စဉ် ကုန်စည်ဒိုင် ရေတွက်ပုံ ယခင် ယခု ပြောင်းလဲမှု ၁ မကွေး ၁ ပိဿာ ၁၀၀၀ ၉၄၇ ၂ မုံရွာ ၁ ပိဿာ ၁၁၂၁ ၁၀၆၃ ၃ မန္တလေး ၁ ပိဿာ ၁၁၅၆ ၁၁၂၀ ၄ ရေစကြို ၁ ပိဿာ ၁၀၅၃ ၁၀၂၆ပဲတီစိမ်းကို အိတ်စပို့အဆွဲပါးလို့ ဈေးကျ မန္တလေးဈေးကွက်မှာ တရုတ်ဝယ်လက်က ပဲတီစိမ်းကို အရည်အသွေးပေါ်မူတည်ပြီး တွက်ချက်ဝယ်ယူမှုတွေရှိတာကြောင့် ယခင်အပတ်နဲ့စာရင် ဈေးကျလာပြီး တစ်ပိဿာကို ၁၁၂၀ ကျပ် (တစ်တန်ကို ၆၈၅၈၇၆ ကျပ်)ဈေးနဲ့ တစ်ရက်ကို အိတ် ၁၀၀၀ မှ ၁၄၀၀ ကြားသာအရောင်းအဝယ်ဖြစ်ခဲ့တယ်လို့ ဆိုပါတယ်။ ပဲကို အိတ်စပို့ဝယ်လက်တွေက အဝယ်နည်းနည်းပါးလာသလို ရောင်းသူ ကုန်သည်များကလည်း ဈေးကွက်မျှော်လင့်ချက်နဲ့ အရောင်းနည်း သွားတယ်လို့ ပဲကုန်သည်တစ်ဦးက ဆိုပါတယ်။ မကွေးဈေးကွက်မှာ ပဲတီစိမ်းကို မန္တလေးဝယ်လက်နဲ့ ရန်ကုန်ဝယ်လက်က အဆွဲပါးသွား တာကြောင့် ယခင်အပတ်နဲ့စာရင် ဈေးကျလာပြီး တစ်ပိဿာကို ၉၄၇ ကျပ်(တစ်တန်ကို ၅၇၉၉၃၃ ကျပ်)ဈေးနဲ့ နေ့စဉ်အိတ် ၁၀၀ မှ ၁၅၀ ကြားသာအရောင်းအဝယ်ဖြစ်ခဲ့ကြောင်း သိရပါတယ်။ မုံရွာ ဈေးကွက်မှာ ပဲတီစိမ်းကို မန္တလေးအဆွဲက ပုံမှန်ထက်စာရင် နည်း သွားသလို လှောင်လက်ကုန်သည်တွေထံမှာလည်း ပစ္စည်းလက်ကျန် နည်းနေတယ်လို့ သိရပါတယ်။ အရောင်းအဝယ်ဖြစ်မှုက တစ်ပိဿာ ကို ၁၀၆၃ ကျပ်(တစ်တန်ကို ၆၅၀၉၇၀ ကျပ်)ဈေးနဲ့ တစ်ရက်ကို အိတ် ၅၀၀ ခန့်သာဖြစ်ခဲ့တယ်လို့ မြို့ခံကုန်သည်တစ်ဦးကဆိုပါတယ်။ ရေစကြိုဈေးကွက်မှာ ပဲတီစိမ်းကြီးကို အိတ်စပို့ အတွက်ဝယ်ယူနေ တဲ့ မန္တလေးဝယ်လက်က ဝယ်အား လျော့နည်းသွားတာကြောင့် ယခင်အပတ်နဲ့စာရင် ဈေးကအကျဘက် မှာရှိနေတယ်လို့ ဆိုပါတယ်။ အရောင်းအဝယ်ဖြစ်မှုက တစ်ပိဿာ ၁၀၂၆ ကျပ်(တစ်တန်ကို ၆၂၈၃ ၂၃ ကျပ်)ဈေးနဲ့ နေ့စဉ်အိတ် ၅၀ မှ ၁၀၀ ကြားသာဖြစ်ခဲ့ကြောင်း သိရပါတယ်။
Background