မြင်းခြံခရိုင်မှာ မိုးကြက်သွန်နီစိုက်ပျိုးနေကြပြီ မန္တလေးတိုင်းဒေသကြီးအနေနဲ့ မိုးကြက်သွန်အများဆုံးစိုက်ပိုျးတဲ့မြင်းခြံခရိုင်မှာ ယခုလမိုးကြက်သွန် စတင ်စိုက်ပျိုးနေပြီလို့သိရပါတယ်။ ကြက်သွန်နီ ဈေးမကောင်းလို့ ယခုနှစ်ကြက်သွန်နီအစိုက်နည်းနိုင်တယ်လို့ ခန့်မှန်း ကြသော်လည်းမြင်းခြံခရိုင်ရှိတောင်သူများအနေနဲ့ နှစ်စဉ်စိုက်ရိုးစိုက်စဉ်ဖြစ်တဲ့ ကြက်သွန်နီ ကိုတော့ ယခုနှစ်မှာလည်း ဆက်လက်စိုက်ပျိုးကြမယ်လို့သိရပါတယ်။ လက်ရှိအချိန်ထိ မြင်းခြံခရိုင်တွင် စိုက်ဧက ၁ဝဝဝ ကျော်စိုက်ပျိုးနိုင်ပြီဖြစ်ပြီး၊ ယခင်နှစ်ကာလတူစိုက်ဧကရဲ့သုံးပုံတစ်ပုံသာ စိုက်ပျိုးနိုင်သေးသော်လည်း တော်သလင်း လလယ်ခန့်မှာတော့အများဆုံး စိုက်ပျိုးကြမယ်လို့သိရပါတယ်။ ၎င်းအချိန်မှာ တောင်သူများ တစ်ချိန်တည်း စိုက်ပျိုး သွားမှာဖြစ်လို့ ယခင်နှစ်စိုက် ဧကဝန်းကျင်စိုက်ပျိုးနိုင်မယ်လို့ ခန့်မှန်းထားကြောင်း ကြက်သွန်နီ ပွဲစားတစ်ဦး ရဲ့ပြောကြား ချက်အရ သိရပါတယ်။ သင်းသင်းမြတ်
Background