ပဲတီစိမ်းရွှေဝါကလည်း ဇူလိုင် ၁၉ ရက်အထိ ၉၉၃ ဒေါ်လာ သာအမြင့်ဆုံးဖြစ်ခဲ့ရာက ၂၁ ရက်မှာ ၁၀၈၈ ဒေါ်လာအထိ ဈေး မြင့်တက်လာခဲ့ပါတယ်။ ၂၃၊ ၂၄ ရက်နေ့တွေမှာတော့ အရောင်း အဝယ်ပါးပြီး ၁၀၅၃ ဒေါ်လာကို ပြန်လည်ကျဆင်းခဲ့ရာက နောက် ရက်တွေမှာ အနည်းငယ်ဆက်လက်ကျဆင်းပြီး ဇူလိုင် လကုန်မှာ ၁၀၄၆ ဒေါ်လာနဲ့ ဈေးပိတ်ခဲ့ပါတယ်။
သြဂုတ် ၁ ရက်မှာ ၁၀၄၅ ဒေါ်လာ ရှိနေပါတယ်။ ရာဂျက်စသန်ပြည်နယ်မှာ ၂၀၁၂ ခုနှစ် ဇူလိုင် ၂၇ ရက်အထိ မိုးပဲတီစိမ်း ၃ ဒသမ ၅၆၉ ဟက်တာသိန်း သာစိုက်ပျိုးနိုင်ခဲ့ပြီး ယခင်နှစ် ကာလတူစိုက်ဧက ဟက်တာ ၇ ဒသမ ၆၀ သိန်းထက် ရာခိုင်နှုန်းအားဖြင့် ၅၃ ဒသမ ၀၈ ရာခိုင်နှုန်းအထိ ကျဆင်းပြီး သိသိသာသာ စိုက်ဧက လျော့နည်းခဲ့ပါတယ်။