ကယားပြည်နယ်လွိုင်ကော်မြို့ ပဲစင်းငုံဈေးကွက်မှာ မတ်လ ဒုတိယပတ် အတွင်း ပဲစင်းငုံဈေးမာလျက်ရှိပြီး၊ တစ် ပိဿာကို ၁၀၀၀ ကျပ်ဈေးရှိခဲ့တာကြောင့် နေ့စဉ်ပဲစင်းငုံ ပိဿာ ၃၀ ဝင် ၃၀၀ အိတ်မှ ၄၅၀ အိတ်အထိ ဝင်ရောက် လျက်ရှိပြီး၊ အရောင်းအဝယ်သွက်ခဲ့ကြောင်း၊ လွိုင်ကော်မြို့ခံ ပဲကုန်သည်တစ်ဦးထံမှ သိရပါ တယ်။ ကယား ပြည်နယ် မှာ ၂၀၁၂/၂၀၁၃ မိုးသီးနှံ ပဲစင်းငုံစိုက်ဧက တစ်သောင်း ခန့်ရှိပြီး၊ ကယားပြည်နယ်က ပဲစင်းငုံစိုက်ပျိုး သူ တောင်သူအများစုက သီးသန့် စိုက်ခင်းအဖြစ် စိုက်ပျိုးသူအလွန်နည်းပါးပြီး၊ အစေ့ ထုတ်ပြောင်း စိုက်ပျိုးရာမှာ ကြားသီးနှံအဖြစ်သာအများစုကစိုက်ပျိုးခဲ့ကြတာဖြစ်ပါတယ်။ယခုနှစ်အတွင်း ပဲစင်းငုံ စိုက်ခင်းများ မှာ နှင်းခါး ကျရောက်မှုမရှိခဲ့ပေမယ့် ရာသီဥတုအခြေ အနေအရ မိုးရွာ သွန်းမှုနည်းပါးခဲ့တာကြောင့် ပဲစင်းငုံထွက်ရှိ မှု လျော့နည်း ကျဆင်းနိုင်ကြောင်း ဒေသခံတောင်သူအချို့ရဲ့ အဆိုအရ သိရပါတယ်။ MA- တောင်ကြီး
Background