ရှမ်းပြည်နယ်တောင်ပိုင်းမှာ တန်ဆောင်တိုင်ပွဲတော်ကြီး ပြီးသွားတာကြောင့်၊ သီးနှံတွေရဲ့ ရောင်းဝယ်မှု ကလည်း ပုံမှန်ပြန်ဖြစ်နေပါပြီ။ ရှမ်းပြောင်းတွေလည်း ဈေးကွက်မှာ အတော်များလာပါပြီ။ တောင်ကြီးခရိုင်ရဲ့ မြို့နယ်တိုင်းလိုလိုက ဝင်လာ တာကြောင့် တစ်ရက်ကို တန်ချိန် ၄၀၀ မှ ၅၀၀ ခန့် အဝင်ရှိနေတယ်လို့ သိရပါ တယ်။ အစာစပ်စက်ရုံတွေဖြစ်တဲ့ CP ၊ တက်ချောင်ကုမ္ပဏီနဲ့ ရန်ကုန်၊ မန္တလေး စတဲ့မြို့တွေက တိရစ္ဆာန်အစာအတွက် ဝယ်ယူနေတာကြောင့် တစ်ရက်ကို တန် ၂၀၀-၃၀၀ ခန့်ပြန်ရောင်းနေရ တယ်လို့လည်း သိရပါတယ်။ ရှမ်းတောင်ကထွတ်တဲ့ ပြောင်းတွေက ပြည်တွင်းသုံးအတွက် သာ ဝယ်ယူမှုရှိနေပေမယ့် အရောင်းကတော့ သွက်နေပါတယ်။ ပြည်ပဝယ်လက်တွေကတော့ နယ်မြေချင်းနီးစပ်တဲ့ ရှမ်းမြောက် ကသာ ဝယ်ယူနေတယ်လို့လည်း သိရပါတယ်။ ရှမ်းတောင်မှာ ဒီတစ်ပတ်ပြောင်း ဈေးက တစ်ပိဿာ ၃၃၀ ကျပ် မှ ၃၃၅ ကျပ်ဈေး ရှိပါတယ်။ဧဧခိုင် - တောင်ကြီး
Background