အိန္ဒိယနိုင်ငံပြီးလျှင် ကမ္ဘာမှာဒုတိ ယအများဆုံးစားအုန်းဆီတင်သွင်းနိုင်ငံ ဖြစ်တဲ့ တရုတ်နိုင်ငံမှာ တင်သွင်းမှုက စားသုံးမှုထက် သာလွန်နေတဲ့အတွက် စားအုန်းဆီသိုလှောင်လက်ကျန်က စံ ချိန်တင်မြင့်တက်ခဲ့ပါကြောင်း တရုတ် သီးနှံနဲ့ဆီလုပ်ငန်းအဖွဲ့က ပြောပါ တယ်။ နိုင်ငံရဲ့ အဓိကဆိပ်ကမ်းတွေ မှာ ယခုရက်သတ္တပတ်အတွင်းသို လှောင်ရုံ လက်ကျန်က မက်ထရစ်တန် ၁ ဒသမ ၅ သန်းရှိတဲ့အတွက် လွန်ခဲ့ တဲ့တစ်လ ကရှိခဲ့တဲ့ တန် ၁ ဒသမ ၄၆ သန်းထက် ပိုမိုခဲ့ကြောင်း ပေကျင်း အခြေစိုက် သုတေသနလုပ်ငန်းရဲ့ အထွေ ထွေ မန်နေဂျာ လျူကျန်ဝူးက မေ ၁၀ ရက် ကပြုလုပ်တဲ့ တွေ့ဆုံမေးမြန်းခန်း တစ်ခု မှာ ပြောပါတယ်။
လက်ကျန် များနေတာကြောင့် တရုတ်နိုင်ငံရဲ့ အဝယ်ကျဆင်းပြီးဈေး နှုန်းကိုကျဆင်းစေခဲ့ပါ တယ်။ ဈေးနှုန်း တွေက Bursa Malaysia Derivatives မှ ၂၀၁၂ ခုနှစ်က ၂၃ ရာခိုင် နှုန်းကျဆင်းရာကနေ ယခုနှစ်မှာ ၄၆ ရာခိုင်နှုန်းကျဆင်းခဲ့ပါတယ်။ မလေးရှားဈေးကွက်မှာ ဇူလိုင် အတွက် စားအုန်းဆီကြမ်းဈေးက ဒေသစံတော်ချိန် ညနေ ၃ နာရီ ၄၂ မိနစ်မှာ ၁ ဒသမ ၇ ရာခိုင်နှုန်းမြင့် တက်ပြီးတစ်တန်ကို ၂၃၂၆ ရင်းဂစ် (၇၇၈ ဒေါ်လာ) ရှိခဲ့ပါတယ်။ တရုတ် နိုင်ငံဒါလီယံကုန်စည်ဒိုင်မှာ ဈေးနှုန်း က ၂ ဒသမ ၆ ရာခိုင်နှုန်းမြင့်တက် ပြီး တစ်တန်ကို ၆၁၂၀ ယွမ် (၉၉၆ ဒေါ်လာနှုန်း) ရှိခဲ့ပါတယ်။ဉာဏ်တင်