ကားဈေးကွက် မကောင်းတဲ့အတွက် မြန်မာ့ရွှေဈေးကွက် လှုပ်ခတ်လာခဲ့

         ယခုတစ်ပတ်အတွင်းတွင်  ကား သစ်များကို မည်သူမဆိုနိုင်ငံခြားငွေစာ ရင်းဖွင့်လှစ်၍ တင်သွင်းခွင့်ရှိသည်ဆို ခြင်းကြောင့်   ကားဈေးကွက်မှာ မ ကောင်း၍ စလစ်ရောင်းဈေးမှာလည်း တစ်နေ့တခြား နိမ့်ကျလာခဲ့သည်။ကားဈေးကွက်  အေးလာမှုနှင့် အတူ မြန်မာ့ရွှေဈေးကွက်သည်လည်း ကျပ် ခုနစ်သိန်းအောက်သို့ လျော့ကျ လာခဲ့သည်။ ပြီးခဲ့သည့်လပိုင်းအတွင်း က မြန်မာ့ရွှေဈေးသည် ကျပ်ခုနစ်သိန်း အောက်သို့ ကျဆင်းနိုင်ခြင်းမရှိဟု ရွှေ ကုန်သည်ကြီးများက ခန့်မှန်းခဲ့ကြသော် လည်း  အမှန်တကယ်တွင်မူ  ယခုလ အစောပိုင်း ကာလကတည်းက မြန်မာ့ ရွှေဈေးသည် အကျဘက်သို့ အရိပ် အယောင်ပြလျက်ရှိသည်ကို  တွေ့ရ သည်။ဧပြီလအတွင်းက  အခေါက်ရွှေ တစ်ကျပ်သားလျင်  ကျပ် ၇၇၀၀၀၀ အထိ မြင့်တက်ခဲ့သည့် မြန်မာ့ရွှေဈေး သည် မေလပထမပတ် တွင် ကျပ် ခုနစ် သိန်းနီးပါးအထိ ကျဆင်းခဲ့သည်။ ထို့ နောက် မေလဒုတိယပတ်ကာလ တွင် မြန်မာ့ရွှေဈေးသည်   နေ့စဉ်လိုလို အတက်အကျများဖြင့်  ပြည့်နှက်နေခဲ့ ရာ ရွှေဝယ်ရောင်းလုပ်သူများ အခက် တွေ့ခဲ့ရသည်။ မြန်မာ့ရွှေဈေးကွက်တွင် ရွှေဝယ် လိုသူထက် ရောင်းလိုသူကသာ ပိုမိုများ ပြားလာကြောင်း သိရသည်။ ကားများ ကို လွတ်လပ်စွာ တင်သွင်းခွင့်ရသည် ဆိုခြင်းကြောင့် ရွှေကို ထုတ်ရောင်းကြ သူများ  များပြားလာခြင်းသည်လည်း မြန်မာ့ရွှေဈေး ဆက်တိုက်ကျဆင်းလာ ရခြင်း၏ အဓိကအချက်ပင်ဖြစ်ကြောင်း ရွှေကုန်သည်တစ်ဦးက   မှတ်ချက်ပြု သည်။ထို့ပြင် ကမ္ဘာ့ရွှေဈေးသည်လည်း  မေ ၁၄ ရက်က တစ်အောင်စလျှင် ၁၅၈၂ဒေါ်လာရှိခဲ့သော်လည်း မေ ၁၈ ရက်တွင် ၁၅၆၈ ဒေါ်လာသာ  ရှိခဲ့ သည်။ တစ်ပတ်အတွင်းတွင်  ကမ္ဘာ့ ရွှေဈေးသည် မေ ၁၆ ရက်က အနိမ့် ဆုံးသို့ ရောက်ရှိခဲ့ရာ ထိုနေ့က ၁၅၃၆ ဒေါ်လာအထိ ကျဆင်းခဲ့သည်။ကမ္ဘာ့ရွှေဈေး အလှုပ်အခတ်ရှိမှု နှင့်အတူ  မြန်မာ့ရွှေဈေးသည်လည်း မေ ၁၆ ရက်က ကျပ် ၆၈၉၅၀၀ အထိ ကျဆင်းခဲ့သည်။ မေ ၁၇ ရက်တွင် ကျပ် ၆၉၂၈၀၀ ရှိခဲ့ပြီး မေ ၁၈ ရက် တွင် ကျပ် ၆၉၇၅၀၀ သို့ ပြန်တက်လာ ခဲ့သည်။"ဒီလိုပဲ ရွှေဈေးက အတက်အကျ တွေရှိနေဦးမှာပဲ။ အခုဆိုရင်အရင်တုန်း ကပြောထားတာ   ကျပ်ခုနစ်သိန်း အောက်ကို မရောက်နိုင်ဘူးလို့။ ဒါပေ မယ့် အခုကားတွေက မည်သူမဆိုသွင်း လို့ရပြီဆိုတော့ အရင်တုန်းက ရွှေတွေစု ထားတဲ့သူတွေက ကားသွင်းဖို့ဒေါ်လာ ဝယ်ဖို့ ရွှေတွေကို ထုတ်ရောင်းလာကြ တယ်။ အဲဒီလို  ရောင်းအားများလာတဲ့ အခါကျတော့  ဈေးက ကျလာတာပဲ။ ကမ္ဘာ့ရွှေဈေးကျလာတာကလည်း တစ် ပိုင်းပေါ့"ဟု  ရွှေကုန်သည်တစ်ဦးက မှတ်ချက်ပြုခဲ့သည်။မယ်သီတာ