စဉ် ကုန်စည်ဒိုင် ရေတွက်ပုံ ယခင် ယခု ပြောင်းလဲမှု ၁ ဘုရင့်နောင် ၁ တန် ၃၉၉၅၀၀ ၄၁၂၀၀၀ ၂ မုံရွာ ၁ ပိဿာ ၆၁၅ ၆၁၀ ၃ ပြည် ၁ ပိဿာ ၆၀၅ ၆၀၅ ၄ ဟင်္သာတ ၁ ပိဿာ ၆၀၈ ၆၃၀ ၅ မန္တလေး ၁ ပိဿာ ၆၃၃ ၆၁၇မတ်ပဲဈေးမြင့်လာပြီး အရောင်းအဝယ်ဖြစ်မှုများလာ ဘုရင့်နောင်ဈေးကွက်တွင် ဒီတစ်ပတ် မတ်ပဲ (RC) ကို အိတ်စပို့ဝယ်လက်တွေက ဈေးပေးအဝယ်ရှိသလို ဝယ်အားပါများ လာတာကြောင့် ယခင်အပတ်နဲ့စာရင် ဈေးမြင့်လာပြီး တစ်တန်ကို အနိမ့်ဆုံး ၃၉၇၀၀၀ ကျပ်မှ အမြင့်ဆုံး ၄၁၂၀၀၀ ကျပ်အတွင်း တန် ၄၇၃၀ ခန့်အရောင်းအဝယ်ဖြစ်ခဲ့ကြောင်း သိရပါတယ်။ ဈေး ကွက်စဖွင့်ချိန်မှာ ပဲဈေးကတက်မလာသေးဘဲ နောက်ပိုင်းရက်တွေမှာ တစ်ရိပ်ရိပ် ဈေးမြင့်လာသလို ရောင်းသူနဲ့ ကုန်သည်များကလည်း တက်ဈေးမှာ ပိုရောင်းလာလို့ အခုလိုအရောင်းအဝယ်ဖြစ်မှုပမာဏ ပိုများလာတာလို့ ပဲကုန်သည်တစ်ဦးကဆိုပါတယ်။ မန္တလေးဈေး ကွက်မှာ ပဲခွဲစက်သမားများက ဝယ်အားပုံမှန်ရှိပြီး ရန်ကုန်အဆွဲက အထိုက်အလျောက်သာရှိခဲ့တယ်လို့ သိရပါတယ်။ အရောင်းအဝယ် ဖြစ်မှုက တစ်ပိဿာကို ၆၁၇ ကျပ်(တစ်တန်ကို ၃၇၇၈၄၄ ကျပ်)နဲ့ နေ့စဉ်အိတ် ၄၀၀ မှ ၅၀၀ ကြားဖြစ်ခဲ့ကြောင်း သိရပါတယ်။ ပြည် ဈေးကွက်သို့ မတ်ပဲဝင်ရောက်မှုက ပုံမှန်ရှိသလို ရန်ကုန်ဝယ်လက် ကလည်း ဝယ်အားပုံမှန်ရှိခဲ့တယ်လို့ ဆိုပါတယ်။ ဈေးကွက်မှာ မတ်ပဲ ဟောင်းကို ရန်ကုန်အဆွဲအေးနေပြီး ပဲသစ်ကိုသာ ရန်ကုန်အဆွဲရှိခဲ့ တယ်လို့ မြို့ခံပဲကုန်သည်တစ်ဦးက ဆိုပါတယ်။ အရောင်းအဝယ်ဖြစ် မှုက တစ်ပိဿာ ၆၀၅ ကျပ်(တစ်တန်ကို ၃၇၀၄၉၅ ကျပ်)နဲ့ တစ်ပတ် အတွင်း အိတ် ၅၀၀၀ ခန့်ဖြစ်ခဲ့တယ်လို့ သိရပါတယ်။ မုံရွာဈေး ကွက်မှာ မတ်ပဲကို ဒေသသုံးပဲခွဲစက်များကသာ ဝယ်အားအနည်းငယ်ရှိ ခဲ့တယ်လို့ ဆိုပါတယ်။ အရောင်းအဝယ်ဖြစ်မှုက တစ်ပိဿာကို ၆၁၀ (တစ်တန်ကို ၃၇၃၅၅၇ ကျပ်)နဲ့ နေ့စဉ်အိတ် ၂၀၀ ခန့်သာဖြစ်ခဲ့ ကြောင်းသိရပါတယ်။ ဟင်္သာတဈေးကွက်မှာ မတ်ပဲကဈေးကွက် သို့ အဝင်လှိုင်နေသလို ရန်ကုန်အဆွဲကလည်း သွက်လာတာကြောင့် ယခင်အပတ်နဲ့စာရင် ဈေးမြင့်လာပြီး တစ်ပိဿာကို ၆၃၀ ကျပ် (တစ်တန်ကို ၃၈၅၈၀၅ ကျပ်)နဲ့ တစ်ရက်ကို အိတ် ၄၀၀၀ မှ ၅၀၀၀ ကြား အရောင်းအဝယ်ဖြစ်ခဲ့တယ်လို့ သိရပါတယ်။
Background