ဘုရင့်နောင်ဈေးကွက်မှာ မတ်ပဲ (RC) ကို အိန္ဒိယဝယ်လက်က ကဒီတစ်ပတ်မှာ ဝယ်အားပုံမှန်ရှိပေမယ့် ဈေးကတော့ တန့်နေကြောင်း သိရပါတယ်။ ဒါ့အပြင် ပဲစင်းငုံနီ (RC) ကလည်း ဈေးငြိမ်ပြီး အ ရောင်းအဝယ်ရက်ခြားဖြစ်ခဲ့တယ်လို့ သိရပါတယ်။ မတ်ပဲ (RC) ကို အိန္ဒိယအဆွဲပုံမှန်ရှိနေတယ်။ အိန္ဒိယဘက်မှာ ဒီရက်ပိုင်းဝင်နေတဲ့ မတ်ပဲတွေက မြန်မာမတ်ပဲရဲ့ အရည်အသွေးကို မမီဘူးလေ၊ ဒါကြောင့် မြန်မာ့မတ်ပဲကို အိန္ဒိယက အရည်အသွေးပေါ်မူတည်ပြီး ပုံမှန်အဝယ် ရှိခဲ့တယ်လို့ ဘုရင့်နောင်အခြေစိုက်ပဲကုန်သည်တစ်ဦးကဆိုတယ်။ အ ရောင်းအဝယ်ဖြစ်မှုက တစ်တန်ကို အနိမ့်ဆုံး ၅၂၃၅၀၀ ကျပ်မှ အ မြင့်ဆုံး ၅၃၀၀၀၀ ကျပ်အတွင်းတန်ချိန် ၅၀၀၀ ခန့်ဖြစ်ခဲ့ကြောင်း သိရပါတယ်။ ပဲစင်းငုံနီ (RC) အနေနဲ့ ရောင်းသူကုန်သည်တွေထံမှာ ပစ္စည်းလက်ကျန်နည်းလာပေမယ့် ဒီရက်ပိုင်းမှာ အိန္ဒိယဝယ်လက်က အဝယ်အနည်းငယ်ပြန်လိုက်လာလို့ ဈေးကွက်မှာ အရောင်းအဝယ် ပြန်ဖြစ်ခဲ့ကြောင်း သိရပါတယ်။ အရောင်းအဝယ်အနေနဲ့ တစ်တန် ကိုအနိမ့်ဆုံး ၅၄၉၀၀၀ ကျပ်မှ အမြင့်ဆုံး ၅၅၂၀၀၀ ကျပ်အတွင်း တန် ၅၀၀ ခန့်ဖြစ်ခဲ့ကြောင်း သိရပါတယ်။
Background