မန္တလေးဈေးကွက်မှာ မတ်ပဲကို ရန်ကုန်ဝယ်လက်နဲ့ မြို့ခံခွဲစက် တွေက ပုံမှန်အဝယ်ရှိနေပေမယ့် ယခင်အပတ်နဲ့စာရင်ဈေးအပြောင်း အလဲမရှိဘဲ ဈေးငြိမ်နေတယ်လို့သိရပါတယ်။ အရောင်းအဝယ်ဖြစ်မှု က တစ်ပိဿာ ၈၈၃ ကျပ်(တစ်တန်ကို ၅၄၀၇၄၀ ကျပ်) ဈေးနဲ့ တစ်ရက်ကို အိတ် ၃၀၀ ခန့်သာဖြစ်ခဲ့တယ်လို့ သိရပါတယ်။
ကုလား ပဲဖြူလုံးကြီးနဲ့ ကုလားပဲ(ထိုင်ဝမ်)ကိုတော့ ရန်ကုန်ဝယ်လက်နဲ့ မြို့ခံ ပဲခွဲစက်တွေက ပုံမှန်ဆွဲအားရှိတာကြောင့် အရောင်းအဝယ်ကတော့ သွက်နေဆဲဖြစ်ကြောင်း မြို့ခံကုန်သည်တစ်ဦးကဆိုပါတယ်။ အရောင်း အဝယ်ဖြစ်မှုက ကုလားပဲဖြူလုံးကြီးတစ်ပိဿာ ၁၁၇၀ ကျပ် (တစ် တန်ကို ၇၁၆၄၉၆ကျပ်)၊ ကုလားပဲ(ထိုင်ဝမ်)တစ်ပိဿာ ၁၁၅၆ ကျပ် (တစ်တန်ကို ၇၀၇၉၂၂ ကျပ်)ဈေးနဲ့ နှစ်မျိုးပေါင်းတစ်ရက်ကို အိတ် ၁၅၀၀ ခန့်အရောင်းအဝယ်ဖြစ်ခဲ့ကြောင်း သိရပါတယ်။ ပဲတီစိမ်းကြီး ကိုတော့ တရုတ်ဝယ်လက်က အရည်အသွေးကောင်းရင် ကောင်းသ လို ဈေးပေးအဝယ်ရှိပြီး အရည်အသွေးညံ့ပါက ဈေးနှိမ်ပြီး အဝယ် ရှိနေတယ်လို့ ဆိုပါတယ်။ အရောင်းအဝယ်ဖြစ်မှုက တစ်ပိဿာကို အနိမ့်ဆုံး ၉၇၈ ကျပ် (တစ်တန်ကို ၅၉၈၉၁၇ ကျပ်)မှ အမြင့်ဆုံး ၁၁၃၈ ကျပ်(တစ်တန်ကို ၆၉၆၈၉၉ ကျပ်)ဈေးအတွင်း တစ်ရက်ကို အိတ် ၃၀၀ မှ ၅၀၀ ကြား အရောင်းအဝယ်ဖြစ်ခဲ့တယ်လို့ သိရပါ တယ်။ ဈေးကွက်မှာ အရောင်းအဝယ်သွက်နေတဲ့ ပဲစင်းငုံနီကိုတော့ ရန်ကုန်ဝယ်လက်က ဒီတစ်ပတ်မှာ ဈေးပေးအဝယ်ရှိတာကြောင့် ယခင်အပတ်နဲ့စာရင် ဈေးမြင့်လာပြီး တစ်ပိဿာကို ၁၀၉၂ ကျပ် (တစ်တန်ကို ၆၆၈၇၂၉ ကျပ်)ဈေးနဲ့ နေ့စဉ်အိတ် ၅၀၀ မှ ၇၀၀ကြား အရောင်းအဝယ်ဖြစ်ခဲ့တယ်လို့ မြို့ခံပဲကုန်သည်တစ်ဦးက ဆိုပါတယ်။ နှမ်းမျိုးစုံကို တရုတ်ဝယ်လက်နဲ့ ဒေသတွင်း ဆီကြိတ်လုပ်ငန်းရှင် တွေက ဝယ်အားပုံမှန်ရှိခဲ့သလို ရောင်းသူကုန်သည်များကလည်း အဆိုပါဈေးနဲ့ အရောင်းပုံမှန်ရှိခဲ့တယ်လိ့ု သိရပါတယ်။ အရောင်း အဝယ်ဖြစ်မှုက နှမ်းဖြူတစ်ပိဿာ ၂၁၅၆ ကျပ်၊ နှမ်းညို တစ်ပိဿာ ၁၈၂၂ ကျပ်၊ နှမ်းကြားတစ်ပိဿာ ၁၅၅၆ ကျပ်၊ နှမ်းနက် တစ်ပိဿာ ၂၁၅၆ ကျပ်ဈေးနဲ့ နှမ်းမျိုးစုံတစ်ရက်ကိုအိတ် ၁၅၀၀ ခန့်ဖြစ်ခဲ့တယ်လို့ မြို့ခံ နှမ်းကုန်သည်တစ်ဦးက ဆိုပါတယ်။