ဗီယက်နမ်နိုင်ငံဟာ လာမယ့်နှစ်ဆန်းမှစပြီး သကြား တင်သွင်းမှုအပေါ် အခွန် ၄၀ ရာခိုင်နှုန်းကောက်ခံမယ်လို့ သိရတယ်။၂၀၁၃ ခုနှစ်မှာ ဗီယက်နမ်သကြားပိုလျှံမယ် ခန့်မှန်းပြီး ပြည်တွင်းသကြားထုတ်လုပ်တဲ့ လုပ်ငန်းတွေကို အကာအကွယ်ပေးဖို့နဲ့ သွင်းကုန် အခွန်တိုးမြှင့်ကောက်ခံဖို့ စီစဉ်ရခြင်းဖြစ်တယ်လို့ ဘဏ္ဍာရေးဝန်ကြီးဌာနက ထုတ်ပြန် ထားတယ်။
သကြားဖြူတင်သွင်းမှုအပေါ် လက်ရှိ ကောက်ခံတဲ့နှုန်း မှာ ၁၅ ရာခိုင်နှုန်း ဖြစ်ပေမဲ့ လာမယ့် ၂၀၁၃ ဇန်နဝါရီ ၁ ရက်မှစပြီး အခွန်နှုန်းထားအသစ်နဲ့ ကောက်ခံသွားမယ်လို့ သိရတယ်။ ဗီယက်နမ်ရဲ့ သကြား ထုတ်လုပ်မှုက ကမ္ဘာ့ သကြားထုတ်လုပ်မှုနဲ့ ယှဉ်ရင် မပြောပလောက်ပေမဲ့ ယခုနှစ် သကြား ထုတ်လုပ်မှုက ပြည်တွင်းဝယ်လိုအားထက် ပိုမိုခဲ့ ကြောင်း၊ ၂၀၁၂-၂၀၁၃ ခုနှစ် သကြားထုတ်လုပ်မှုရာသီမှာ တန်ချိန် ၁ ဒသမ ၅ သန်းမှ ၁ ဒသမ ၆ သန်းအထိ ထွက်ရှိ မယ် ရည်မှန်းကြောင်း၊ ပြည်တွင်းဝယ်လိုအားမှာ တစ်နှစ်ကို တန်ချိန် ၁ ဒသမ ၃ သန်း- ၁ ဒသမ ၄ သန်းသာရှိကြောင်း သိရ တယ်။ Source:orgza.com.cn,ပပ