ဒီတစ်ပတ်လုံး နနွင်းက အရောင်းအဝယ်အေးနေပါတယ်။ အရောင်းလည်းပါးပြီး အဝင်ကလည်း ပါးပါတယ်။ ဈေးကွက် မှာလည်း အမှာရှိမှသာ ဝယ်၊ ရောင်းလုပ်ကြတာကြောင့် လက်လီလောက်သာ အရောင်းအဝယ်ဖြစ်တယ်လို့ သိရပါတယ်။ နနွင်းခေါင်းကိုတော့ တရုတ်ဝယ်လက်တွေက ပရဆေးဖော်ဖို့အတွက် ဝယ်ယူနေတာကြောင့် လက်ကျန်တောင် နည်းနည်းသာ ကျန်တော့တယ်လို့ သိရပါတယ်။ အောင်ပန်းဈေးကွက်မှာ နနွင်းပေါက်ဈေးက ပင်လောင်းနနွင်းတစ်ပိဿာ ၅၅၀ ကျပ်၊ ဟိုပုံး(နဝလီ)က ၈၅၀ ကျပ် - ၉၀၀ ကျပ်၊ ဆင်တောင်နနွင်းက ၁၂၀၀ ကျပ် - ၁၃၀၀ ကျပ်ဈေးရှိပါတယ်။ နနွင်းခေါင်းကတော့ တစ်ပိဿာ ၅၀၀ ကျပ်မှ ၇၀၀ ကျပ်ဈေး ပေါက်ပါတယ်။ ဟိုပုံးမှာတော့ နနွင်းကို လက်လီသာ အဝယ်ရှိနေပြီး၊ ကားပေါ်၊ လှည်းပေါ် ပေါက်ဈေးက တစ်ပိဿာ ၇၅၀ ကျပ်ဈေးနဲ့ ဈေးဖြတ်ပြီး ဝယ်ယူနေတယ်လို့ သိရပါတယ်။ ဧဧခိုင်
Background