မန္တလေးဈေးကွက်မှာ ဒီတစ်ပတ်မတ်ပဲ၊ ပဲစင်းငုံနီနဲ့ ကုလားပဲ ကို ရန်ကုန်အဆွဲအေး လို့ ဈေးအနည်းငယ်ကျလာသလို ပဲတီစိမ်းနဲ့ ပြောင်းကိုလည်း တရုတ်ဝယ်လက်က အရည်အသွေးပေါ် မူတည်ပြီး တွက်ချက်ဝယ်ယူမှုတွေရှိတာကြောင့် ယခင်အပတ်နဲ့စာရင် ဈေးက ကျရိပ်သမ်းနေတယ်လို့ ပွဲရုံရပ်ကွက်မှဆိုပါ တယ်။
မတ်ပဲကို ရန်ကုန် အဆွဲအေးပြီး မြို့ခံပဲခွဲစက်များသာ ဝယ်အားအသင့်အတင့်ရှိတာ ကြောင့် ယခင်အပတ်နဲ့စာရင် ဈေးကျလာပြီး တစ်ပိဿာကို ၈၀၀ ကျပ်(တစ်တန်ကို ၄၈၉၉၁၂ ကျပ်)ဈေးနဲ့နေ့စဉ်အိတ် ၂၀၀ ခန့်အ ရောင်းအဝယ်ဖြစ်ခဲ့တယ်လို့ သိရပါတယ်။ ပဲစင်းငုံနီကိုတော့ ရန်ကုန် ဝယ်လက်က အဝယ်များတဲ့နေ့မှာဆိုရင် တစ်ပိဿာကို ၁၀၆၇ ကျပ် (တစ်တန်ကို ၆၅၃၄၂၀ ကျပ်)ဈေးနဲ့အိတ် ၁၆၀၀ ခန့်ဖြစ်ခဲ့သလို ရန်ကုန်အဆွဲပါးတဲ့နေ့မှာဆိုရင် အိတ် ၈၀၀ ခန့်သာအရောင်းအဝယ် ဖြစ်ခဲ့တယ်လို့ ဆိုပါတယ်။ ပဲဈေးက မငြိမ်ဘူး။ ဈေးလှုပ်နေတော့ ရောင်းသူဝယ်သူနှစ်ဦးစလုံး သတိကြီးစွာထားပြီး ရောင်းရေးဝယ်တာ လုပ်နေရတယ်လို့ မြို့ခံပဲကုန်သည်တစ်ဦးက ဆိုပါတယ်။ ယခင် အပတ်က အရောင်းအဝယ်သွက်ခဲ့တဲ့ ကုလားပဲဖြူလုံးကြီးနဲ့ ကုလားပဲ(ထိုင်ဝမ်)ကတော့ ဒီတစ်ပတ်မှာ ရန်ကုန်ဝယ်လက်အဝယ် အေးပြီး ဒေသခံခွဲစက်များကသာ ဝယ်အား အနည်းငယ်ရှိခဲ့တာ ကြောင့် ဈေးက ကျရိပ်သမ်းနေတယ်လို့ ဆိုပါတယ်။ အရောင်း အဝယ်ဖြစ်မှုက ကုလားပဲဖြူလုံးကြီးတစ်ပိဿာကို ၁၁၆၅ ကျပ် (တစ်တန်ကို ၇၁၃၄၃၄ ကျပ်)၊ ကုလားပဲ(ထိုင်ဝမ်)တစ်ပိဿာ ၁၁၅၆ ကျပ်(တစ်တန်ကို ၇၀၇၉၂၂ ကျပ်)ဈေးနဲ့ နှစ်မျိုးပေါင်း တစ်ရက် ကိုအိတ် ၅၀၀ ခန့်သာဖြစ်ခဲ့တယ်လို့ သိရပါတယ်။ ပဲတီစိမ်းကြီးကို တရုတ်ဝယ်လက်က အရည်အသွေး လိုနေတာကို အကြောင်းပြပြီး ဈေးနှိမ်အဝယ်ရှိတာကြောင့် ယခင်အပတ်နဲ့စာရင် ဈေးကျလာပြီး တစ်ပိဿာကို ၁၀၈၄ ကျပ် (တစ်တန်ကို ၆၆၃၈၈၀ ကျပ်) ဈေးနဲ့ နေ့စဉ်အိတ် ၅၀၀ မှ ၈၀၀ ကြားသာ အရောင်းအဝယ်ဖြစ်ခဲ့တယ်လို့ ဆိုပါတယ်။ ပြောင်းကို တရုတ်ဝယ်လက်က ဝယ်အားပုံမှန်ရှိပေမယ့် ယခင်အပတ်နဲ့စာရင် ဈေးအနည်းငယ်ကျသွားတယ်လို့ မြို့ခံပြောင်း ကုန်သည်တစ်ဦးက ဆိုပါတယ်။ အရောင်းအဝယ်ဖြစ်မှုက တစ်ပိဿာ ၅၂၈ ကျပ်ဈေးနဲ့ တစ်ရက်ကိုအိတ် ၆၀၀ ခန့်ဖြစ်ခဲ့ကြောင်း သိရပါ တယ်။ နှမ်းမျိုးစုံ ကို တရုတ်ဝယ်လက်နဲ့ ဒေသတွင်း ဆီကြိတ်လုပ် ငန်းရှင်များက ဝယ်အားပုံမှန်ရှိပေမယ့် ယခင်အပတ်နဲ့စာရင် ဈေး အပြောင်းအလဲမရှိဘဲ ဈေးတန့်နေတယ်လို့ ဆိုပါတယ်။ အရောင်း အဝယ်ဖြစ်မှုက နှမ်းဖြူတစ် ပိဿာ ၂၁၅၆ ကျပ်၊ နှမ်းညိုတစ်ပိဿာ ၁၈၄၄ ကျပ်၊ နှမ်းကြားတစ်ပိဿာ ၁၅၅၆ ကျပ်၊ နှမ်းနက်တစ်ပိဿာ ၂၂၂၂ ကျပ်ဈေးနဲ့ တစ်ရက်ကို နှမ်းမျိုးစုံ အိတ် ၁၀၀၀ မှ ၁၅၀၀ ကြား အရောင်းအဝယ်ဖြစ်ခဲ့တယ်လို့ သိရပါတယ်။