ဘတ်ဂျက် ပြင်ဆင်ရေးနဲ့ ပတ် သက်ပြီးအမေရိကန်လွှတ်တော်ကိုယ် စားလှယ်တို့ သဘောတူညီချက် ရနိုင် အောင်အလူးအလဲရုန်းကန်ကြိုးစားနေ ရတဲ့အတွက်ယခုရက်သတ္တပတ်ထဲမှာ အာရှငွေကြေးတွေက ၁၅ လအတွင်း အမြင့်ဆုံးအနေအထားကနေပြန်လည် ကျဆင်းခဲ့ပါတယ်။ ဘတ်ဂျက်ပြုပြင် ရေးနဲ့ပတ်သ က်ပြီးအလိုအလျောက် သုံး စွဲမှု လျှော့ချမဲ့ကိစ္စနဲ့အခွန်နှုန်းထား တွေ ကိုမြှင့်တင်ပေးရ မှာဖြစ်တဲ့အတွက ်ညှိနှိုင်း လို့မရနိုင်ဘူးဆိုရင် လိုငွေက ဒေါ်လာ ၆၀၇ ဘီလီယံထိ ရှိနိုင်မှာ ဖြစ်ပါတယ်။
အခွန်ကိစ္စနဲ့ အသုံးစရိတ်အတွက် အမေရိကန်အစိုးရ အဖွဲ့အတွင်း သောင် မတင်ရေ မကျဖြစ်နေတာတွေက အမေ ရိကန်ပြည်ထောင်စုရဲ့ စီးပွားရေး နာလန် ထူမှုကို ဒရွတ်ဆွဲနေကြောင်း အမေရိ ကန် သမ္မတ ဘာရက်အိုဘားမားက ဒီဇင်ဘာ ၅ ရက်က ပြောပါတယ်။ ဥရောပ စီးပွားရေးကလည်း ခန့်မှန်း ထားတာထက် ပိုမို ကျဆင်းမယ်လို့ ဥရောပ ဗဟိုဘဏ် ဥက္ကဋ္ဌမစ္စတာ မာရီယိုဒရက်ဂီက ပြောပါတယ်။ ရက်အလိုက်ကြည့်ရင်တော့ဒီဇင် ဘာ ၆ ရက်နေ့မှာ ထွန်းသစ်စအာရှ ငွေကြေးအများစုက တန်ဖိုးကျဆင်းခဲ့ တာတွေ့ရပါတယ်။ မကြာသေးမီက ဦးမော့လာတဲ့ ဖိလစ်ပိုင်ပီဆိုတန်ဖိုးက ပြန်လည်ကျ ဆင်းလာသလို တောင်ကို ရီးယားမှာလည်းဗဟိုဘဏ်ကဈေးကွက် ကိုဝင်ရောက်ကိုင်တွယ် မဲ့အခြေအနေ ကြောင့် ဝမ်တန်ဖိုးကျဆင်းခဲ့ပါတယ်။
တရုတ်ယွမ် တရုတ်နိုင်ငံရဲ့ကုန်ထုတ်လုပ်မှုက နိုဝင်ဘာမှာ ၉ ဒသမ ၈ ရာခိုင်နှုန်းတိုး တက်မယ်လို့ခန့်မှန်း ထားပါတယ်။ မတ် လနောက်ပိုင်းမှာအမြင့်ဆုံးတိုးတက်ခဲ့ တာဖြစ်ကြောင်းဘလွမ်းဘတ်စီးပွားရေး ပညာရှင်တွေရဲ့ စစ်တမ်းအရတွေ့ရပါ တယ်။ လက်လီရောင်းချမှုကလည်း အောက်တိုဘာက ၁၄ ဒသမ ၅ ရာခိုင် နှုန်းမြင့်တက်ခဲ့ပြီး နိုဝင်ဘာလမှာ ၁၄ ဒသမ ၆ ရာခိုင်နှုန်းမြင့်တက်ခဲ့ပါတယ်။ ဒါပေမဲ့ တရုတ်ယွမ်ငွေကြေးရဲ့ တန်ဖိုးကအပြောင်းအလဲအနည်းငယ် သာရှိခဲ့ပါတယ်။ တရုတ်နိုင်ငံခြားငွေ ရောင်းဝယ်ရေးဌာနရဲ့အဆိုအရလွန်ခဲ့ တဲ့ရက်သတ္တပတ်တစ်ပတ်လောက်က ယွမ်တန်ဖို းကတစ်ဒေါ်လာကို ၆ ဒသမ ၂၃၀၀ ယွမ်နှုန်းရှိခဲ့ရာက ယခုရက်သတ္တ ပတ်မှာ ၆ ဒသမ ၂၃၀၁ နှုန်းသာရှိခဲ့ ပါတယ်။
