မြန်မာ့ရွှေဈေး အတက်ဘက်သို့ ဦးတည်နေ

ယခင် ရက်သတ္တပတ်များအတွင်းက ငြိမ်သက်နေခဲ့သည့်မြန်မာ့ရွှေဈေးသည်  ယခုတစ်ပတ်တွင်  ပြန်လည်လှုပ်ရှား သက်ဝင်လာခဲ့သည်။မြန်မာ့ရွှေဈေးသည်  ယခုတစ်ပတ် တွင် အတက်ဘက်သို့ဦးတည်လာခဲ့ရာ သြဂုတ် ၁၀ ရက်တွင် အခေါက်ရွှေ တစ်ကျပ်သားလျင် ကျပ် ၇၃၇၀၀၀ သို့ ရောက်ရှိလာခဲ့သည်။ ပြည်တွင်းငွေလဲနှုန်း  ငြိမ်သက်နေ သော်လည်း ကမ္ဘာ့ရွှေဈေးမြင့်တက်လာ မှုကြောင့်မြန်မာ့ရွှေဈေးတက်လာရခြင်း ဖြစ်ကြောင်း ရွှေကုန်သည်တစ်ဦးက ဆို သည်။မြန်မာ့ရွှေဈေးသည် သြဂုတ် ၄ ရက် က ကျပ် ၇၃၄၈၀၀ ရှိခဲ့ရာမှ သြဂုတ် ၉ ရက်တွင် ကျပ် ၇၃၆၅၀၀ သို့ မြင့် တက်လာခဲ့သည်။ သြဂုတ် ၁၀ ရက်တွင် ကျပ် ၇၃၇၀၀၀ ဈေးဖြင့် အရောင်း အဝယ်ဖြစ်ခဲ့ကြောင်း သိရသည်။ထို့ပြင်ကမ္ဘာ့ရွှေဈေးသည် သြဂုတ် ၄ ရက်တွင် တစ်အောင်စလျင် ၁၆၀၄ ဒေါ်လာရှိခဲ့ရာမှ သြဂုတ် ၁၀ ရက်တွင် ၁၆၁၆ ဒေါ်လာသို့ တက်လာခဲ့သည်။" ဒီတစ်ပတ်မှာ  မြန်မာ့ရွှေဈေးက အတက်ပြလာခဲ့တယ်။ အဲဒီလိုအတက် ပြလာခဲ့လို့လည်း ဝယ်ရောင်းတွေ ပြန် ပြီးလှုပ်ရှားလာတယ်။  တက်ရိပ်ပြလာ တဲ့အတွက် ဝယ်သူတွေ  များလာတာ ပေါ့။ ရောင်းတဲ့သူက  ဝယ်တဲ့သူထက် နည်းတယ်။ အထည်ဝယ်တဲ့သူကတော့ ပုံမှန်လောက်ပါပဲ။  ဒီပုံစံအတိုင်းဆို မြန်မာ့ရွှေဈေးက တက်လိမ့်ဦးမယ်လို့ မှန်းရတာပဲ။ ဥရောပဘက်မှာစီးပွားရေး အခြေအနေတွေ မကောင်းပေမယ့် အို လံပစ်ပွဲကြောင့် ရွှေဈေးပြန်တက်လိမ့် မယ်လို့ ခန့်မှန်းနေကြတာဆိုတော့ ကမ္ဘာ့ရွှေဈေးတက်တာနဲ့ မြန်မာ့ရွှေဈေး က လိုက်တက်တော့မှာ" ဟု ရွှေလုပ် ငန်းရှင်တစ်ဦးက ဆိုသည်။မယ်သီတာ