မန္တလေးဈေးကွက်မှာ ဒီတစ်ပတ် မတ်ပဲကို ရန်ကုန်ဝယ်လက် နဲ့ ဒေသတွင်းပဲခွဲစက်တွေက အဝယ်ပြန်လိုက်လာတာကြောင့် ယခင် အပတ်နဲ့ စာရင် ဈေးမြင့်လာပြီး တစ်ပိဿာကို ၇၆၇ ကျပ်(တစ်တန် ကို ၄၆၉၇၀၃ ကျပ်)ဈေးနဲ့ တစ်ရက်ကို အိတ် ၈၀၀ ခန့်အရောင်း အဝယ်ဖြစ်ခဲ့ကြောင်း သိရပါတယ်။ ပဲစင်းငုံနီကိုတော့ ရန်ကုန်ဝယ် လက်က အိတ်စပို့အဆွဲအေးသွားတဲ့အပေါ် ဈေးချအဝယ်ရှိတာ ကြောင့် ယခင်အပတ်နဲ့စာရင် ဈေးကျလာပြီး တစ်ပိဿာကို ၉၀၈ ကျပ်(တစ်တန်ကို ၅၅၆၀၅၀ ကျပ်)ဈေးနဲ့ နေ့စဉ်အိတ် ၇၀၀ မှ ၉၀၀ ကြားအရောင်းအဝယ်ဖြစ်ခဲ့တယ်လို့ဆိုပါတယ်။ ကုလားပဲဖြူလုံးကြီး နဲ့ကုလားပဲ(ထိုင်ဝမ်) ကိုတော့ ရန်ကုန်ဝယ်လက်နဲ့ ဒေသတွင်းပဲ ခွဲစက်များက ဝယ်အားပုံမှန်ရှိခဲ့တယ်လို့ မြို့ခံပဲကုန်သည်တစ်ဦးက ဆိုပါတယ်။ အရောင်းအဝယ်ဖြစ်မှုက ကုလားပဲဖြူလုံးကြီးတစ်ပိဿာ ၉၄၃ ကျပ်(တစ်တန်ကို ၅၇၇၄၈၃ ကျပ်)၊ ကုလားပဲ(ထိုင်ဝမ်)တစ်ပိ ဿာကို ၁၀၄၀ ကျပ်(တစ်တန်ကို ၆၃၆၈၈၅ ကျပ်)ဈေးနဲ့ နှစ်မျိုး ပေါင်း တစ်ရက်ကို အိတ် ၁၅၀၀ ခန့်ဖြစ်ခဲ့ကြောင်းသိရပါတယ်။ ပဲ တီစိမ်းကြီးကို တရုတ်ဝယ်လက်က အရည်အသွေးပေါ်မူတည်ပြီး တွက်ချက်ဝယ်ယူမှုတွေရှိတာကြောင့် ယခင်အပတ်နဲ့စာရင် ဈေးတန့် နေတယ်လို့ ဆိုပါတယ်။ အရောင်းအဝယ်ဖြစ်မှုက တစ်ပိဿာ ၉၇၈ ကျပ်(တစ်တန်ကို ၅၉၈၉၁၇ ကျပ်)ဈေးနဲ့ တစ်ရက်ကို အိတ် ၁၀၀၀ ခန့်ဖြစ်ခဲ့ကြောင်း သိရပါတယ်။ နှမ်းမျိုးစုံကို တရုတ်ဝယ်လက်နဲ့ ဒေသတွင်းဆီကြိတ်လုပ်ငန်းရှင်များက ဝယ်အားပုံမှန်ရှိသလို ရောင်း သူကုန်သည်များကလည်း အဆိုပါဈေးနဲ့ အရောင်းပုံမှန်ရှိခဲ့တယ်လို့ မြို့ခံနှမ်းကုန်သည်တစ်ဦးက ဆိုပါတယ်။ အရောင်းအဝယ်အနေနဲ့ နှမ်းဖြူတစ်ပိဿာ ၂၁၃၃ ကျပ်၊ နှမ်းနက်တစ်ပိဿာ ၂၁၅၆ ကျပ်၊ နှမ်းနက်စမုံတစ်ပိဿာ ၂၄၀၀ ကျပ်၊ နှမ်းညိုတစ်ပိဿာ ၁၇၇၈ ကျပ်ဈေးနဲ့ နှမ်းမျိုးစုံတစ်ရက်ကို အိတ် ၃၅၀၀ ခန့် အရောင်းအဝယ် ဖြစ်ခဲ့ကြောင်း သိရပါတယ်။
Background