အိန္ဒိယရူပီး အိန္ဒိယပို့ကုန်သမားတွေနဲ့ဘဏ် တွေကဒေါ်လာကိုဆက်တိုက်ထုတ် ရောင်းလာတဲ့အတွက် ဘဏ်အချင်း ချင်းနိုင်ငံခြားငွေဖလှယ်ရာမှာရူပီးငွေ ကြေးတန်ဖိုးကဒီဇင်ဘာ ၇ ရက်မှာ သုည ဒသမ ၅ ရာခိုင်နှုန်းမြင့်တက်ပြီး တစ်ဒေါ်လာကို ၅၄ ဒသမ ၀၉ ရူပီးနှုန်း ဖြစ်ခဲ့ပါတယ်။တစ်လတည်းဖြစ်ခဲ့တဲ့ ဈေး တွေထဲမှာအမြင့်ဆုံးဈေး ဖြစ်ပါတယ်။ ပြည်တွင်း ရှယ်ယာဈေးတွေ ခိုင် မာလာတာရယ်၊ မတည်ရင်းနှီးငွေ စီး ဆင်းအားကောင်းလာတယ်ရယ်၊ ပို့ကုန် သမားတွေကဒေါ်လာထုတ်တာများလာ တာရယ်တွေကြောင့် ရူပီးတန်ဖိုးကိုယုံ ကြည်မှုမြင့်တက ်ခဲ့တယ်လို့ နိုင်ငံခြားငွေ ဝယ်ရောင်းသမားတွေက ပြောပါတယ်။
ဂျပန်ယန်း ဂျပန်နိုင်ငံမှာ စီးပွားရေးဆုတ် ကပ်ဖြစ်လာမှာကိုကာကွယ်တဲ့အနေနဲ့ ဂျပန်ဗဟိုဘဏ် ကငွေကြေးမူဝါဒ လျှော့ ချတာတွေဆောင်ရွက်လာလိမ့်မယ်လို့ တွက်ဆလာကြတဲ့အတွက် တခြားငွေ ကြေးအများစု နဲ့ဖလှယ်တဲ့အခါမှာယန်း ငွေတန်ဖိုးကျဆင်းခဲ့ပါတယ်။ ရွေးကောက်ပွဲမှာအနိုင်ရမယ်လို့ သဘောထားစစ်တမ်းတွေမှာတစ်ပြေး နေတဲ့လစ်ဘရယ် ဒီမိုကရက် တစ်ပါတီ ခေါင်းဆောင်ရှင်ဇိုအာဘဲကလည်း ငွေ ကြေးမူဝါဒလျှော့ချတာကိုအကန့်အ သတ်မရှိဆောင် ရွက်မယ်လို့ ကတိပြုခဲ့ ပါတယ်။ ဒေါ်လာ/ယန်းဖလှယ်နှုန်းက န ယူးယောက်မှာ ၈၂ ဒသမ ၃၇ ယန်း ကနေ ၈၂ ဒသမ ၅၀ ယန်းဖြစ်ခဲ့ပါ တယ်။ ယူရိုဒေါ်လာဖလှယ်နှုန်းက ဒီ ဇင်ဘာ ၆ ရက်ကတစ်ယူရိုကို ၁ ဒသမ ၂၉၆၉ ဒေါ်လာကနေ ၇ ရက်နေ့အာရှ ဈေးကွက်မှာတစ်ယူရိုကို ၁ ဒသမ ၂၉၇၂ ဒေါ်လာနှုန်းရှိခဲ့ပါတယ်။ ယူရို/ ဖလှယ်နှုန်းကတစ်ယူရို ၁၀၆ ဒသမ ၈၆ ယန်းကနေ ၁၀၇ ဒသမ ၀၅ ယန်းနှုန်း ထိယူရိုတန်ဖိုးမြင့်တက်ခဲ့ပါတယ်။
