စဉ် ကုန်စည်ဒိုင် ရေတွက်ပုံ ယခင် ယခု ပြောင်းလဲမှု ၁ ဘုရင့်နောင် ၁ တန် ၅၂၇၀၀၀ ၅၄၅၀၀၀ ၂ မန္တလေး ၁ ပိဿာ ၈၀၀ ၈၃၃ ၃ မုံရွာ ၁ ပိဿာ ၈၂၀ ၈၃၀ ၄ ပခုက္ကူ ၁ ပိဿာ ၈၂၀ ၈၄၀ ၅ မြင်းခြံ ၁ ပိဿာ ၈၀၀ ၈၂၅ ၆ အောင်လံ ၁ ပိဿာ ၈၂၅ ၈၃၅ ၇ မကွေး ၁ ပိဿာ ၈၁၀ ၈၂၅ ၈ ပြည် ၁ ပိဿာ ၈၀၀ ၈၃၀ ၉ ရေစကြို ၁ ပိဿာ ၈၂၀ ၈၃၀ ပဲစင်းငုံနီအရောင်းအဝယ်သွက်လို့ ဈေးဆက်လက်မြင့် ဘုရင့်နောင်ဈေးကွက်မှာ ပဲစင်းငုံနီ (RC) ကို အိတ်စပို့ဝယ် လက်တွေက ဈေးပေးအဝယ်ရှိသလို ဝယ်အားပါသွက်လာတာကြောင့် ယခင်အပတ်နဲ့စာရင် ဈေးမြင့်လာပြီး တစ်တန်ကို အနိမ့်ဆုံး ၅၃၅၀၀၀ ကျပ်မှ အမြင့်ဆုံး ၅၄၅၀၀၀ ကျပ်ဈေးအတွင်း တန် ၄၃၇၀ ခန့်အရောင်းအဝယ်ဖြစ်ခဲ့ကြောင်း သိရပါတယ်။ ပဲဈေးကကောင်းလာ သလို ရောင်းသူကုန်သည်များကလည်း တက်ဈေးမှာ အရောင်းများ လာတယ်လို့ ပဲကုန်သည်တစ်ဦးက ဆိုပါတယ်။ မန္တလေးဈေးကွက် မှာ ပဲစင်းငုံနီကို ရန်ကုန်ဝယ်လက်နဲ့ မြို့ခံအခွံချွတ်စက် များက ဝယ်လို အားသွက်လာတာကြောင့် ယခင်အပတ်နဲ့စာရင် ဈေးမြင့်လာပြီး တစ်ပိဿာကို ၈၃၃ ကျပ်(တစ်တန်ကို ၅၁၀၁၂၀ ကျပ်)ဈေးနဲ့ တစ် ရက်ကိုအိတ် ၅၀၀ မှ ၇၀၀ ကြားအရောင်းအဝယ်ဖြစ်ခဲ့တယ်လို့ မြို့ခံကုန်သည်တစ်ဦးကဆိုပါတယ်။ မြင်းခြံဈေး ကွက်မှာ ယခင်အ ပတ်က တစ်ပိဿာကို ၈၀၀ ကျပ်(တစ်တန်ကို ၄၈၉၉၁၂ ကျပ်)ဈေး နဲ့အရောင်းအဝယ်ဖြစ်ခဲ့တဲ့ ပဲစင်းငုံနီက ဒီတစ်ပတ်မှာ ရန်ကုန်ဝယ် လက်က ဈေးပေးအဝယ်ရှိတာကြောင့် တစ်ပိဿာကို ၈၂၅ ကျပ်(တစ် တန်ကို ၅၀၅၂၂၁ ကျပ်)ဈေးနဲ့ တစ်ရက်ကို အိတ် ၂၀၀ မှ ၃၀၀ ကြားအရောင်းအဝယ်ဖြစ်ခဲ့တယ်လို့ သိရပါတယ်။ မကွေးဈေးကွက် မှာ ပဲစင်းငုံနီကို ရန်ကုန်အဆွဲပုံမှန် ရှိတာကြောင့် ယခင်အပတ်နဲ့စာ ရင်ဈေးမြင့်လာပြီး တစ်ပိဿာကို ၈၂၅ ကျပ်(တစ်တန်ကို ၅၀၅၂၂၁ ကျပ်)ဈေးနဲ့ နေ့စဉ်အိတ် ၂၀၀ ခန့်အရောင်းအဝယ်ဖြစ်ခဲ့ကြောင်း သိရပါတယ်။ ပခုက္ကူဈေးကွက်မှာ ပဲစင်းငုံနီကို ရန်ကုန်အဆွဲများ လာသလို ရောင်းသူကုန်သည်များ ကလည်း အဆိုပါဈေးနဲ့ အရောင်း ပုံမှန်ရှိခဲ့တယ်လို့ ဆိုပါတယ်။ အရောင်းအဝယ်ဖြစ်မှုက တစ်ပိဿာ ၈၄၀ ကျပ်(တစ်တန်ကို ၅၁၄၄၀၇ ကျပ်)ဈေးနဲ့ နေ့စဉ်အိတ် ၃၀၀ ခန့်ဖြစ်ခဲ့ကြောင်း သိရပါတယ်။ အောင်လံဈေးကွက်မှာ ပဲစင်းငုံနီကို အိတ်စပို့အတွက်ဝယ်ယူနေတဲ့ ရန်ကုန်ဝယ်လက်က ဝယ်အားပုံမှန်ရှိ ခဲ့တယ်လို့ဆိုပါတယ်။ အရောင်းအဝယ်ဖြစ်မှုက တစ်ပိဿာ ၈၃၅ ကျပ်(တစ်တန်ကို ၅၁၁၃၄၅ ကျပ်)ဈေးနဲ့ တစ်ရက်ကိုအိတ် ၂၀၀ မှ ၄၀၀ ကြားဖြစ်ခဲ့တယ်လို့ သိရပါတယ်။ ပြည်ဈေးကွက်မှာ ပဲစင်း ငုံနီက အမြင့်ဈေးနဲ့ အရောင်းအဝယ်သွက်ခဲ့တာကြောင့် ယခင်အပတ် နဲ့စာရင် ဈေးမြင့်လာပြီး တစ်ပိဿာကို ၈၃၀ ကျပ်(တစ်တန်ကို ၅၀၈၂၈၃ ကျပ်)ဈေးနဲ့ တစ်ရက်ကို အိတ် ၅၀၀ ခန့်အရောင်းအဝယ် ဖြစ်ခဲ့ကြောင်း သိရပါတယ်။ မုံရွာဈေးကွက်မှာ ယခင်အပတ်က တစ်ပိဿာကို ၈၂၀ ကျပ်(တစ်တန်ကို ၅၀၂၁၆၀ ကျပ်)ဈေးနဲ့ အ ရောင်းအဝယ်ဖြစ်ခဲ့တဲ့ ပဲစင်းငုံနီက ဒီတစ်ပတ်မှာ အရောင်းအဝယ် သွက်လာ တာကြောင့် ဈေးအနည်းငယ်မြင့်လာပြီး တစ်ပိဿာကို ၈၃၀ ကျပ်(တစ်တန်ကို ၅၀၈၂၈၃ ကျပ်)ဈေးနဲ့ တစ်ရက်ကိုအိတ် ၅၀၀ မှ ၈၀၀ ကြားအရောင်းအဝယ်ဖြစ်ခဲ့တယ်လို့ မြို့ခံပဲကုန်သည် တစ်ဦးကဆိုပါတယ်။
Background