ကျောက်ပန်းတောင်း မန်ကျည်းဈေးကွက်အတွင်းကို ပခုက္ကူဆိတ်ဖြူမှ ယခင်ကနေ့စဉ် မန်ကျည်းပိဿာ တစ်သောင်းခန့် ဝင်ရောက်လျက်ရှိရာမှ သြင်္ကန်ပြီး နောက်ပိုင်း၊ နေ့စဉ် ပိဿာနှစ်ထောင်ခန့်သာ ဝင်ရောက်မှုရှိကြောင်း သိရပါတယ်။ ကျောက်ပန်းတောင်း မှာ ယခုရက်ပိုင်းအတွင်း မန်ကျည်းအရောင်းအဝယ်အေးသလို ဈေးလည်းအေး လျက်ရှိပါတယ်။ မန်ကျည်းအသား (အစေ့မပါ)ထိပ်စတစ်ပိဿာ ၆၀၀ ကျပ်၊ အလတ်စ ၅၀၀ ကျပ်၊ အောက်စ ၄၀၀ ကျပ် -၄၅၀ ကျပ်၊ မန်ကျည်း အလုံး ၃၀၀ ကျပ်၊ မန်ကျည်းစေ့တစ်ပိဿာ ၇၀ ကျပ်ဈေးရှိကြောင်း သိရပါတယ်။ ကျောက်ပန်းတောင်းမြို့နယ်မှာ မန်ကျည်းလက်ကျန်ပိဿာ သိန်းနှစ်ဆယ်ခန့် ရှိပြီး၊ ရန်ကုန်(ဘုရင့်နောင်)ကို နေ့စဉ် မန်ကျည်းပိဿာ ၃၀၀၀ - ၄၀၀၀ ခန့် တင်ပို့မှုရှိကြောင်း ပွဲရုံရပ်ကွက်မှ သိရပါတယ်။ မန္တလေးဈေးကွက်မှာ မန်ကျည်း အသား (အစေ့မပါ)တစ်ပိဿာ လက်ကားဈေး ၇၀၀ ကျပ်၊ လက်လီဈေး ၁၀၀၀ ကျပ်ဖြစ်ကြောင်း သိရပါတယ်။ သင်းသင်းအိ
Background