မလေးရှားနိုင်ငံအတွင်း စားအုန်းဆီသိုလှောင်မှုမြင့်တက်ပြီး၊ ပြည်ပ တင်ပို့မှု နည်းပေမဲ့ မလေးရှားအစိုးရက စားအုန်းဆီကြမ်းတင်ပို့ခွန်ကို လျှော့ချဖို့စီစဉ်ထား တာကြောင့် စားအုန်းဆီကြိုပွိုင့်ဈေးဟာ တစ်ပတ်ကျော်အတွင်း အမြင့်ဆုံးကို ရောက်ရှိခဲ့ပါတယ်။ အစိုးရက ပြည်ပတင်ပို့ခွန်နှုန်းလက်ရှိ ၂၃ ရာခိုင်နှုန်းရှိရာမှ လျှော့ချဖို့ အစီအစဉ်ကို အတည်ပြုထားပြီး လျှော့ချမယ့်ပမာဏကို ဒီတစ်ပတ်မှာ ပြန်ဆွေးနွေးမယ်လို့သိရပါတယ်။
အဲဒီလို အခွန်လျှော့ချခြင်းဟာ မလေးရှားနိုင်ငံရဲ့ စားအုန်းဆီကြမ်းတင်ပို့မှုကို မြှင့်တင်နိုင်မှာဖြစ်ပြီး စက်တင်ဘာလအတွင်း တန်ချိန် ၂ ဒသမ ၄၈ သန်းအထိ စံချိန်တင်မြင့်တက်ခဲ့တဲ့ သိုလှောင်မှုကို လည်း လျော့ကျစေမှာ ဖြစ်ပါတယ်။ စားအုန်း ဆီ သိုလှောင်မှုမြင့်တက်နေတဲ့အတွက် လက်ရှိစားအုန်းဆီဈေးနဲ့ ပဲပုပ်ဆီဈေးအကြား ကွာဟမှုဟာ တစ်တန်ကန်ဒေါ်လာ ၃၅၀ ထိ မြင့်တက်နေတယ်လို့ဆိုပါတယ်။ ဘာစာ မလေးရှား ကုန်စည်ဒိုင်မှာ ဒီဇင်ဘာလအခြေခံစံနှုန်း စားအုန်းဆီဈေးဟာ ၂ ဒသမ ၇ ရာခိုင်နှုန်းမြင့်တက်ပြီး တစ်တန်ရင်းဂစ် ၂၅၂၃ (ကန်ဒေါ်လာ ၈၂၂) ဖြစ်ခဲ့လို့ အောက်တိုဘာလ ၁ ရက်နောက်ပိုင်း အမြင့်ဆုံးရှိခဲ့ပါတယ်။ အမေရိကားပဲပုပ်ထွက်ရှိမှုက ကနဦးခန့်မှန်းထားတဲ့ ပမာဏထက် ပိုမိုမယ်လို့ USDA ရဲ့ ခန့်မှန်း အစီရင်ခံစာထွက်ပြီးနောက် ကုန်သည်များဟာ အောက်တိုဘာ လ ရောင်းလိုအားနဲ့ဝယ်လိုအား ကို စောင့်ကြည့်ေ နကြပါတယ်။ ပဲပုပ်အထွက်ပိုရင် ပဲပုပ်ဆီပိုမိုကြိတ်ခွဲလာမှာဖြစ်လို့ စားအုန်းဆီဝယ်လို အား လျော့ကျနိုင်ပါတယ်။ ဒါပေ မဲ့ စားအုန်းဆီထုတ်လုပ်မှုကျဆင်းတဲ့ကာလကို စတင်လာပြီဖြစ်လို့ သိုလှောင်မှုလျော့ လာနိုင်တယ်လို့ မလေးရှား OSK ရင်းနှီးမြှုပ်နှံမှုဘဏ်မှ လေ့လာဆန်းစစ်သူ Alvin Tai မှဆိုပါတယ်။ စတုတ္ထ ၄ လအတွင်းမှာ စားအုန်းဆီဈေး ပြန်ကောင်းလာနိုင်တယ်လို့လည်း ဆိုပါတယ်။ အခြားအသီး အရွက်ဆီဈေးကွက်မှာ ဒီဇင်ဘာလအတွက် အမေရိက ပဲပုပ်ဆီဈေးမှာ ၁ ဒသမ ၄ ရာခိုင်နှုန်းမြင့်တက်ခဲ့ပြီး၊ ဒေလီယံကုန်စည်ဒိုင်မှာ ၂၀၁၃ ဇန်နဝါရီ ပဲပုပ်ဆီစာချုပ်ဈေးဟာလည်းသုညဒသမ ၂ ရာခိုင်နှုန်း ပိုမိုလာ တယ်လို့ သိရပါတယ်။ယုဇနSource: Reuters