ယခုတစ်ပတ်အတွင်းတွင် နိုင်ငံခြားငွေလဲလှယ်နှုန်းသည် ဆက်လက်တည်ငြိမ်လျက်ရှိကြောင်း သိရသည်။ ငွေလဲနှု န်းငြိမ် သက်နေရခြင်းမှာ ဝယ်လိုအားနှင့်ရောင်းလိုအား မျှခြေတွင်ရှိနေခြင်းကြောင့်ဖြစ်သည် ဟု ငွေလဲစင်တာတစ်ခုမှ တာဝန်ရှိသူ တစ်ဦးက ပြောသည်။
ယခုတစ်ပတ်ငွေလဲနှုန်းသည်ယခင် တစ်ပတ်ကနှင့်နှိုင်းယှဉ်လျှင် ကွာဟမှုသိပ်မရှိခဲ့ပေ။ ဇူလိုင် ၂၇ ရက်က ရောင်းဈေး ၈၇၅ ကျပ်၊ ဝယ်ဈေး ၈၆၇ ကျပ်ရှိခဲ့သည့် အမေရိကန်ဒေါ်လာလဲလှယ်နှုန်းသည် သြဂုတ် ၃ ရက်အထိ ပြောင်းလဲမှုမရှိဘဲ ဆက်လက် ငြိမ်သက်နေသည်ကို တွေ့ရှိရသည်။ ထို့ပြင်ပြင်ပငွေလဲဈေးကွက်တွင်လည်း သြဂုတ် ၃ ရက်တွင် ရောင်းဈေး ၈၇၀ ကျပ် ဝယ်ဈေး ၈၆၅ ကျပ် ရှိခဲ့သဖြင့် ငွေလဲနှုန်းများကွာဟမှုမရှိခဲ့သည်ကိုတွေ့ရသည်။ ယင်းကဲ့သို့ဖြစ်ရခြင်းမှာ ငွေလဲ လှယ်သူများသည် ယခင်ကကဲ့သို့ ပြင်ပ ဈေးကွက်ကို အားကိုးအားထားပြုမှု နည်းပါးသွားသည့်အတွက်ကြောင့်ဖြစ်ရကြောင်း ပြင်ပငွေလဲဈေးကွက်အတွင်းမှ စုံစမ်းသိရှိရသည်။"ဟိုအရင်ရက်တွေတုန်းက ငွေလဲနှုန်းတွေတက်လာတော့ ဒီနေရာမှာငွေလဲတဲ့သူတွေ တော်တော်များတယ်။ ကျွန်တော်တို့ က ငွေလဲစင်တာထက် နည်းနည်းပိုပေးတော့ ကျွန်တော်တို့ဆီမှာပဲ လာလဲကြတယ်။ စင်တာမှာကသွားရင် မသေချာတော့ ဒီကိုပဲလာကြတာ။ ဒါပေမယ့် အခုနှစ်ပတ်လောက်ရှိ ပြီ။ ကျွန်တော်တို့ဆီမှာ အရောင်းအဝယ်ပါးသွားတယ်။ စင်တာဈေးနဲ့ကျွန် တော်တို့အပြင်ဈေးနဲ့က သိပ်မကွာတော့ စင်တာမှာပဲ သွားလဲကြတော့တာ"ဟု ပြင်ပငွေလဲဈေးကွက်အတွင်းမှ ပုဂ္ဂိုလ်တစ်ဦးက ဆိုသည်။ မယ်သီတာ