အခြားပဲတွေထဲမှာ တင်ပို့မှုများနေသေးတဲ့ ပဲလွန်းဖြူ လက်ရှိဈေးကွက်တွေမှာ အခြားပဲအမျိုးအစားတွေ လက်ကျန် လျော့နည်းလာပြီဖြစ်ပေမဲ့ ယခုတစ်ပတ်ထိ တင်ပို့မှုများနေသေးတာကတော့ ပဲလွန်းဖြူ ဖြစ်ပါတယ်။ ယခင်တစ်ပတ်က တန်ချိန် ၆၈ဝ ခန့်ထိ စံချိန်တင် တင်ပို့နိုင်ခဲ့သလို ယခုတစ်ပတ် (စက်တင်ဘာလ ၉ ရက်မှ ၁၅ ရက်)အတွင်းမှာလည်း တန်ချိန် ၅ဝဝ ခန့်ထိ တင်ပို့ခဲ့တာတွေ့ရပါတယ်။ တင်ပို့တဲ့နိုင်ငံတွေကတော့ အီဂျစ်၊ အိန္ဒိယ၊ ကိုရီးယား၊ ပါကစ္စတန်၊ စင်ကာပူ၊ ထိုင်းနဲ့ ယူအေအီးတို့ ဖြစ်ပါတယ်။ အိန္ဒိယ မွန်ဘိုင်းဈေးကွက်မှာ ပဲလွန်းဖြူ (ပဲခူး) တစ်တန်ကို ရူပီး ၄၈၅ဝဝ (ကန်ဒေါ်လာ ၁ဝ၄၉) နဲ့ ဈေးငြိမ်နေသလို ရန်ကုန် FOB ဈေးမှာလည်း FAQ တစ်တန်ကို ကန်ဒေါ်လာ ၇၈ဝ-၇၉ဝ၊ SQ တစ်တန်ကို ကန်ဒေါ်လာ ၈၉ဝ-၉ဝဝ အသီးသီးရှိတယ်လို့သိရပါတယ်။MIRT - MAPT
Background