ဆန်အဂတိလိုက်စားမှုကိစ္စ စုံစမ်းဖို့ ထိုင်းအထက် လွှတ်တော်က အဆိုပြု

အစိုးရက ဆန်ထုပ်တွေရောင်းချ ရာမှာ မမှန်မကန်မှုတွေရှိခဲ့တယ်ဆိုတဲ့ စွပ်စွဲချက်တွေကို အမျိုးသားအဂတိ လိုက်စားမှုတိုက်ဖျက်ရေးကော်မရှင် (NACC)   က စုံစမ်းစစ်ဆေးပေးဖို့ ထိုင်းအထက်လွှတ်တော်ဆပ်ကော်မတီ က စီစဉ်နေကြောင်း ဘန်ကောက်ပို့စ် သတင်းမှာ ဖော်ပြထားပါတယ်။

အဂတိလိုက်စားမှုနဲ့ ပတ်သက်ပြီး ဆပ်ကော်မတီရဲ့တွေ့ရှိချက်တွေကို လာမဲ့လထဲမှာ (NACC)   မှာတင်သွင်းပြီး ပါဝင်ပတ်သက်နေသူတွေကို အရေးယူ တော့မှာဖြစ်ကြောင်း ဆန်အပေါင်ထား အစီအစဉ်အရ ဆန်ရောင်းချမှုကိုကြီး ကြပ်ရတဲ့ အထက်လွှတ်တော်ဆပ် ကော်မတီဥက္ကဌရဲတပ်ဖွဲ့ ဒုတိယဗိုလ် ချုပ်ကြီး ယွပ်တာနာ ထိုင်းဖတ်ဒီကပြော ပါတယ်။ ထိုင်းစီးပွားရေးနဲ့ကူးသန်းရောင်း ဝယ်ရေးဝန်ကြီးဌာနရဲ့ ဈေးနှုန်းချိုသာ စွာနဲ့ရောင်းတဲ့ Blue Flag အစီအစဉ် အရ ဆန်ထုပ်တွေရောင်းချမှုမှာ ပါဝင် ပတ်သက်ပြီး မမှန်မကန်ပြုလုပ်တယ် ဆိုတဲ့ စွပ်စွဲချက်တွေနဲ့ ပတ်သက် ပြီး တွေ့ရှိချက်အသေးစိတ်ကို အစီရင်ခံစာ မှာဖော်ပြပေးမှာ ဖြစ်ပါတယ်။ ဆန်ကိုအစိုးရဆီမှာ အပေါင်ထား တဲ့ သိုလှောင်ရုံတွေထဲကရယူပြီး ပြည် တွင်းစားသုံးသူတွေကို Blue Flag  အမှတ်တံဆိပ်နဲ့ ဈေးနှုန်းချိုသာစွာပြန် ရောင်းဖို့ ထုပ်ပိုးပါတယ်။ ဒီလိုထုပ်ပိုး ရာမှာ ဆန်တွေက အရည်အသွေးမမီ ဘူး၊ ဟောင်းနေပြီဆိုတဲ့ စားသုံးသူတွေ ရဲ့ တိုင်တန်းချက်တွေရှိနေပါတယ်။ အပေါင်ထားဈေးနှုန်းအရ ဈေး နှုန်းကတစ်တန်ကို ဘတ် ၁၅၀၀၀ ရှိပေ မဲ့ Blue Flag အစီအစဉ်အရ ထုပ်ပိုး ခအပါအဝင်တစ်တန်ဘတ် ၇၅၀၀ ဆန် တွေကိုပြန်ထုတ်နိုင်ဖို့ အစိုးရက အတော်ကြီးပြင်ဆင်ခဲ့ရတာဖြစ်ကြောင်း ရဲတပ်ဖွဲ့ဒုတိယဗိုလ်ချုပ်ကြီး ယွပ်တာ နာကပြောပါတယ်။ Blue Flag  အစီအစဉ်အရ  ခုနစ်ကေဂျီရှိတဲ့ ဆန် တစ်ထုပ်ကို ဘတ် ၇၀ ကျပါတယ်။ Blue Flag  အမှတ်တံဆိပ်နဲ့ ဆန် တွေကိုနေရာနှစ်ခုကရောင်းပေးကြောင်း သူက ပြောပါတယ်။ စားသုံးသူတွေ ကို လျော့ဈေးနဲ့ရောင်းတဲ့ စီးပွားရေးနဲ့ကူး သန်းရောင်းဝယ်ရေးဝန်ကြီးဌာနရဲ့ တွတ်ဂျိုင်းလက်လီဆိုင်တွေနဲ့ အမျိုး သားဆန်စပါးမူဝါဒကော်မတီက အတည်ပြုထားတဲ့ ဆိုင်တွေဖြစ်ပါ တယ်။ ဒါပေမဲ့ ဝန်ကြီးဌာနဲ့ လှုပ်ရှားမှု အရဆောင်ရွက်တဲ့ တွတ်ဂျိုင်းဆိုင်တွေ ကို ဆန်ထုပ်တွေပို့တာကို ကန့်သတ် ထားပြီးတခြားလက်လီဆိုင်တွေကို ပိုပြီး ပို့တာကို အဖွဲ့က စစ်ဆေးတွေ့ရှိရ ကြောင်း ရဲတပ်ဖွဲ့ ဒုတိယဗိုလ်ချုပ်ကြီး ယွတ်တာနာက ပြောပါတယ်။ အမှန် တော့ ဒီလက်လီဆိုင်တွေက တကယ် မရှိဘူးလို့ ဆိုပါတယ်။ Blue Flag  အစီအစဉ်အရ ဆန် တန်ချိန် ၂ ဒသမ ၅ သန်းထုတ်ရောင်း တဲ့အနက် တွတ်ဂျိုင်းလက်လီဆိုင်တွေ က ရောင်းတာတန် ၈၀၀၀၀ သာရှိ ကြောင်းနဲ့ တန် ၁ ဒသမ ၆ သန်းက ဘယ်လိုကဘယ်လိုပျောက်သွားတယ် ဆိုတာ မသိရကြောင်း တခြားအမည် မဖော်လိုသူဆပ်ကော်မတီသတင်းရပ် ကွက်ကပြောပါတယ်။ ဒီလိုအခြေအန မျိုးတွေဖြစ်လာတဲ့အချိန်က ဆန်တွေ ကိုလျှော့ဈေးနဲ့တစ်တန်ကို ဘတ် ၇၅၀၀ နဲ့ရောင်း ဒီဆန်ကိုတစ်တန် ဘတ် ၁၃၀၀၀ နဲ့ ၁၄၀၀၀ နဲ့ပြန် ရောင်းပြီးခြားနားငွေကို စားနေတဲ့အုပ် စုတွေ ရှိနေပြီးလားဆိုတဲ့ အချိန်ဖြစ် ကြောင်း သူကပြောပါတယ်။ ဒီလိုလုပ်တဲ့အတွက် နိုင်ငံတော် မှာ ဘတ် ၁၀ ဘီလီယံဆုံးရှုံးခဲ့ရကြောင်း ဒုတိယဗိုလ်ချုပ်ကြီး ယွတ်တာနာက ပြောပါတယ်။ နိုင်ငံရေးသမားတွေနဲ့ အထူးသဖြင့် စီးပွားရေးနဲ့ကူးသန်း ရောင်း ဝယ်ရေးဝန်ကြီး ဌာနလက်အောက် က ပြည်သူ့ကုန်လှောင်ရုံအဖွဲ့လို နိုင်ငံ ပိုင်အေဂျင်စီတွေ ဒီလိုမမှန်မကန် ဆောင်ရွက်မှုတွေမှာ ပါဝင်ပတ်သက်မှု ရှိနိုင်တယ်လို့ အဖွဲ့ကသံသယရှိ ကြောင်းသူကပြောပါတယ်။ NACC  နဲ့ငွေကြေးခဝါချမှုတိုက် ဖျက်ရေးရုံး (Anti-Money Laundering office)   တို့က အစီအစဉ်နဲ့ ပတ်သက်တဲ့ငွေကြေးလုပ်ဆောင်ချက် တွေနဲ့ ငွေကြေးလမ်းကြောင်းတွေကို ပြန်ပြီးစုံစမ်းစစ်ဆေးရင် အဂတိမှုမှာ ပါဝင်နေသူတွေနဲ့နောက်ကွယ်ကကြိုး ကိုင်နေသူတွေကို ဖော်ထုတ်နိုင်မယ်လို့ သူကပြောပါတယ်။ အစိုးရရဲ့ ဆန်အပေါင်ထားအစီ အစဉ်ကကြားကနေ အမြတ်ထုတ်စေ နိုင်တဲ့ ယိုပေါက်တွေရှိပြီး အစိုးရက လည်း ပြဿနာတွေကို ထိန်းချုပ်နိုင် ခြင်းမရှိခဲ့ကြောင်း ရဲတပ်ဖွဲ့ဒုတိယဗိုလ် ချုပ်ကြီး