မလေးရှားရင်းဂစ် စပိန်နိုင်ငံအစိုးရဘွန်းစာချုပ် တွေ လေလံပွဲနဲ့ယူရိုဇုန်စီးပွားရေးအခြေအ နေတွေကစိတ်ပျက်စရာ တွေနဲ့ကြုံတွေ့ ရတဲ့အတွက် ဒီဇင်ဘာ ၇ ရက်နေ့မှာ ရင်းဂစ်ငွေကြေးတန်ဖိုးက ဒေါ်လာနဲ့ ဖလှယ်ရာမှာ အနည်းငယ်ကျဆင်းခဲ့ပါတယ်။ ရင်းဂစ်ငွေကြေးရဲ့တန်ဖိုးမှာ ဒီဇင် ဘာ ၆ရက်ကတစ်ဒေါ်လာ ၃ ဒသမ ၀၄၆၅ ရင်းဂစ်နှုန်းရှိရာမှ ဒီဇင်ဘာ ၇ ရက်မနက် ၉ နာရီ ၃၅ မိနစ်မှာ တစ် ဒေါ်လာကို ၃ ဒသမ ၀၅၁၀ ရင်းဂစ် နှုန်းရှိခဲ့ပါတယ်။ တစ်ချိန်တည်းမှာ ရင်း ဂစ်တန်ဖိုးကအခြားငွေကြေးတွေနဲ့ဖလှယ် ရာမှာအတက်အကျအမျိုးမျိုးရှိခဲ့ပါတယ်။ ရင်းဂစ်တန်ဖိုးက စင်ကာပူဒေါ် လာနဲ့ယန်းငွေကြေးတွေနဲ့ဖလှယ်ရာမှာ တန်ဖိုးကျဆင်းပြီးဗြိတိသျှပေါင်၊ ယူရိုတို့ နဲ့ဖလှယ်ရာမှာတန်ဖိုးမြင့်တက်ခဲ့ပါတယ်။
တောင်ကိုရီးယားဝမ် နိုဝင်ဘာလက ငွေကြေး ကြိုပွိုင့် ရောင်းချမှုတွေကိုတင်းကျပ်ခဲ့ပြီးနောက် ပိုင်းတောင်ကိုရီးယားရှိ စည်းကမ်းထိန်း သိမ်းရေးအဖွဲ့အစည်းများက နိုင်ငံခြား ငွေ နောက်တဖန် ထိန်းချုပ်ရေးကို ပြန် လည်လေ့လာသုံးသပ်ခဲ့ကြောင်းဘဏ္ဍာ ရေးလုပ်ငန်းများကော်မရှင်ဥက္ကဌကင်မ် ဆုတ်ဒေါင်က ပြောပါတယ်။ ဒီဇင်ဘာ ၆ ရက်မှာဝမ်ငွေကြေး က သုည ဒသမ ၁ ရာခိုင်နှုန်းမြင့် တက်ပြီးတစ်ဒေါ်လာကို ၁၀၈၂ ဒသမ ၄၀ ဝမ်နှုန်းရှိခဲ့ပါတယ်။ ဒါပေမဲ့ ဝမ်ငွေကြေးတန်ဖိုးတက် နေတာကိုအာဏာပိုင်တွေကနှေးကွေး သွားအောင်ဝင်ရောက် ကိုင်တွယ်တော့ မဲ့အခြေအနေကြောင့် ဒီဇင်ဘာ ၇ ရက်မှာပြန်လည်ကျဆင်းခဲ့ပါတယ်။ တောင်ကိုရီးယား ဝမ်တန်ဖိုးက တစ် ဒေါ်လာကို ၁၀၈၃ ဒသမ ၂ ဝမ်နှုန်း ကို ကျဆင်းခဲ့ပါတယ်။
ထိုင်းဘတ် အာရှရဲ့ စီးပွားရေး အလားအလာ ကောင်းမွန်တဲ့အခြေအနေကိုတွေ့နေ ရပြီးရင်းနှီးမြှုပ်နှံ သူတွေကို ဆွဲဆောင် နိုင်မဲ့အခြေအနေရှိတဲ့အတွက် ထိုင်း အစိုးရရဲ့ ၁၀ နှစ်အတွင်းဘွန်းစာချုပ် တွေတန်ဖိုးပြန် တက်ခဲ့ပါတယ်။ ဘတ် ငွေတန်ဖိုးကလည်းမြင့်တက်ခဲ့ပါတယ်။ ဘလွမ်းဘတ်ကပြုစုထားတဲ့ အချက်အလက်များအရ ဘတ်ငွေတန် ဖိုးကယခင်ရက်သတ္တပတ ်ကနဲ့နှိုင်းယှဉ် ရင် သုည ဒသမ ၁ ရာခိုင်နှုန်းမြင့် တက်ပြီးတစ်ဒေါ်လာကို ၃၀ ဒသမ ၆၇ ဘတ်နှုန်းရှိခဲ့ပါတယ်။