အပိုဘတ်ဂျက်စီမံကိန်းနဲ့ ပေါ်လ စီအတိုးနှုန်းချထားခြင်းစတဲ့ စီးပွားရေး တွန်းအားပေးအစီအမံတွေဆောင်ရွက်ပေ မဲ့ တောင်ကိုရီးယားရဲ့ စီးပွားရေးက တိုး တက်နှုန်းနှေးကွေးနေဆဲဖြစ်နေတာကို ဇူလိုင် ၉ ရက်ကထုတ်ပြန်တဲ့ အစိုးရ အစီရင်ခံစာမှာတွေ့ရကြောင်း ရှင်ဝှာ သတင်းမှာဖော်ပြထားပါတယ်။
"စားသုံးသူဈေးနှုန်းတွေ တည်ငြိမ် နေတဲ့အတွက် တချို့စီးပွားရေးညွှန်း ကိန်းတွေ ဖွံ့ဖြိုးတိုးတက်တာကို တွေ့ရပါ တယ်။ ဒါပေမဲ့ အလုပ်အကိုင်ရရှိတာ ကျဆင်းမှုနဲ့အတူ စက်မှုကုန်ထုတ် လုပ်ငန်း၊ စားသုံးမှုနဲ့ ဆောက်လုပ်ရေး ရင်းနှီးမြှုပ်နှံမှုတွေ ကျဆင်းခဲ့ပါတယ်" လို့ မဟာဗျူဟာနဲ့ ဘဏ္ဍာရေးဝန်ကြီး ဌာနက လစဉ်ထုတ်ဝေပြီး စီးပွားရေး အခြေအနေတွေကို ဝေဖန်ဖော်ပြထား တဲ့ ွမနနည သြသု မှာ ဖော်ပြထားပါ တယ်။ ကုန်လွန်ခဲ့တဲ့တစ်လကနဲ့နှိုင်း ယှဉ် ရင် ဝန်ဆောင်မှုကဏ္ဍမှကုန်ထုတ်လုပ် မှုက သုည ဒသမ ၂ ရာခိုင်နှုန်းတိုး တက်ခဲ့ပေမဲ့ သတ္တုတူးဖော်ရေးနဲ့ ကုန် ချောထုတ်လုပ်ရေးလုပ်ငန်းတွေမှာ သုည ဒသမ ၄ ရာခိုင်နှုန်းကျဆင်းခဲ့ပါ တယ်။ အလားတူကာလအတွင်းမှာ လက်လီရောင်းချရေးလုပ်ငန်းတွေက သုည ဒသမ ၂ ရာခိုင်နှုန်းကျဆင်းခဲ့ပြီး ဆောက်လုပ်ရေးရင်းနှီးမြှုပ်နှံမှုလုပ်ငန်း ၄ ဒသမ ၃ ရာခိုင်နှုန်း ကျဆင်းခဲ့ပါ တယ်။ စားသုံးသူဈေးနှုန်းတွေက နှစ် အလိုက်နှိုင်းယှဉ်ရင် ဇွန်မှာ ၁ ရာခိုင်နှုန်း မြင့်တက်ခဲ့ပြီး ၁၄ နှစ်အတွင်း အနိမ့် ဆုံးအဆင့်မှာ နှစ်လဆက်တိုက်ရှိခဲ့ပါ တယ်။ တောင်ကိုရီးယား စီးပွားရေးမှာ ထက်ဝက်လောက်ပါဝင်နေတဲ့ ပို့ကုန် လုပ်ငန်းတွေက ယခင်နှစ်အောက် သုည ဒသမ ၉ ရာခိုင်နှုန်းကျဆင်းခဲ့ပါ တယ်။ အဓိကအားဖြင့် ငွေကြေးမူဝါဒ လျှော့ချမှုတွေကို တရကြမ်းပြုလုပ်ခဲ့တဲ့ အတွက် အမေရိကန်ဒေါ်လာ၊ တောင် ကိုရီးယားဝမ်စတာတွေနဲ့ ဖလှယ်တဲ့ အခါ ငွေကြေးတန်ဖိုးကျဆင်းနေတဲ့ ဂျပန်ရဲ့ဝယ်လိုအားကျဆင်းတဲ့အတွက် ဖြစ်ပါတယ်။ တောင်ကိုရီးယားနိုင်ငံက ဧပြီလ မှာ ဖြည့်စွက်ဘတ်ဂျက်အစီအစဉ်ဝမ် ၁၇ ထရီလီယံ (ဒေါ်လာ ၁၅ ဘီလီယံ) ကို ကြေညာခဲ့ပြီး ပေါ်လစီအတိုးနှုန်းကို မေက သုည ဒသမ ၂၅ ရာခိုင်နှုန်း လျှော့ပေးခဲ့ပါတယ်။