ယွတ်တာနာ က ပြောပါ တယ်။ ဆပ်ကော်မတီရဲ့တွေ့ရှိချက်တွေ ကို အထက်လွှတ်တော်သို့ မတင်သွင်း မီရက်သတ္တပတ်နှစ်ပတ်အတွင်း လယ် ယာစိုက်ပျိုးရေးနဲ သမဝါယမဆိုင်ရာ အထက်လွှတ်တော်ကော်မတီက လေ့ လာဦးမှာဖြစ်ကြောင်း သူကပြောပါ တယ်။ ဆန်စပါးအပေါင်ထားတဲ့ အမြင့် ုဆုံးဈေးနှုန်းကို တစ်တန်ကို ဘတ် ၁၅၀၀၀ ကနေဘတ် ၁၂၀၀၀ ထိလျှော့ ချပေးဖို့ အစိုးရကဆုံးဖြတ်ထားကြောင်း မိမိတို့သက်ဆိုင်ရာပြည်နယ်အတွင်းရှိ စပါးစိုက်တောင်သူတွေကို ရှင်းပြ ဖို့ တစ်နိုင်ငံလုံးကပြည်နယ်အုပ်ချုပ်ရေး မှူးတွေကိုအမိန့်ပေးထားပြီးဖြစ်ကြောင်း ချာရူပွန်ရူအမ်းဘူဝန်က မနေ့ ကပြော ပါတယ်။ ဈေးနှုန်းတွေလျှော့ချတဲ့အတွက် နိုင်ငံတစ်ဝန်းရှိဒေါသထွက်နေတဲ့ လယ် သမားတွေကဆန္ဒပြမှုတွေဖြစ်ခဲ့ ပါတယ်။ ဈေးနှုန်းတွေလျှော့ချရတဲ့အကြောင်းကို ဝန်ကြီးချုပ်ယင်းလပ်ရှင်နာဝါထရာက အပတ်စဉ်ရေဒီယိုအစီအ စဉ်က တစ် ဆင့်ရှင်းလင်းတင်ပြမှာဖြစ်တဲ့အတွက် ဒီရေဒီယိုအသံလွှင့်ချက်ကို တစ်ဆင့် ထပ်မံလွှင့်ပေးဖို့ ပြည်နယ် အုပ်ချုပ်ရေး မှူးတွေကို သူက အမိန့်ပေးထားပါ တယ်။ ဆန်စပါးအပေါင်ထားအစီအစဉ် ကို ကြီးကြပ်သူစီးပွားရေးနှင့် ကူးသန်း ရောင်းဝယ်ရေးဝန်ကြီး ဘွန်ဆောင်းတီ ရီယာပီရွမ်နဲ့ အစီအစဉ်ကိန်းဂဏန်း တွေကိုအများပြည်သူကိုရှင်းပြတဲ့တာ ဝန်ယူထားတဲ့ ဝန်ကြီးချုပ်ရုံးဝန်ကြီး ဗာရာသက်ရက်တနာကွန်တို့ကလည်း ရေဒီယိုအစီအစဉ်မှာ ပါဝင်မှာဖြစ်ပါ တယ်။ ထိုင်းတောင်သူလယ်သမားအ သင်းကိုယ်စားလှယ်များနဲ့ အလယ်ပိုင်း ဒေသရှိ ပြည်နယ် ၂၂ ခုက လယ်သ မားတွေက ဈေးနှုန်းလျှော့ချတာကို ပြန်လည်စဉ်းစားဖို့ အစိုးရအိမ်တော်မှာ အင်္ဂါနေ့ကျရင် ယင်လပ်ထံ စာတစ် စောင်တင်သွင်းဖို့ စီစဉ်နေပါတယ်။ လက်ရှိအပေါင်ထားတဲ့ အစီအစဉ်ကုန် ဆုံးချိန်ဖြစ်တဲ့ စက်တင်ဘာ ၁၅ ရက် အထိဆန်စပါးရဲ့ အပေါင်ထားအမြင့် ဆုံးဈေးကို ဘတ် ၁၅၀၀၀ အတိုင်း အစိုးရကဆက်လက်ထိန်းထားဖို့ သူတို့ ဆန္ဒရှိပါတယ်။ သူတို့တောင်းဆိုချက်ကို မလိုက် လျောရင် ဘန်ကောက်မြို့အထိ လူစု လူဝေးနဲ့ ချီတက်ဆန္ဒပြမှာဖြစ်ကြောင်း သူတို့က ခြိမ်းခြောက်ပါတယ်။ဉာဏ်တင်