မကွေးဈေးကွက်မှာ ဒီတစ်ပတ် ပဲမျိုးစုံကို ရန်ကုန်-မန္တလေး ဝယ်လက်တွေက အောက်ဈေးနဲ့ အဝယ်ရှိခဲ့ပြီး နှမ်းမျိုးစုံကိုတော့ ရန်ကုန်-မန္တလေးဝယ်လက်က အမြင့်ဈေးနဲ့ ဝယ်အားပုံမှန်ရှိခဲ့တယ် လို့သိရပါတယ်။ ပဲစင်းငုံနီကို ရန်ကုန်ဝယ်လက်က ယခင်အပတ်က အဝယ်အေးနေရာက ဒီတစ်ပတ်မှာ ဝယ်လိုအားအနည်း ငယ်ပြန် လိုက်လာပေမယ့် ဈေးကတော့ အကျဘက်မှာဘဲရှိနေတယ်လို့ သိရ ပါတယ်။ အရောင်းအဝယ်ဖြစ်မှုက တစ်ပိဿာ ၇၉၅ ကျပ်(တစ်တန် ကို ၄၈၆၈၅၀ ကျပ်)ဈေးနဲ့ နေ့စဉ်အိတ် ၂၀၀ ခန့်ဖြစ်ခဲ့တယ်လို့ သိရပါတယ်။ ပဲတီစိမ်းကြီးကိုတော့ ရန်ကုန်-မန္တလေးဝယ်လက်က အရည်အသွေးပေါ်မူတည်ပြီး အရည်အသွေးကောင်းရင် ကောင်း သလို ဈေးပေးအဝယ်ရှိပြီး အရည်အသွေးညံ့ပါက ဈေးနှိမ်ပြီး အဝယ် ရှိနေတယ်လို့ ပွဲရုံရပ်ကွက်က ဆိုပါတယ်။ အရောင်းအဝယ်ဖြစ်မှုက တစ်ပိဿာ ၁၀၀၀ ကျပ်(တစ်တန်ကို ၆၁၂၃၉၀ ကျပ်)ဈေးနဲ့ တစ် ရက်ကိုအိတ် ၂၀၀ မှ ၃၅၀ ကြားဖြစ်ခဲ့တယ်လို့ သိရပါတယ်။ နှမ်း မျိုးစုံကို ရန်ကုန်-မန္တလေးဝယ်လက်နဲ့ ဒေသတွင်း ဆီကြိတ်လုပ်ငန်း ရှင်များက ဝယ်အားပုံမှန်ရှိတာကြောင့် ယခင်အပတ်နဲ့စာရင် ဈေး မြင့်လာတယ်လို့ ဆိုပါတယ်။ အရောင်းအဝယ်ဖြစ်မှုက နှမ်းနီတစ် ပိဿာ ၁၉၃၄ ကျပ်၊ နှမ်းဖြူတစ်ပိဿာ ၂၁၃၄ ကျပ်၊ နှမ်းနက်တစ် ပိဿာ ၂၄၀၀ ကျပ်၊ နှမ်းနက်စမုံ ၂၆၀၀ ကျပ်ဈေးနဲ့ နှမ်းမျိုးစုံတစ် ရက်ကို အိတ် ၈၀၀ မှ ၁၀၀၀ ကြားဖြစ်ခဲ့တယ်လို့ မြို့ခံနှမ်းကုန်သည် တစ်ဦးကဆိုပါတယ်။
Background