မကွေးဈေးကွက်မှာ ပဲစင်းငုံနီနဲ့ ပဲတီစိမ်းကို အိတ်စပို့အတွက် ဝယ်ယူသူများ ဝယ်အားသွက်လာ တာကြောင့် ဈေးမြင့်တက်ခဲ့ပြီး ကုလားပဲ(ထိုင်ဝမ်)ကတော့ ဒေသတွင်းခွဲစက်များ ဝယ်လိုအားပုံမှန် ရှိ ပေမယ့် ဈေးအပြောင်းအလဲမရှိဘဲ ဈေးတန့်နေတယ်လို့ဆိုပါတယ်။
နှမ်းမျိုးစုံကတော့ မန္တလေးဝယ်လက်၊ ရန်ကုန် ဝယ်လက်နဲ့ ဒေသတွင်း ဆီကြိတ်လုပ်ငန်းရှင်များ အဝယ်ဆုံလို့ ဈေးကအမြင့်မှာရှိနေတယ်လို့ သိရပါတယ်။ ဈေးကွက် မှာ အရောင်းရော အဝယ်ပါသွက်နေတဲ့ ပဲစင်းငုံနီကိုတော့ ရန်ကုန်ဝယ်လက်က တစ်ပိဿာ ၁၁၁၀ ကျပ်(တစ် တန်ကို ၆၇၉၇၅၂ ကျပ်)ဈေးနဲ့ တစ်ရက်ကိုအိတ် ၂၀၀ မှ ၅၀၀ ကြား အဝယ်ရှိခဲ့တယ်လို့ ဆိုပါတယ်။ မကွေးဈေးကွက်မှာ အဝင်လှိုင် နေတဲ့ ပဲတီစိမ်းကို ရန်ကုန်-မန္တလေးဝယ်လက်က အရည်အသွေးအ ပေါ်မူတည်ပြီး ဈေးပေးအဝယ် ရှိတာကြောင့် ယခင်အပတ်နဲ့စာရင် ဈေးမြင့်လာပြီး တစ်ပိဿာကို ၁၁၀၅ ကျပ်(တစ်တန်ကို ၆၇၆၆၉၀ ကျပ်)ဈေးနဲ့ နေ့စဉ်အိတ် ၃၀၀ ခန့်အဝယ်ရှိခဲ့တယ်လို့ သိရပါတယ်။ နှမ်းမျိုးစုံကိုတော့ ရန်ကုန်-မန္တလေးဝယ်လက် နဲ့ ဒေသတွင်းဆီကြိတ် လုပ်ငန်းရှင်များက ဝယ်အားပုံမှန်ရှိတာကြောင့် ယခင်အပတ်နဲ့စာရင် ဈေးမြင့်လာခဲ့ပြီး အရောင်းအဝယ်ဖြစ်မှုလည်း များလာတယ်လို့ဆို ပါတယ်။ အရောင်းအဝယ်ဖြစ်မှုက နှမ်းဖြူတစ်ပိဿာ ၂၀၉၀ ကျပ်၊ နှမ်းနီတစ်ပိဿာ ၁၉၀၀ ကျပ်၊နှမ်းနက်တစ်ပိဿာ ၂၀၇၅ ကျပ်ဈေး နဲ့နှမ်းမျိုးစုံတစ်ရက်ကို အိတ် ၁၀၀၀ ခန့်အရောင်းအဝယ်ဖြစ်ခဲ့တယ် လို့ မြို့ခံနှမ်းကုန်သည်တစ်ဦးကဆိုပါတယ်။