စဉ် ကုန်စည်ဒိုင် ရေတွက်ပုံ ယခင် ယခု ပြောင်းလဲမှု ၁ ဘုရင့်နောင် ၁ တန် ၄၀၆၀၀၀ ၃၉၉၅၀၀ ၂ မုံရွာ ၁ ပိဿာ ၆၂၅ ၆၁၅ ၃ ပြည် ၁ ပိဿာ ၆၁၈ ၆၀၅ ၄ ဟင်္သာတ ၁ ပိဿာ ၆၂၈ ၆၀၈ ၅ မန္တလေး ၁ ပိဿာ ၆၁၇ ၆၃၃ မတ်ပဲဈေးကျပေမယ့် အရောင်းအဝယ် ပုံမှန်ဖြစ်နေ ဘုရင့်နောင်ဈေးကွက်မှာ ဒီတစ်ပတ် မတ်ပဲ (RC) ကို အိတ်စ ပို့ဝယ်လက်တွေက ဈေးချအဝယ်ရှိတာကြောင့် ယခင်အပတ် နဲ့စာရင် ဈေးကျလာပြီး တစ်တန်ကို အနိမ့်ဆုံး ၃၉၇၅၀၀ ကျပ်မှ အမြင့်ဆုံး ၃၉၉၅၀၀ ကျပ်အတွင်း တန် ၄၀၂၅ ခန့် အရောင်းအဝယ်ဖြစ်ခဲ့ ကြောင်း သိရပါတယ်။ ပဲဈေးတွေကကျလာလို့ ရောင်းသူကုန်သည် များကလည်း ဈေးကွက်မျှော်လင့်ချက်နဲ့ အရောင်းနည်းလာတယ်လို့ ပဲကုန်သည်တစ်ဦးက ဆိုပါတယ်။ မန္တလေးဈေးကွက်မှာ မတ်ပဲ (ကုန်ကြမ်း)ကို ရန်ကုန်ဝယ်လက်နဲ့ မြို့ခံပဲခွဲစက်များက ဝယ်အား ပုံမှန်ရှိခဲ့တယ်လို့ ဆိုပါတယ်။ အရောင်းအဝယ်ဖြစ်မှုက တစ်ပိဿာ ၆၃၃ ကျပ် (တစ်တန်ကို ၃၈၇၆၄၂ ကျပ်)နဲ့ နေ့စဉ် အိတ် ၃၀၀ မှ ၅၀၀ ကြားဖြစ်ခဲ့တယ်လို့ သိရပါတယ်။ ပြည်ဈေးကွက်သို့ ဝက်ထီး ကန်၊ ပေါင်းတလည်၊ ပန်းတောင်းနဲ့ ကံမဘက်မှ မတ်ပဲများဈေးကွက် သို့ အဝင်ပုံမှန်ရှိသလို ရန်ကုန်ဝယ်လက်ကလည်း ပုံမှန်အဝယ်ရှိ နေတယ်လို့ ဆိုပါတယ်။ ပဲဟောင်းက အရောင်းအဝယ်အေးနေပြီး ဈေးကွက်ထဲဝင်လာတဲ့ ပဲသစ်တွေကိုသာ ဝယ်အားများခဲ့တယ်လို့ မြို့ခံ ပဲကုန်သည်တစ်ဦးက ဆိုပါတယ်။ အရောင်းအဝယ်ဖြစ်မှုက တစ်ပိဿာ ၆၀၅ ကျပ်(တစ်တန်ကို ၃၇၀၄၉၅ ကျပ်)နဲ့ နေ့စဉ်အိတ် ၁၀၀၀ နဲ့ အထက်ဖြစ်ခဲ့တယ်လို့သိရပါတယ်။ ဟင်္သာတဈေးကွက် မှာ မတ်ပဲက ယခင်တစ်ပတ်က တစ်ပိဿာ ၆၂၈ ကျပ်(တစ်တန်ကို ၃၈၄၅၈၀ ကျပ်)ကျပ်ဈေးနဲ့ အရောင်းအဝယ်ဖြစ်ခဲ့ပြီး ယခုတစ်ပတ်မှာ တစ်ပိဿာကို ၆၀၈ ကျပ် (တစ်တန်ကို ၃၇၂၃၃၃ ကျပ်)နဲ့ ဈေးအေး သွားပေမယ့် အရောင်းအဝယ်ကတော့ ပုံမှန်ဖြစ်ခဲ့ကြောင်း သိရပါ တယ်။ ပဲကို ရန်ကုန်ဝယ်လက် ကဈေးချအဝယ်ရှိနေသလို တောင်သူ တချို့ကလည်း တက်ဈေးမျှော်ပြီး အရောင်းနည်းနေတယ်လို့ မြို့ခံ ပဲကုန်သည်တစ်ဦးက ဆိုပါတယ်။
Background