မန္တလေးမြို့တွင် မြေအရောင်း အဝယ် အေးခြင်းကြောင့် မြေဝယ်ယူ ထားသူများမှာအရောင်းအဝယ် စာချုပ် ချုပ်၍ ပေါင်နှံမှုများ ပြုလုပ်မှုများ လာ ကြောင်း သိရပါတယ်။မြေပေါင်နှံရာတွင် မြို့သစ်ရှိ ထန်း ကိုးပင်ရပ်၊ အောင်ပင်လယ်ရပ်နဲ့ မနော်ဟရီတောင်ဘက်ခြမ်းရှိ မြေ ကွက်များကို အများဆုံး ပြု လုပ်နေ ကြောင်း မြေအကျိုးဆောင်များထံမှ သိရပါတယ်။"မြေက ဝယ်မယ့်သူမရှိတော့ မြေ ဝယ်ထားတဲ့သူတွေက ငွေပေါ်ချင်လို့ ပေါင်နှံကြတာ။ မြို့သစ်ကွက်က လူမ နေတာများတဲ့အတွက် မြို့ထဲပိုင်းထက် အလုပ်ဖြစ်တယ်။ ပေါင်နှံမှုက တရား မဝင်တော့ ယုံကြည်မှုနဲ့ပဲစာချုပ် ချုပ် ရတာပေါ့။ မြေကွက်ဈေးကတော့ ၂၀၁၁ ခုနှစ် နှစ်ကုန်ကာနီးကစပြီး အေးလာတာ ခုချိန်အထိပဲ။ မြေအကျိုး ဆောင်တွေလည်း အရင်ကရထားတာ နဲ့ ထိုင်စားနေရတယ်။ တချို့ အကျိုး ဆောင်တွေလည်း ကားဘက်ကိုလှည့် လုပ်ကြတာလည်းရှိတယ်။မြေအရောင်း အဝယ်က ဇွန်၊ ဇူလိုင်လပိုင်းတော့ ပြန်ကောင်းမယ်လို့ ယူဆတယ်။ အခု အခြေအနေက စောင့်ကြည့်အခြေ အနေများတယ်။ လူကြိုက်များခဲ့တဲ့ '၀၀'၊ 'လလ'အကွက်တွေဆို ရောင်းမယ့် သူရှိပြီး ဝယ်မယ့်သူမရှိဘူး"လို့ မြေ အကျိုးဆောင်တစ်ဦးက ပြောပါတယ်။ ယုံကြည်မှုနဲ့ စာချုပ် ချုပ်ပြီး မြေ ပေါင်နှံရာမှာ ကျပ်သိန်း ၁၀၀ အောက် နဲ့စာချုပ်ပါက လူမဆင်းရင် အတိုးနှုန်း ၇ ကျပ်၊ လူဆင်းရင် ၅ ကျပ်နှုန်း၊ ကျပ် သိန်း ၁၀၀ အထက်နဲ့ စာချုပ်ပါက (ငွေယူများခြင်းကြောင့်) အတိုးနှုန်းမှာ လူမနေရင် ၄ ကျပ်နှုန်းရှိပြီး၊ ကျပ်သိန်း ၂၀၀၀ အထက်ငွေယူရင် အတိုးနှုန်း ၃ ကျပ်နဲ့ စာချုပ် ချုပ်ဆိုမှုများရှိကြောင်း၊ မြေပေါက်ဈေး တန်ဖိုးရဲ့ ၃ ချိုး ၁ ချိုး ကိုသာ ထုတ်ပေးကြောင်းသိရပါတယ်။ ဇူးဇူး
Background