အောင်လံဈေးကွက်မှာ ပဲစင်းငုံနီကို ရန်ကုန်အဆွဲ သွက်နေ ပေမယ့် ပဲတီစိမ်းကို မန္တလေးအဆွဲနည်းနေကြောင်း သိရပါတယ်။ ပဲစင်းငုံနီကို ရန်ကုန်ဝယ်လက်က ဒီတစ်ပတ်မှာ ဝယ်လိုအားမြင့်တက် လာတာကြောင့် ယခင်အပတ်နဲ့စာရင် ဈေးကအမြင့်မှာရှိနေတယ် လို့ဆိုပါတယ်။
အရောင်းအဝယ်ဖြစ်မှုက တစ်ပိဿာ ၁၀၂၅ ကျပ် (တစ်တန်ကို ၆၂၇၆၉၉ ကျပ်)ဈေးနဲ့ တစ်ပတ်အတွင်း အိတ် ၁၅၀၀ ခန့်ဖြစ်ခဲ့ကြောင်း သိရပါတယ်။ ပဲတီစိမ်းကတော့ ဒီတစ်ပတ်မှာ မန္တလေးအဆွဲ ခပ်ပါးပါးသာရှိခဲ့သလို ဈေးကလည်း အနည်းငယ်ကျ လာတယ်လို့ဆိုပါ တယ်။ လှောင်လက်တွေက တက်ဈေးမှာ အရောင်း များခဲ့ပေမယ့် အခုလိုဈေးတွေကျလာတဲ့အခါ မှာတော့ ဈေးကွက် အနေအထားအရ အရောင်းနည်းလာတယ်လို့ ပွဲရုံရပ်ကွက်က ဆိုပါ တယ်။ အရောင်းအဝယ်ဖြစ်မှုက တစ်ပိဿာ ၉၄၀ ကျပ်(တစ် တန်ကို ၅၇၅၆၄၆ ကျပ်)ဈေးနဲ့ နေ့စဉ်အိတ် ၁၀၀ မှ ၂၀၀ ကြားဖြစ် ခဲ့တယ်လို့ သိရပါတယ်။ အရောင်းအဝယ်သွက်နေတဲ့ ကုလားပဲ (ထိုင်ဝမ်)က ဒီတစ်ပတ်မှာ ပဲခွဲစက်နဲ့ ရခိုင်ဘက်မှ ဝယ်လိုအားအနည်းငယ် လျော့ လာတာကြောင့် ယခင်အပတ်နဲ့စာရင် ဈေးအနည်းငယ် ကျလာပြီး တစ်ပိဿာကို ၁၁၅၅ ကျပ်(တစ်တန်ကို ၇၀၇၃၁၀ ကျပ်) ဈေးနဲ့ တစ်ရက်ကို အိတ် ၁၀၀ မှ ၁၅၀ ကြားသာ အရောင်းအဝယ်ဖြစ်ခဲ့ တယ်လို့ သိရပါတယ်။