ရှမ်းပြည်နယ် (တောင်ပိုင်း) အောင်ပန်း ကုန်စည်ဒိုင်ရဲ့ ဧပြီနောက် ဆုံး ပတ်မှာ ပဲစင်းငုံ၊ ပဲရာဇာနဲ့ ပဲပုပ်ဈေး မြင့်တက်ခဲ့သလိုအရောင်းအဝယ်လည်း သွက်ခဲ့ပါတယ်။ ဧပြီလဆန်းမှာ ပဲစင်းငုံ တစ်ပိဿာ ၈၅၀ ကျပ် - ၉၅၀ ကျပ်၊ ပဲရာဇာ တစ်ပိဿာ ၁၁၅၀ ကျပ်၊ ပဲပုပ်စေ့ တစ်ပိဿာ ၁၁၀၀ ကျပ်သာ ဈေး ရှိခဲ့ပေမယ့် ဧပြီနောက်ဆုံး ပတ် မှာတော့ ပဲစင်းငုံတစ်ပိဿာ ၉၅၀ ကျပ် - ၁၁၀၀ ကျပ်၊ ပဲရာဇာတစ်ပိဿာ ၁၆၀၀ ကျပ်၊ ပဲပုပ်စေ့တစ်ပိဿာ ၁၃၀၀ ကျပ်အထိ ဈေးနှုန်းမြင့်တက်ခဲ့ကြပြီး၊ အခြားကုန်ပစ္စည်းဈေးနှုန်းများလည်း အနည်းငယ်ဈေးမာခဲ့ပါတယ်။
အောင်ပန်းကုန်စည်ဒိုင်ရဲ့ ဧပြီ ၂၄ ရက်မှ ၃၀ ရက်အထိ သီးနှံအမျိုးအစား အလိုက် ဖြစ်ပေါ်ခဲ့တဲ့ ဈေးနှုန်း များနဲ့ အရောင်းအဝယ်ဖြစ်မှု အခြေအနေ များကတော့ ကြက်သွန်ဖြူတစ်ပိဿာ ၄၀၀ ကျပ် - ၁၆၀၀ ကျပ်နဲ့ ၁၄၉ တန်၊ အစေ့ထုတ်ပြောင်းတစ်ပိဿာ ၄၁၅ ကျပ်နဲ့ ၃၂ တန်၊ ပဲပုပ်စေ့တစ်ပိဿာ ၁၃၀၀ ကျပ်နဲ့ ၃၁ တန်၊ ပန်းနှမ်း တစ်ပိဿာ ၁၁၀၀ ကျပ်နဲ့ ၉ တန်၊ ချင်းအစိုတစ်ပိဿာ ၄၀၀ ကျပ် - ၆၀၀ ကျပ်နဲ့ ၃၁ တန်၊ ချင်းခြောက်တစ် ပိဿာ ၁၂၀၀ ကျပ်နဲ့ ၂၈ တန်၊ အာလူး တစ်ပိဿာ ၃၀၀ ကျပ် - ၆၅၀ ကျပ်နဲ့ ၁၆၈ တန်၊ ပဲစင်းငုံတစ်ပိဿာ ၉၅၀ ကျပ် - ၁၁၀၀ ကျပ်နဲ့ တန် ၂၀၊ ပဲရာဇာတစ်ပိဿာ ၁၆၀၀ ကျပ်နဲ့ ၁၆ တန်တို့ဖြစ်ကြပြီး၊ ဧပြီနောက်ဆုံးပတ်မှာ ကုန်တန်ချိန် စုစုပေါင်း ၆၁၈ တန် အရောင်းအဝယ်ဖြစ်ခဲ့ကြောင်း၊ အောင်ပန်း ကုန်စည်ဒိုင်ဈေးကွက် သတင်းအရသိရပါတယ်။မင်းအောင် - တောင်ကြီး