မကွေးဈေးကွက်မှာ ယခင်အပတ်က တစ်ပိဿာ ၁၀၅၀ ကျပ် (တစ်တန်ကို ၆၄၃၀၀၉ ကျပ်)ဈေးနဲ့ အရောင်းအဝယ် ဖြစ်ခဲ့တဲ့ ပဲစင်းငုံနီကိုဒီတစ်ပတ်မှာ ရန်ကုန်အဆွဲ ပြန်လိုက်လာ တာကြောင့် ဈေးအနည်း ငယ်မြင့်လာပြီး တစ်ပိဿာကို ၁၁၂၅ ကျပ်(တစ်တန် ကို ၆၈၈၉၃၈ ကျပ်)ဈေးနဲ့တစ်ရက်ကို အိတ် ၃၀၀ ခန့်အရောင်းအဝယ်ဖြစ်ခဲ့ကြောင်း သိရပါတယ်။
ကုလားပဲ(ထိုင်ဝမ်) ကို မြို့ခံပဲခွဲ စက်တွေက ပစ္စည်းဝယ် ယူဖြည့်တင်းတဲ့အနေနဲ့ အဝယ်များလာတာ ကြောင့် ယခင်အပတ်နဲ့စာရင် ဈေးမြင့်လာပြီး တစ်ပိဿာကို ၁၂၁၀ ကျပ်(တစ်တန်ကို ၇၄၀၉၉၁ ကျပ်)ဈေးနဲ့ တစ်ရက်ကိုအိတ် ၂၀၀ မှ ၄၀၀ ကြားအရောင်းအဝယ်ဖြစ်ခဲ့တယ်လို့ ဆိုပါတယ်။ ပဲတီစိမ်းက ဈေးကွက်သို့အဝင်ပုံမှန်ရှိသလို ရန်ကုန်-မန္တလေးဝယ်လက်ကလည်း ဝယ်အားပုံမှန်ရှိခဲ့တယ်လို့ သိရပါတယ်။ အရောင်းအဝယ်ဖြစ်မှုက တစ်ပိဿာ ၁၁၀၅ ကျပ်(တစ်တန်ကို ၆၇၆၆၉၀ ကျပ်)ဈေးနဲ့ နေ့စဉ် အိတ် ၃၀၀ ခန့်ဖြစ်ခဲ့တယ်လို့ဆိုပါတယ်။ နှမ်းမျိုးစုံကို မန္တလေးဝယ် လက်နဲ့ ဒေသတွင်းဆီကြိတ်လုပ်ငန်းရှင်များက အရည်အသွေးအလိုက် အဝယ်ရှိနေတယ်လို့ ဆိုပါတယ်။ အရောင်းအဝယ်ဖြစ်မှုက နှမ်းနီ တစ်ပိဿာ ၁၉၆၀ ကျပ်၊ နှမ်းဖြူတစ်ပိဿာ ၂၁၁၁ ကျပ်၊ နှမ်းနက် တစ်ပိဿာ ၂၄၄၅ ကျပ်၊ နှမ်းညိုတစ်ပိဿာ ၁၇၈၀ ကျပ်ဈေးနဲ့ နှမ်းမျိုးစုံ တစ်ရက်ကို အိတ် ၂၇၀၀ ခန့်အရောင်းအဝယ်ဖြစ်ခဲ့တယ်လို့ သိရပါတယ်။