်မြေဈေးက ဆင်(ထိုင်း) ၄၈၅၀ ကျပ်၊ စိန်(ထိုင်း) က ၄၇၅၀ ကျပ်၊ ကျောက်ဆူး တံဆိပ်ဘိလပ်မြေက ၄၅၀၀ ကျပ်၊ BLUE LION က ၄၅၀၀ ကျပ်နဲ့ မြင်းခေါင်းတံဆိပ်က ၃၈၀၀ ကျပ်ဈေးအသီးသီးရှိတယ်လို့ သိရပါ တယ်။မကွေး ဘိလပ်မြေဈေးကွက်မှာ ဘိလပ်မြေက အရောင်းပုံမှန်ရှိတယ်လို့ အရောင်းဆိုင်မှ ဝန်ထမ်းတစ်ဦးကဆိုပါတယ်။ အရောင်းတက်ပေမဲ့ ဈေးကငြိမ်နေ တယ်လို့ ဆိုပါတယ်။ ဒီတစ်ပတ် ဘိလပ်မြေဈေးက ယခင်တစ်ပတ်ဈေးအတိုင်း ဆင်(ထိုင်း)က ဆင်(ထိုင်း) ၅၉၀၀ ကျပ်နဲ့ မြင်းခေါင်း ၄၅၀၀ ကျပ် ဈေးရှိတယ်လို့ သိရပါတယ်။ MIRT (DOT)
Background